MBEN ISRAEL IMBUT-MBUT NYEN 35:19 - ALLAH NIHYET MEM TUNGWATU NYA

¹⁹ Suar nimbiam dima nide bat di dideu rima yai nimai bak no di ninda yem nimbiam pima. Tirigi tau kep noni lene suar yai nimai bak.

MBEN ISRAEL IMBUT-MBUT NYEN 35:19 ပူးပေါင်းရင်းမြစ်များ

NITRITI 4:14

Ayo! Ajji da leu dihyei dini cem leu Aho bei cem lene abindei ba, dibong-bong wai bidem dihyei ninjek dip apino midibon ditimieisi hi ei dihyeisi dini bi. Apino tungwa tou rino um da ei puig sinon mihwen da bidimai.”

SAMUEL GI NICAN 14:11

Lene sop dima buhup “Na di Andigpoi e, ma angat nadi bak ade tuhan Allah leu binhyepo no di suar ba nibuhunti bibuhup dipmot di mai pima ningut dima bon mun di kinei dor njiriek bu biyai nimai bak dipmot gom di niyaijo yo au.” Lene Daud pai bak “Dipai bina tug hon tuhan di niyaijo ninyeng bipia hi mibon mun kinei sut apmot dima poi mien cem bi.”

SAMUEL GI NICAN 14:7

Ba, nogindini dide bat nya yahagom ingon kinei sut da ba, ibidip huk da leu binhyepo dikes dipmot di bindei di nimbiam bong dima ei indati leu binhyepo ikes hukum nimai ei noni dip hak ug lewo noni bindei mai nikindig. Gino dikes dipmot dima ei indati ba, tug ndei nimai leu lene midiyaijo bidangkom ngat. Yoni mibindei sar dipmot gom ngat di diba dingon com dima leu da apino dipmot di ntun dijjep him di mibindei ba, nyende ninsi de dima hi ninyeng jo kikau hi bu bi ug ri.”

SAMUEL GI NICAN 3:27

Abner ngkwei hanyen bikwei krau Hebron tu lene Yoab bipbur bipai bak noni bipia yahacem igya ter dideu dimbou pmem leu binhyepo mbot kep mimun bak. Leu api Yoab dat Abner ninghopti kros ba, tti bimai hak. Yoab ningon nggrom kep Abner biyai nimai bak drek dip nikinjoi Asael po Abner yai nimai bak pima ri.

SAMUEL GI NICAN 3:30

Gima ne nipui mun tut Yoab Abisai nya di ingon nggrom kep Abner ba, ibuhup bak drek dip gi po yai nimai bak ikinjoi Asael ei pranti ei Gibeon pima ri.

MBEN ISRAEL IMBUT-MBUT NYEN 35:12

ingwes ngun leu nimbiam di ihwen bimai pima nide bat nya di ibuhup kin nimai biyok a. Harin dima jibuhup kin nimai bak tungwagom di yo di hiter ipai kep noni bipia bisinggre ba, hwen mun dima nipou tirigi noni ya ei nikei noho bei bimiap tut nikei nikos tutti bigyo a.

MBEN ISRAEL IMBUT-MBUT NYEN 35:18

Gino tungwagom bisinggre biba biei ttou gom biyai nimai bak hiter lene no dima hwen nimbiam ba, bon mun tunggwei. Suar jiyai nimai bak.

MBEN ISRAEL IMBUT-MBUT NYEN 35:20

Gino tungwagom ningon sibui sut hiter leu api njei no dima hwen mpia bimai e, he ba mun hi bihwen bimai e, he

MBEN ISRAEL IMBUT-MBUT NYEN 35:21

kimut ninda bitug bimai e, lene no dima ne no di ninda yem nimbiam rin ba, bon mun tunggwei. Suar jiyai nimai bak. Suar nimbiam dima nide bat di dideu nya rima igyai nimai bak no di ninda yem nimbiam pima. Tirigi tau kep noni lene suar yai nimai bak.

MBEN ISRAEL IMBUT-MBUT NYEN 35:24

lene suar limwa mben Israel idem yam bimbrap tut munhyet di nok gima. Lene imbrap gau no di ninda yem nimbiam kin gi bisinggre bi dima cem ba, imbrap gau nimbiam nide bat di itin ei mem ibuhup kin nimai bak no dima cem.

MBEN ISRAEL IMBUT-MBUT NYEN 35:27

leu api nimbiam nide bat hi tau kep biyai nimai bak lene nibuhupti dima coi sisar nihwen nimbiamti bi.

NINDAT KEP TUHAN NICUKTI NYA 19:12

Tut gima lene suar nibou nya ei no dima nitimieisi ijem no dima kwei ba, ikes bak nimbiam nide bat di dem mem gima ibuhup tut nibon mun bak nimbiam pimati leu binhyepo igyai nimai bak hak ug.

NINDAT KEP TUHAN NICUKTI NYA 19:6

Leu gino minu ndig ninang coi gom ngat he lene hi rima ninang ug ei sirima cem ting bibor ba, nimbiam dima nide bat nya di dem mem gima ibuhup kin hukum drek dip nimai miyuhuk bram no dima lene iba ningon di sibui biyai nimai bak no di bon mun tunggwei bi pima.

YOSUA 20:3

Ma no di yai nimai bak hiter kin gi bisinggre bi lo, yai nimai bak hiter tu dima nang bicoi ug ei minu ndig ninang coi dima leu binhyepo ba minu ndig dima bicuon niyaisi leu no tin ei mem buhup nimai pima.

YOSUA 20:5

Gino no di tin ei mem buhup nimai pima huk bram kikau ug ei minu ndig ninang coi dima lene ma nibou pima yok ikat no di ningon mui pima bikes bak no di buhup nimai dima au. Suar ingkiem ser noni. Lewo noni bisinggre biyai nimai bak no dima bi ba, ningon mbuk tut nipou ei cem bi.

NIJAM NIKEI NYA 8:19

Lene Gideon pai biyok “Yo dima ne dikindig bat-dikinjoi bat nya rin ba, nahagom nibon nipmem gom ngat. Gino jiyai nimai biyok bi lene midiyai nimai bije cem bi.”