MBEN ISRAEL IMBUT-MBUT NYEN 30:13 - ALLAH NIHYET MEM TUNGWATU NYA

¹³ Bikwop mun nyeng di nitnem preu ei tug hon neheng kin nipreu ei nindigsi cem lene dem tut gima nijjep ce tut ba, nggek tut cem.

MBEN ISRAEL IMBUT-MBUT NYEN 30:13 ပူးပေါင်းရင်းမြစ်များ

EZRA 8:21

Mpe dima lene ditri tut bipia suar yo di idem yam ei minyei pimat dima yahagom igyem njita bi mem nituti poi ba, yoom yonti ei Allah Noho bei bingat nadi leu binhyepo Allah bie tut nye cem nyohou nyeni kin nimunggwom bat nya kin ndigban nyende nya hagom cem kak nimbutti dima.

MAZMUR 35:13

Noro mpe dino yo dima icut ei ninggwenti ne dingon ngguk tut yok lene diyem njita cem bi ba, duhuk bou bidingat nadi tindei yok,

YESAYA 58:5

Tirigi jiyem njita bi mem nituti poi lene jihwen bit jenti bijindun bou dem kep nok minta di nimeng hun ba, jidis sinsun kron bijigimahap atriem eisi bijibong dip. Jikan bipia niyem njita bi mem nituti poi dima ne nijit rin e? Jikan bipia dijoi sut jiyai munti dima e?

IMAM NYA IDE MIDYAI 16:29

Suar mben Israel ibit dicuk yokti dini bijo ninno bijo kikau. Ug ei njap gi nisimnai ei bed gi nimuhwindacan lene ma yoni kin ngkiai nya di ibong bit yok yahagom isindui njita mem nituti poi lene inda jo kep ide midyai nya cem au.

IMAM NYA IDE MIDYAI 23:32

Tirigi mpia kimbasti mem njap gi nimuhwindatai kikau mpia kimbasti mem njap gi nisimnai lene ma jiyok ngon kep njap dima nok Njap Nigwam Kep Ninghuisi leu binhyepo jigwam kep jinghuisi ba, jisindui njita mem njap dima cem.

MBEN ISRAEL IMBUT-MBUT NYEN 29:7

Suar induk yam ei mem njap ngon bou gi nisimnai ei bed nimuhwindacan bikuk yok bak tuhan. Ma igyem njita bi mem njap dima cem ba, harin dima igyai midyai di buhun a.

MBEN ISRAEL IMBUT-MBUT NYEN 30:12

Noro gino nijjep ggai ser noni tut lene sop dima nipreu eisi nya ngot noni bi. tuhan mikos ser nitunggweisi dima lewo nijjep ggai ser noni tut.

MBEN ISRAEL IMBUT-MBUT NYEN 30:14

Noro gino nijjep miap tut nitnem nipreu eisi dima lo, ningon buhun tut kikau ug ei njap nitindur gom bi lene suar sop dima yai mun bipek kep nipreu eisi nya dima hagom. Lewo gi nijjep miap tut nipreu eisi dima lene ningon buhun tut bi kikau ug ei njap nitindur gom dima noyam kin gi noni ce.

KORINTUS GI NIGOM 11:3

Noro dijoi sut jingon dorti tut mun nyeng gom kin bu. Mun dima rino Kristus ninyeng tak kep bibikwop pinai nya yahagom lene no di pinai ninyeng tak kep nitnem lene Allah ninyeng tak kep Kristus.

KORINTUS GI NIGOM 11:9

Allah pai tes no di pinai mem gima mpu no di sop bitut mun di bon ninyeng mem noni bi noro Noni pai tes no di sop mem gima mpu no di pinai bitut mun di bon ninyeng mem noni.

KORINTUS GI NIGOM 7:5

Ma jicuon jenti leu yam tut gima jiyem njita tut yam au. Gino jice tut yam nipou ug e leu binhyepo juhuk nadi mem nituti poi lene nok. Gino juhuk nadi biput tu lene ma jikinyon ei niyem njita tut yamti hanyen. Tug hon nisinati dima lene jibindei bijimbres jenti leu Bilis nibingon jeti lewo joom kep jingut kanti nya kan bi.