MBEN ISRAEL IMBUT-MBUT NYEN 35:20 - ALLAH NIHYET MEM TUNGWATU NYA

²⁰ Gino tungwagom ningon sibui sut hiter leu api njei no dima hwen mpia bimai e, he ba mun hi bihwen bimai e, he

MBEN ISRAEL IMBUT-MBUT NYEN 35:20 ပူးပေါင်းရင်းမြစ်များ

NEHEI LEUSI 21:14

Noro gino tungwagom mbuk tut hiter lene bisinggre bihwen noni leu api nang ug ei Ditde nimbar hum dok nikiou leu binhyepo ningwes ngun ei sirima lo, ma je di nindigsi jibrim noni leu nimbar hum ndok nikiou ba, jikes hukum nimai ei noni dip.

NINDAT KEP TUHAN NICUKTI NYA 19:11

Noro gima ter leu tungwagom di ba ningon di sibui biya ser nide siceu lene bisinggre biyai nimai bak leu api nang bicoi ug ei minu ndig ninang coi hi mem gima bicuon nonti niyaisi.

SAMUEL GI NICAN 20:10

Noro Amasa gingat simeda di Yoab krau ei ninda prak bi. Leu api Yoab dat Amasa ninghopti kros ba, brim simeda tut ba, ninghop tigwau biyem mpia ei dihyeisi mu. Lene ningut tti bimai hak ei sirima. Apino Yoab gidat noni nimbican bu bi. Lene Yoab kin nikinjoi Abisai yuhuk bram Seba kikau.

SAMUEL GI NICAN 3:27

Abner ngkwei hanyen bikwei krau Hebron tu lene Yoab bipbur bipai bak noni bipia yahacem igya ter dideu dimbou pmem leu binhyepo mbot kep mimun bak. Leu api Yoab dat Abner ninghopti kros ba, tti bimai hak. Yoab ningon nggrom kep Abner biyai nimai bak drek dip nikinjoi Asael po Abner yai nimai bak pima ri.

NITRITI 4:8

Mpe hi bu lene Kain pai bak nikinjoi Habel “Akwei ba, suug ei ngoi dumti ri.” Tirigi yuug krau ngoi dumti lene Kain bui nikinjoi bimai hak ug.

KISAH 23:21

Noro ma ace tut ighyet au. Lewo tungwatu imangti njiriek ibou ningot bitai ikos dik sir simpak mem gima ihwen Paulus hapuig. Yo dima yeheng biyam ser bipia igyem njita bidut ndia ngei bi kikau bibou ihwen Paulus bimai. Nogindini itin ei su ba, ibet ingon mem gima na di Andigpoi abuhup ighyet hanyen.”

KISAH 20:3

Paulus bong ei hanjop dima mem bed ningai. Tirigi noni tin ei bingkwei hanyen ug ei minu Siria lene hi mbot kep binoni bipia mben Yahudi igyok ingon gom mem gima ihwen noni. Gima rino noni kos tut bipia kriau ug ei hanjop Makedonia.

LUKAS 4:29

Yahagom ikiju ba, ijji Yesus leu ide minu ndig bikri Noni ug ei pimbien bou di jo dideu ide minu ndig dima bipi binjei Noni tut niyaisi ug ei pimbien behei.

MARKUS 6:19

Gima rino Herodias cem ningon sibui sut Yohanes lene pi bikos noni noro bit bon yai kan bi lewo Herodes tindap ser,

NIPINGOK NINGONTI 28:17

No di ningon mui di ningon huk niti tut nihwen munti mporo nang kikau ba, ug bipek niyaijo ningwig honti bicoi jui kep. Ba, hi di bigen ser ninangti dima kan bi.

NIPINGOK NINGONTI 26:24

No di ningon mang ba ninsi di mmau biris tungwatu nya noro ku ningon di koi kep yok bijo nding.

MAZMUR 11:2

lewo yo di isibut di iku yonti ei nidinditi isror tibor bibicom bisinei mem gima iprindei yo di ingon gom nya. E bi! No dima nuhui buwei.

SAMUEL GI NICAN 13:22

Absalom ningon kinei sut Amnon nindig bibor ba, kou ser gi mbrap bit noni bu cem drek dip gi kat nikwohop biyem njita tut pima.

SAMUEL GI NIGOM 24:11

Jo nibreisi mem na di Andigpoi bipia nogindi pa tuhan kes na di Andigpoi ei dindati. Ditde limwa nya ibou poi ibidip huk da leu binhyepo diyai nimai bak na di Andigpoi noro dice tut ighyet bi lewo dingondut na di Andigpoi. Dipai biyok bipia dikou sut gima dimbuk tut na di Andigpoi lewo tuhan Nonti ta na di Andigpoi nok nibou ndig.

SAMUEL GI NIGOM 20:1

Lene Daud nang leu Nayot dideu minu ndig Rama buug um Yonatan ba, hig ser noni “Dibon mun tunggwei nok mindei ngan i? Dibon sisar mindei ngan tut acig di bindei dino noni bungwam mem gima yai nimai bida hanyen i?”

SAMUEL GI NIGOM 18:25

Lo bi lene Saul sok nihyet ei yok dip bu leu binhyepo ipai bak Daud “Nibou ndig kak tut mimbron nindig bibor bi. Noro ma ahwen mben Filistin ibou sratus gom he ba, apwoi ingkek kulup kwei mem Saul. Tug hon nisinati dima lene noni mibirop hanyen bak nide siceu nya.” (Saul kos tut nok gima leu binhyepo Daud mitug midut tug hon nikon pran bit mben Filistinti.)

NITRITI 4:5

Noro Noni rok Kain tut nide mun di kwas. Apino Kain ningon sibui nindig bibor binghek.

MBEN ISRAEL IMBUT-MBUT NYEN 35:19

Suar nimbiam dima nide bat di dideu rima yai nimai bak no di ninda yem nimbiam pima. Tirigi tau kep noni lene suar yai nimai bak.

MBEN ISRAEL IMBUT-MBUT NYEN 35:21

kimut ninda bitug bimai e, lene no dima ne no di ninda yem nimbiam rin ba, bon mun tunggwei. Suar jiyai nimai bak. Suar nimbiam dima nide bat di dideu nya rima igyai nimai bak no di ninda yem nimbiam pima. Tirigi tau kep noni lene suar yai nimai bak.