MBEN ISRAEL IMBUT-MBUT NYEN 30:2 - ALLAH NIHYET MEM TUNGWATU NYA

² Gino pinai gom preu ei tug hon neheng bipia mipigig sut mun nyeng hi ei mem tuhan ba, mimbres nonti leu mun nyeng hi cem lene nipreu ei tug hon nehengti dima ngot noni ba, suar yai mun bipek kep nipreu eisi dima lene ma njiriek au.

MBEN ISRAEL IMBUT-MBUT NYEN 30:2 ပူးပေါင်းရင်းမြစ်များ

AYUB 22:27

Gino angat nadi bak lene Noni mibuhup ade nadi hanyen. Lene dem mem gima ayai mun bipek kep ade nipreu ei mem tuhanti nya.

MAZMUR 116:14

Midiyai mun di dipreu ei mem Noni ei Nide limwa nya yahagom yoho bei.

MAZMUR 116:18

Midiyai mun di dipreu sut ei bak tuhan ei nide limwa nya yahagom yoho bei,

MAZMUR 119:106

Midiyai igbit Ade nipingok dati di sren kei nya bit leu nok dipreu ei mem Na tug hon neheng.

MAZMUR 15:3

di kkin kep hiter ninghapti bi di bon mun tunggwei sut nide bat kin nisut bat nya bi di nihyet tigut yo di ninttig-tta nya bi,

MAZMUR 22:25

Allah ningwes pri gau yo di yuhui mbum nya biningkek ndok tut mun di buhun tak yok lene ba ningha bak yoni cem bi. Noro tirigi yahara Noni lene Noni buhup ighyet.

MAZMUR 50:14

Ma jibon midut nibipai sigyo bak Allah ba, jiyai bipek kep mun di jipreu ei bak No Di Ninyeng Jei.

MAZMUR 55:20

Allah di ninyeng tak kep mun nyeng hagom habiei ei nimbie him kikau kwei bipek ammani kep mimiap dihyet ba, bindei timek yok. Lewo ikou sut gi ittin ser ide sisar. Iba yoho rok Allah ba, igittin tut Noni cem bi.

MAZMUR 56:12

Diba dingon com Noni apino digittin tut tungwatu nya bi. Lewo isindem mem ibibon da kinei kan bi.

MAZMUR 76:11

Ade siceu nya di imbuk bibor di ingwes ngun leu agga biborti nya minggei sut Nani lo, nigga kep mun cig nya iba sinsun kron bijuk yok drek dip ingon nggukti.

NEHEI LEUSI 20:7

Harin dima jindat kep dinyeng ugwai-gwai a. Lewo Dani ne jide tuhan Allah rin ba, midikes hukum ei no di ba dinyeng bikek dip.

NIPINGOK NINGONTI 20:25

Ma akan-kan nyen nok gi dem nipou tirigi apigig sut mun nyeng hi ei mem gima abibon midut bak tuhan bigyo. Mpaba anso nanti tut ei niabiati bu e?

IMAM NYA IDE MIDYAI 5:4

Gino tungwagom preu ei sut mun nyeng hi tug hon gi heng ugwai-gwai lene hammi tirigi ningon huk niti bikan tut lene ningon mui su.

NAHUM 1:15

Angat i! Dipinak tungwagom di kak puig ei nungug him kwei ba, mikwei sut nihyet di kei. Nihyet di kei dima bindei timek siceu nya. Timiei minu Yehuda e, ma jibon midut kep jide njap ndig ba, jigo jide nitto ei mem Allahti. Yo di isibut nya minyeng tak kep jide minu bu bi. Lewo itimek bingwig bibor bihigom tu.

MBEN ISRAEL IMBUT-MBUT NYEN 21:2

Lene mben Israel ipreu ei mem tuhan tug hon neheng bipai “Gino Na di tuhan asindem tut nye leu binhyepo ninjei binibindei cut tentara pima yok lene minico kep yok kin ide limwa nya bitut ide minu ndig nya hagom bitimek bingwig.”

MBEN ISRAEL IMBUT-MBUT NYEN 30:10

Tut sop di wak nijjep tu di preu ei tug hon neheng ba, preu ei bipia mimbres nonti leu mun nyeng hi cem,

MBEN ISRAEL IMBUT-MBUT NYEN 32:24

Ma juug win jide minu ndig nya kin ig kandan mem jide mindhe-ndhe hak ug noro ma jibbwe ser jihyet nghwak po jipreu ei pima au. Ma jiyai bipek kep!”

MATIUS 23:16

Aye! Notou mem je di jinok nibou di niyai tu i? Lewo jitri tut ‘Gino tungwagom heng bitug hon Tuhan De Ig noro luei ningonti tut hanyen lene buhun bi. Noro tut no di heng bitug hon mas di jo ei Tuhan De Igti lene suar noni yai igbit nihengti dima biluei ningonti tut hanyen bi.’

MATIUS 23:18

Nok gima cem jitri tut ‘Gino tungwagom heng bitug hon nimbar hum dok leu api luei ningonti tut hanyen ne buhun bi. Noro tut no di heng bitug hon mindhe di ibui ei nimbar hum dokti ne suar noni yai igbit nehengti dima biluei ningonti tut hanyen bi.’

KISAH 23:12

Njap bigyoti lene mben Yahudi igyok ingon gom ba, yeheng biyam ser bipia igyem njita bidut ndia ngei bi kikau bibou ihwen Paulus bimai leu ug e.

KISAH 23:14

Yoni yuug mbot kep tut ingon kanti dima bak imam nindig nya kin nibou mben Yahudi nya bipai “Neheng biyam ser bipia miniyem njita binidut ndia ngei bi kikau bibou nihwen Paulus bimai leu ug e.

KISAH 23:21

Noro ma ace tut ighyet au. Lewo tungwatu imangti njiriek ibou ningot bitai ikos dik sir simpak mem gima ihwen Paulus hapuig. Yo dima yeheng biyam ser bipia igyem njita bidut ndia ngei bi kikau bibou ihwen Paulus bimai. Nogindini itin ei su ba, ibet ingon mem gima na di Andigpoi abuhup ighyet hanyen.”

KORINTUS GI NICAN 1:23

Dikos tutti nya hagom jo nibreisi bou Allah niyai him. Noni kan tut dingon kanti nya hagom bikan tut bipia dihwou ngat je ei minu ndig Korintus bi leu binhyepo dibiyai jingon di buhun bi.

NIJAM NIKEI NYA 11:11

Lene Yefta kiju bibit nibou Gilead nya leu api limwa Gilead nya ikon noni nok no di ninyeng tak kep yok lene nok nibou pran di bie tut yok cem. Lene Yefta ndat kep nikos tutti nya poi bak nide limwa Gilead nya ei tuhan Noho bei ei minu mien Mizpa.

NIJAM NIKEI NYA 11:39

Tirigi bed can pima ngwig leu su lene nipmisop ngkwei hanyen leu api nicig yai igbit mun di preu ei bak tuhan pima. Gima rino misop dima mai tirigi gwam nitta pilei. Niyai munti dima ne midut di mben Israel ibon kikep ngan-ngan nimbie him rin apino,