MBEN ISRAEL IMBUT-MBUT NYEN 4:15 - ALLAH NIHYET MEM TUNGWATU NYA

¹⁵ Tirigi jam dem mem jilet jide prak meng nya bijipri leu mpia ttou nsi gom lene suar Harun kin nipmot bat nya icoi ug ei Ditde Prak Meng nsi ba, iba minyahas binggai ndigban hagom kin nimbumbati hagom ei sirima. Gima leu ug api Kehat nide bat nya ikwei mem gima ittei ba, yuug sut. Noro ma ingget mun di kwes-kwau dima yok au. Gino ingget mun nyeng gom lene imai drek dip. Gima ne Kehat nide bat nya ide midyai di igyai ei mpe dino jilet Ditde Prak Meng bijimbut tut ri.

MBEN ISRAEL IMBUT-MBUT NYEN 4:15 ပူးပေါင်းရင်းမြစ်များ

SAMUEL GI NICAN 15:24

Imam Zadok kin Imam Abyatar kin keret Lewi yahagom ibit yok bikon tuhan de Brua Gi Preu bimbut tut. Lene imam nya igya igyati bikes Brua Gi Preu ei dihyeisi bijo ei sirima kikau bibou timiei minu ndig Yerusalem yahagom inang bingwig leu minu ndig dima ug e.

SAMUEL GI NICAN 6:13

Tirigi yo di ittei Brua Gi Preu dima imbut bicom imig mbimuhwindagom he lene noni cuk yok bigya leu api ba sapi nikre kin sapi mien di pap-nap kei bibon midut nindig mindhe kep humti bak tuhan.

NIBOU NDIG NYA GI NIGOM 8:3

Tirigi nibou nya yahagom idem yam ei su lene imam nya ikon Brua Gi Preu,

NIBOHON MBEN ISRAEL GI NIGOM 15:15

Tirigi ittei brua dima kwei lene iba ug can bikon ei inghat dip leu api ittei sut ba, ibibit leu tuhan nikos tutti di yai bak Musa nipou su.

NIBOHON MBEN ISRAEL GI NIGOM 15:2

Lene noni tri tut “Yo di intun keret Lewi him he rima ittei tuhan De Brua Gi Preu dima lewo tuhan Allah dimig yok ei habiei mem midyai dima ba, igyai midyai mem Noni nok Nide awak di ingon gom bijo ninno bijo kikau.”

NIBOHON MBEN ISRAEL GI NIGOM 23:26

Gima rino suar yo di intun Lewi him ittei tuhan De Prak Meng kin ndigban di joti nya hagom bimbut-mbut nyen tut bu bi.”

NEHEI LEUSI 19:12

Suar asrin ttai Nungug Sinai nikiou ser nhyepo tungwatu nya ipigau hanjop bi. Asok kep yok ngkiem ser nhyepo hi kui nungug dini ba, dideu cem bi. Gino tungwagom pigau hanjop dima lene jiyai nimai binoni hak.

NEHEI LEUSI 19:21

Lene tuhan pai binoni “Ma ajuk hanyen bu ba, asok kep tungwatu nya ngkiem ser nhyepo hi pigau hanjop kwei bingat Dingat bi. Leu gino injiriek lene imang bibor mimai.

NEHEI LEUSI 27:7

Lene acim ug nya ei srak di bicim nimbar hum dok nitta him nyati mem gima abikon hagom titut yam bimbut tut.

IMAM NYA IDE MIDYAI 16:13

Lene ma noni ndig biei nggrai di ui-gwang kei dima ei hum mbomti ei Doho bei leu binhyepo nimmup di brou kui binggai kep ser Brua Gi Preu nibeng ba, bit bon Harun ngat nibeng bou niyai him bimai bi. Leu gino noni ngat lene noni mimai.

MBEN ISRAEL IMBUT-MBUT NYEN 1:50

Noro acuk yok ba, inyohou dimig Ditde Prak Meng bitut nimbumbati nya ba, igyai midyai eisi lene ibiang hagom tirigi jimbut-mbut nyen cem. Lene ma yohok ide prak meng nya bikrop ttai Ditde Prak Meng dima.

MBEN ISRAEL IMBUT-MBUT NYEN 1:51

Gino jipri leu mpia ttou nsi gom lene suar pinai di intun keret Lewi him dima rima ilet Ditde Prak Meng. Leu api bikwop mpe di juug hok prak meng hanyen ei mpia ttou nsi gi nijep bu lene yoni rima yohok hanyen a. Ter leu yoni lene tungwa tou rino dideu Prak Meng dima lene mitug ndei hukum nimai drek dip.

MBEN ISRAEL IMBUT-MBUT NYEN 10:21

Gima leu api Kehat nya di ittei ndigban di kwes-kwau nya injei bram yok. Tirigi yuug krau mpia ttou nsi di yohok ide prak meng nya eisi bu lene Gerson Merari nya yohok tuhan De Prak Meng hanyen.

MBEN ISRAEL IMBUT-MBUT NYEN 18:3

Suar keret Lewi yuusap nani tut midyai ba, igyai ibou tut midyai di inyeng joti nya ei Ditde De Prak Meng nsi. Noro harin dima idideu nimbar hum dok ba, ingget ndigban di kwes-kwau ei Ninsi di Kwes cem a. Gino itunggwei sut nicukti dima lene yoni kin nani cem mijitug ndei hukum nimai hak ug.

MBEN ISRAEL IMBUT-MBUT NYEN 3:38

Lene suar Musa kin Harun bitut ipmot bat nya yohok ide prak meng ei mben Israel ide prak meng yati hammi tuhan De Prak Meng nuhui nite bei mpia nipriti. Yoni yahati tut midyai di bitut nibon midut nikuk yok bak tuhan nyati mem mben Israel ei Ninsi Di Kwes. Ter leu yoni lene tungwa tou rino bingon biyai midyai dima mitug ndei hukum nimai drek dip.

MBEN ISRAEL IMBUT-MBUT NYEN 4:14

Lene ikes nimbumbati di ibibon midut nibikuk yok bak tuhanti ei nimbar hum dokti dima nok atriemti kin hot nggram nya kin skop nya kin bokor nya hagom ei dip. Leu api iba mindhe ngkek di nggriu-nggrop kei gom bijuk kep mun dima hagom lene ma isu ug di ibikon nya hacem eisi leu api ikes bijo ei lat gom dip.

MBEN ISRAEL IMBUT-MBUT NYEN 4:19

itug ndei nimai drek dip gi idideu ndigban kin nimbumbati di kwes-kwau dima au. Suar Harun kin nipmot bat nya icoi ug ei Prak Meng dimati binyohou pingok Kehat nide bat nya tut mun di ittei di imbut tut nya leu binhyepo hukum pima micut igkep yok bi.

MBEN ISRAEL IMBUT-MBUT NYEN 4:20

Leu gino Kehat nide bat nya icoi ug ei Prak Meng nsi dima bingat lo, imam nya no igya kep nimbumbati di inggai kep bingwig bigyo dima bou igyai him lene yoni mitug ndei hukum nimai drek dip.”

MBEN ISRAEL IMBUT-MBUT NYEN 7:9

Noro Kehat nide bat nya igyai kroba nindig kin sapi leu Musa bi lewo suar yoni ikon ndigban di kwes-kwau di yahati tut nya ei inghat dip bimbut tut.

NINDAT KEP TUHAN NICUKTI NYA 31:9

Lene Musa pas kep tuhan Allah de nicukti nya hagom ba, kes srat dima ei imam di intun Lewi him di inyeng tak kep Allah de Brua Gi Preu nya indati kin nibou mben Israel indati cem.

YOSUA 4:10

Lene imam pima yok igya igyati ei Yordan ninggimau kikau bibou mun di tuhan sok ei Yosua dip bak nide limwa nya hagom put ug e. Gini bit leu nok Musa nicuk yokti nya. Lene mben Israel ibipbur ba, isigon minyei Yordan.

SAMUEL GI NIGOM 6:19

Noro timiei Bet-Semes ibou ningot muhwindacan yuug ngig igyai kep mun di jo ei Brua Gi Preu dimati. Gima rino tuhan kes hukum nimai ei yahagom dip. Apino timiei Bet-Semes nya ingon ngguk tut hukum nindig bibor di tuhan bindei di cut igkep yok dima.