MBEN ISRAEL IMBUT-MBUT NYEN 35:33 - ALLAH NIHYET MEM TUNGWATU NYA

³³ Gino jisindui sut noni nok gima lene jibindei ba, map kui dihyei di jibong niti. Nihwen nimbiam ninggrom bindei ba, map kui minuti. Ba, puig hiter mem gima jibon midut di bindei kwes dihyei dima ningat rin bi noro tug hon gi jikus no di hwen nimbiam dima ninnei leu he.

MBEN ISRAEL IMBUT-MBUT NYEN 35:33 ပူးပေါင်းရင်းမြစ်များ

MAZMUR 106:38

Isiber imunggwom bat nya di ibon mun tunggwei bi nya inggrom bindig yok kep hum ei nimbar hum dokti bak kwar nya. Igyaisi dima ribindei di map kui minu dimati a.

MIKHA 4:11

Minu ndig Yerusalem e, mben imang bibor injei siceu ndam na bicuk yam “Jikwei ba, inggek minu ndig Yerusalem bitimek bingwig! Ma ita ibou eisi leu binhyepo ingat minu ndig Yerusalem di wer igkum kroi bou igyai him!”

YESAYA 26:21

tuhan mijuk kwei leu Nide gumihyep di gwam niti ei gwamti bikes hukum ei timiei dihyeisi nya dip drek dip ide sisar. Noni mimbot kep ide niyai nimai bak tungwatu niku di jo nding leu tungwatu igyai him apino mijo ei nibreisi. Dihyei miyon kep tungwatu di igyai nimai biyok tu nya bu bi.

NIBOU NDIG NYA GI NICAN 24:4

ningat-ngat rino drek dip gi noni yai nimai bak yo di ingon ngun pima yok cem bibie ug e. Bit bon tuhan kos ser Manasye niyai munti di kinei bibor dima kan bi.

NIBOU NDIG NYA GI NICAN 23:26

Noro tuhan no ningon sibui sut mben Israel drek dip nibou ndig Manasye niyai munti nya pima lene bit bon Noni luei ningonti tut kan bi.

IMAM NYA IDE MIDYAI 18:25

Map kui ide dihyeiti drek dip igyai munti di kinei bibor dima. Gima rino tuhan kes hukum ei yo dima dip apino rok yok bijji yok leu ide dihyei dima.

NITRITI 9:6

Lewo dipai tes tungwatu nya itta noyam kin Danti ditta. Gima rino tungwa tou rino hwen mun lene no dima mitug ndei nimai leu tungwatu nya drek dip.

MAZMUR 106:28

Niabiati bu lene Allah de limwa nya ikuk yok bak kwar Baal-Peor bigyem mikwau di ibikuk yok bak kwar nya cem.

NINDAT KEP TUHAN NICUKTI NYA 21:23

lene ma jisindui sut nimai ngut dima bijo ei sirima mmun jei dima au. Noro suar jitig ei njap dima cem. Nimai ngut di ipindur ei cou him bindei ba, Allah misigion minu dima drek dip. Gima rino ma jitig nimai ngut dima leu binhyepo jibindei map kui minu di tuhan Allah miyai bije bi.

NITRITI 4:10

Lene tuhan hig ser noni bu “Abon mun di kinei bibor dini tut nggon i? Akinjoi ninggrom no hara Da leu dihyeisi mo jug dem kep nok nihyet di hara mem nibirop hanyen bina.

MBEN ISRAEL IMBUT-MBUT NYEN 35:32

Gino tungwagom nang ug ei minu ndig niya coi gom lene ma jisindui sut ba, noni ba mitiei bigo gau nonti leu binhyepo ngkwei hanyen ug ei nide ig bei nipou tirigi Imam Nibou Ndig mai bigyo au.

NINDAT KEP TUHAN NICUKTI NYA 19:10

Ma jiyai igbit dicuk jeti tut minu ndig ninang coi nya pima leu binhyepo jibon sisar tug hon gi jisindui sut ba, hi yai nimai bak no di bon mun tunggwei bi dima ei minu di jide tuhan Allah miyai bije dima au.

NIJAM NIKEI NYA 9:24

Mun dini cut igkep yoni nok nibuhup hanyen biyokti drek dip ide niyai mun kineisi tirigi ibidip huk Abimelekh po yai nimai bak Gideon nipmot bat nya ibou ningot muhwindacan nipou pima.

NIBOU NDIG NYA GI NIGOM 2:31

Miap tu lene nibou ndig cuk Benaya “Aug hanyen ba, ayai nimai bak Yoab bit leu nok nipaisi dima leu api atig. Leu binhyepo dani kin dicig de nintun him yamti di bram yam nya nibiang nibuhunti drek dip Yoab nibon mun tunggweisi di yai nimai bak yo cin di ingon ngun pima bi.

YESAYA 24:5

Nirom mikui dihyeisi dini tug hon timiei nya di itunggwei Allah nicukti nya di iba Nide nidimig sutti nya bikek ba, ingkek ndok tut Nide nipreu ei mem yokti nya cem bijo ninno bijo kikau.

YEREMIA 16:18

Midiba hukum mbican bram yam bibuhup biyok drek dip ide sisar kin ide nibon mun di kinei biborti lewo ibindei ba, map kui Ditde minu dini tug hon kwar mang bibor tu. Ninnei jo kwar dimati bi noro hagom noyam kin nimai ngut.”

YEREMIA 26:15

Noro ma jiyok ngon kep bipia gino jiyai nimai bida lene jeni kin timiei minu ndig dini jingon mui drek dip gi jiyai nimai bak no di ningon ngun. Lewo tuhan ricuk da kwei leu binhyepo ditri tut nihyet bije.”

NINDAT KEP TUHAN NICUKTI NYA 19:13

Ma jingondut noni au. Tug hon nisinati dima mijikwek mben Israel bingwes ngun leu sisar nihwen nimbiam dima. Leu binhyepo jibong kei jigwam kei.”

SAMUEL GI NICAN 3:29

Nnaba, Yoab bitut nide bat nya yahagom mibiang nibuhunti drek dip igyai munti di kinei dima. Nnaba tungwagom leu Yoab de nintun him di bram yam nya tug ndei ninggwen di buhun bibor di yem ningkek dip ug e, he pinai nya inghuisi jet-jop ug e, he bihi mai ei pranti ug e, he bihi njita dem mem noni bi ug e, nok gima sindam bijo ninno.”

SAMUEL GI NICAN 21:9

Nibou ndig kes yok ei mben Gibeon indati leu api yahak ingut ei dihim ninggwenti ei tuhan Noho bei ei mbigdip gom ba, ibou muhwindacan dima yahagom imai sur yam. Ikes hukum nimai ei yok dip mem nijam di ikinyon ei nipuk gandum-barli ningan kui igudan ei nimbie him.

NIBOHON MBEN ISRAEL GI NICAN 23:15

Lene ikat noni ba, ikri ug ei nibou ndig de ig leu api igyai nimai bak ei Dimbou Pmem Kuda nuhui ei nibou ndig de ig him.