MBEN ISRAEL IMBUT-MBUT NYEN 29:1 - ALLAH NIHYET MEM TUNGWATU NYA

¹ Suar idem yam ei mem njap ngon bou gi nigom ei bed gi nimuhwindacan bikuk yok bak tuhan lene harin dima igyai midyai di buhun mem njap dima a. Noro suar imiep pun mbrei nya.

MBEN ISRAEL IMBUT-MBUT NYEN 29:1 ပူးပေါင်းရင်းမြစ်များ

NIBOHON MBEN ISRAEL GI NIGOM 15:28

Mben Israel yahagom injei nyahan bit Brua Gi Preu dima kikau ba, ikwei krau minu ndig Yerusalem kep. Lene iba ingon di llei bimbos-hi-mbos cem imiep pun mbrei nicun nya kin nijei nya cem ibui yeng beng ngkimom-tembaga cem ikek nggong mbrei nya cem.

EZRA 3:6

Mbro nok gino ikinyon ei niwin tuhan De Igti hanyen bigyo lo, ikinyon ei nibon midut nindig mindhe-ndhe nya kep humti bak tuhan ei bed nimuhwindacan ba, njap gi nigom.

NEHEMIA 7:73

Imam nya kin Lewi nya kin yo di igya ser dimbou pmem nya ei tuhan De Ig nya kin yo di iba musik bipai doia kan nya kin limwa nitu nya imang bibor kin yo di igyai midyai ei tuhan De Ig nya ba, gi irop nipmem tut hak ne limwa Israel yahagom titut yam ibong timiei hak ei minu ndig kin minu mien ngot di jo ei hanjop Yehuda.

NEHEMIA 8:2

Gima rino noni ug yai srat dima bikwei sut ei biyati dima. Pinai nya kin sop nya kin munggwom nya di imbusyam ei mpia dima wer imahan ba, yahagom intin kimbo tu.

MAZMUR 81:3

Ma jikon doia ba, jibibit mun di impig-mpig nyen nibimbiti cem. Ma jikek nggong kin nggong mbrei kin nibimbiti di bindei ba, itingou ngakei.

MAZMUR 89:15

Angon srenti kin Ade nikos tutti nya ne cou nipmem mem Ade ninyeng tak kep limwa nyati ri. Angon ngakei nyeti kin angon gomti jo nibreisi tug hon ayai munti nya hagom.

NEHEI LEUSI 23:16

Tirigi jide njita len tu lene jibon midut Njap Nindig Nike Gandum. Tirigi jipuk ningat kwei leu jide biei anggur nghousi kin biei ngat nghousi dideu ari bingwam ningwigsi lene jibon midut Njap Nindig Ig Jibei Mpam Meng.

NEHEI LEUSI 34:22

Tirigi jikinyon ei midyai dino jike jide gandum nintam kin yam lene jibon midut di ninyeng Njap Ndig Ike Gandum. Tirigi jipuk jide biei ngat kwei mem ari bingwam ningwigsi lene jibon midut di ninyeng Njap Ndig Ig Jibei Mpam Meng.

YESAYA 27:13

Mpe dima lene pun mbrei nindig nimbi mibong mem gima ibijem mben Israel di icom yok ug ei minu Asyur kin minu Mesir yahagom hanyen kwei. Yoni mikwei ei minu ndig Yerusalem mem gima ikuk yok bak tuhan ei Nide nungug di kwes-kwau.

IMAM NYA IDE MIDYAI 23:23

Ug ei njap gi nigom ei bed gi nimuhwindacan lene ma jibet njap dima ei bijigwam kep jinghuisi. Tirigi jimiap pun mbrei nisu bong lene ma jinduk yam ei bijikuk je biDa.

IMAM NYA IDE MIDYAI 23:7

Ma jinduk yam ei bijikuk je bak Da di tuhan ei njap gi nigom leu njap nitindur muhwindacan pima lene ma jiyai kep jide midyai di buhun nya au.

ZAKHARIA 9:14

tuhan mindo Nonti ei anai brei bak Nide limwa nya leu api Nide tibor di kri di kes nya noyam kin kigyei di srei. tuhan Di Ninyeng Jei Bibor mimiep pun mbrei pran bimbut nimig sindem bibor kwei dem kep nok sigau di kwei leu nite bei mpia nibiho.

MBEN ISRAEL IMBUT-MBUT NYEN 28:26

Tirigi ikinyon ei Njap Ndig Nike Gandumti ba, ittei ide gandum nimbie him mem nibon midut njita nibipai sigyo bak Allahti kwei lene suar idem yam ei mem njap gi nigom. Harin dima igyai midyai di buhun mem njap dima a.

MBEN ISRAEL IMBUT-MBUT NYEN 29:12

Suar induk yam ei mem njap ngon bou gi simnaimuhwidip ei bed gi nimuhwindacan ba, ikuk yok bak tuhan. Lene ma iba njap ndig dini bikon tuhan ninyeng kikau mem njap muhwindacan lene harin dima jiyai midyai di buhun a.

MBEN ISRAEL IMBUT-MBUT NYEN 29:2

Suar ibui sapi pmot nikre ningut gom kin domba nikre ningut gom kin domba pmot nikre di ide njap dem ari bingwam gom ningut muhwindacan mem nibon midut nindig mindhe titut kep humti ba, bikwop mindhe-ndhe dima hagom bok-ba bi. Lene tuhan mijoi sut ninghap di ngge kei dima.

MBEN ISRAEL IMBUT-MBUT NYEN 29:35

Ei njap gi nimuhwindaningai lene suar induk yam ei ba, ikuk yok bak tuhan lo, harin dima igyai midyai di buhun a.