MBEN ISRAEL IMBUT-MBUT NYEN 31:2 - ALLAH NIHYET MEM TUNGWATU NYA

² “Ma jibuhup hanyen bijikon pran bit mben Midian drek dip mun po ibon bak je di mben Israel pima. Gima ngwig leu lene amai ug ri.”

MBEN ISRAEL IMBUT-MBUT NYEN 31:2 ပူးပေါင်းရင်းမြစ်များ

NITRITI 15:15

Ade njap mijei bibor ba, ug ei ade njap ningwig honti lene amai kin angon di jo nyahan leu api ade bat nya itig angut ei dihyeiti.

NITRITI 25:17

Ismael de njap ug ei ari bingwam sratus gom ningot ningai ba, muhwindacan ug api noni mai.

NITRITI 25:8

Niyati nddong leu api ninnei kimbas ba, noni ug bong bit nidigup bat-nidigai bat nya.

NEHEI LEUSI 2:16

Lene sop pilei di ikindig bat-ikinjoi bat yam ibou muhwindacan ikwei tau minyei ei srier nindig di icig de domba nya kin kambir nya idut minyei eisi. Icig ninyeng Yitro ba, noni nok imam mem mben Midian.

YESAYA 1:24

Gima rino tuhan di nok mben Israel ide Allah Di Sindem Bibor pai biyok “Je di jinok siceu ndam Da e, midibirop hanyen bije leu binhyepo bit bon jibindin-ndin nyen Da bu kan bi.

NAHUM 1:2

tuhan Allah kou sut yo di iba Noni bikek tug hon gi ikuk yok bak kwar nya. Yo di ico kep Noni mitug ndei hukum hak. Noni ba Nide nigga biborti bibuhup ide nibon munti di kinei bibor hanyen biyok.

MBEN ISRAEL IMBUT-MBUT NYEN 20:24

“Harun micoi ug ei minu di dipreu ei mem mben Israel bi. Noni mimai ug rin lewo jahacem jibit dihyet bi tirigi po jingat rin ei minyei bousi Meriba pima.

MBEN ISRAEL IMBUT-MBUT NYEN 20:26

Lene ma ajuk sinsun imam leu Harun leu api abijuk Eleazar bu. Lewo Harun mimai ei sirima.”

MBEN ISRAEL IMBUT-MBUT NYEN 25:1

Tirigi mben Israel ingat rin ei Mbang Briep Sitim lene pinai nya ikinyon ei niyem njita tut sop mben Moab nya di ibong ei sirima.

MBEN ISRAEL IMBUT-MBUT NYEN 25:6

Mpe di gom tirigi Musa kin limwa mben Israel yahagom ipim ba, ibikiek-kiek nyen kui dimbou ei tuhan De Prang Meng nuhui lene ingat lo, limwa mben Israel gom buwak sop Midian gom ug ei nide prak meng nsi.

MBEN ISRAEL IMBUT-MBUT NYEN 27:13

Niabiati acap minu dima leu su lene nani cem ayai nimai bit leu nok akindig Harun nimaisi.

MBEN ISRAEL IMBUT-MBUT NYEN 31:1

Lene tuhan pai bak Musa,

MBEN ISRAEL IMBUT-MBUT NYEN 31:3

Leu api Musa pai bak mben Israel “Ma jitin ei mem jikon pran bit mben Midian leu binhyepo tuhan ba jeni bikes Nide hukum ei yok dip.

LUKAS 21:22

Lewo nijam dima ne Nijam Di Allah Kes Hukum Ei Tungwatu Nya Dip rin leu binhyepo mun di ipas ei Allah nihyetti micut igkep tungwatu nya tug hon nisinati dima.

KISAH 13:36

Daud yai kep nide midyai bit leu Allah ningon kanti mem noni bingwig leu api noni cem mai. Itig ningut noyam kin itig nidigup bat-nidigai bat nya ingut apino ningut kroi ei jui nsi bihigom.

ROMA 12:19

Disut bat jen, ma jingon nggrom kep yam au. Noro ma jibet jingon mem Allah di kes hukum ei tungwatu nya dip drek dip ide sisar nya. Lewo Allah Nihyet pai “Tuhan pai bipia Noni birop biyok tug hon hukum di kes ei yok dip.”

ROMA 13:4

Lewo nibou dima ne Allah de awak di yai midyai di bindei mun di kei bibor pek kep mem je ri. Gino jibon mun di kinei lene ma jidigit tut noni lewo noni yai nisindemti mikuisi bi noro mem gima kes hukum ei tungwatu nya dip. Noni ne awak mem Allah rin ba, Allah kes hukum ei yo di isibut nya dip tug hon noni.

NINDAT KEP TUHAN NICUKTI NYA 32:35

Noni mibirop hanyen biyok tug hon hukum di Noni mikes ei yok dip. Jei bi lene yoni misar bingwig. Ide njap ningwig honti dideu kwei su.

NINDAT KEP TUHAN NICUKTI NYA 4:22

Jei bi lene mijicoi ug ei minu di nnum bibor dima leu api mijidigek kep mpia. Noro midibit je bi. Diyaijo mingwig hon ei mpia dini hak ug.

TESALONIKA GI NIGOM 4:6

Tut gima ne ma hi bon mun tunggwei sut nisut hi biris noni au. Nisok kep je ngkiem ser nipou su bipia Tuhan mikes hukum ei yo di ibon mun tunggwei nok gima dip.

IBRANI 10:30

Lewo ikan tut No di pai “Midikes hukum ei tungwatu nya dip ba, dibirop hanyen biyok” kin No di pai “Tuhan mimbus Nide limwa nya ingonti.”

NINGAT-HI-NGAT NYA 18:20

Timiei gwamti jen, ma jingon llei bibor tut minu ndig dima nicutti! Allah de limwa kin je di jiya kui Yesus kin je di nabi e, ma jingon llei bibor! Lewo Allah kes hukum ei minu ndig dima dip drek dip niyai munti di kinei bibor di bibon bije tu.

NINGAT-HI-NGAT NYA 19:2

Hukum dino Noni kes ei tungwatu nya dip hagom ne igbit rin ba, sren-srau cem ri. Allah kes hukum ei sundal di bindei di tungwatu dihyeisi dini icut tut yam dip. Sundal dima tug ndei hukum drek dip gi noni hwen Allah de awak nya pima.”

NINGAT-HI-NGAT NYA 6:10

Iba ighyet nindig bahara “Na di Tuhan di Sindem Bibor cem di kwes-kwau cem di ningon gom cem e, njap pig bu leu api ambus tungwatu dihyeisi ingonti ba, akes hukum ei yok dip drek dip gi ihwen nye i?”

NIJAM NIKEI NYA 16:24

Tirigi nibou ndig dima yok ingon llei bibor ba, ingon nggan-triot cem lene icuk yam “Jikwei ba, ihig nibou ig bui bicen Simson kwei biya ei nyeni yoho bei leu binhyepo iba noni bikek.” Gima rino hi cen Simson kwei leu api yahagom iba noni bikek.

NIJAM NIKEI NYA 2:10

Lene andigpoi nya di igyaijo mem nijam pima cem yahagom ide njap ningwig honti leu api imai. Noro tirigi imunggwom bat nya indig su lene ikiek yoho ter leu tuhan bibit nihyet bi lewo ingat mindur di Noni bibon mem mben Israel pima bou igyai him ba, hagom pek kep mem yok bi.