MBEN ISRAEL IMBUT-MBUT NYEN 28:9 - ALLAH NIHYET MEM TUNGWATU NYA

⁹ Ei Njap Nigwam Kep Ninghuisi lene suar ibui domba pmot nikre ningut can di bok-ba bi di ide njap dem ari bingwam gom mem nibon midut nindig mindhe titut kep humti ba, ibikrau kin tepun kilo can di iba mini zaitun liter can bisrigsi mem nibon midut njita nibipai sigyo bak Allahti kin nibon midut ba anggur ngei cem.

MBEN ISRAEL IMBUT-MBUT NYEN 28:9 ပူးပေါင်းရင်းမြစ်များ

NIBOU NDIG NYA GI NICAN 4:23

Nijjep hig ser noni “Nggon rino ambut mem njap di ammani i? Njap di ammani ne Njap Nigwam Kep Ninghuisi kin Njap Ndig Bed Jep bigyo.” Noro nitnem buhup “Nok ug e. Dimbut hak ug.”

NIBOHON MBEN ISRAEL GI NICAN 2:3

Salomo sok nihyet bak Hiram di nok nibou ndig mem Tirus bipai bak “Handei kon ba, abindei mbut nitri-nibipek munti bit da noyam kin gi po abindei mbut bit dicig Daud nipou pima. Nipou dima lene Na Di Andigpoi atri biei buom Libanon bak dicig ba, dicig bingot nide ig nibou ndig tu.

NIBOHON MBEN ISRAEL GI NICAN 2:4

Nogindini diyok dingon mem gima dingot ig gom pijum mem gima dibikuk da bak ditde tuhan Allah eisi ba, mem gima nibikon ninyeng cem. Midiya tut ditde limwa nya ba, nikuk nye bak Allah eisi. Lene nibindig biei nggrai di ui-gwang kei nya ba, niba roti di nidis ei tuhan Noho bei bikuk nye bak Noni cem bikwop njap ngwa hagom. Minibon midut nindig mindhe titut kep humti bikwop njap tekti kin mmunti ba, bikwop Njap Nigwam Kep Ninghuisi kin njap nibon midut Bed Jep kin njap di bon ninyeng nindigsi nya cem bak tuhan ei ig dimati leu binhyepo nibikuk nye bak nyende tuhan Allah eisi. Lewo nyende tuhan Allah cuk nye di mben Israel tut gima leu binhyepo nibindei mbut nibon midut dima yok bijo ninno bijo kikau.

NIBOHON MBEN ISRAEL GI NICAN 8:13

Mindhe di noni kwas bindig kep hum ei nimbar hum dokti mem gima mben Israel ibikuk yok bak tuhan dima bibit leu Nikos Tutti di tug hon Musa mem bikwop njap nindig nya. Nok Njap Nigwam Kep Ninghuisi kin Njap Ndig Nibon Midut Bed Jep kin midut ningat ningai di ibon bibikwop ari bingwam. Njap dima ne Njap Ndig Nibon Midut Roti Dwoi Bi kin Njap Ndig Nibon Midut Nike Gandum Kui Ig kin Njap Ndig Nibon Midut Ig Jibei Mpam Meng ri.

YESAYA 58:13

tuhan pai “Ma jahati tut Njap Nigwam Kep Ninghuisi nok njap di kwes-kwau. Ma jinyohou dimig mun di bitut jenti mem njap dima au. Jibindei ba, njap dima bon ninyeng mem je. Ma jinggei sut tuhan de njap dima tug hon gi jimbut ei minu ting cem jiyai kep jide midyai nya cem jimbrap tut mun di ugwai-gwai nya cem au.

YEHEZKIEL 20:12

Dicuk yok leu binhyepo igyok ngon kep Njap Nigwam Kep Ninghuisi di bindo tut gi preu di dipreu ei mem yok. Lewo gima bisok kep yok leu binhyepo igyok ngon kep bipia Da di tuhan didimig yok pijum ei mem Da.

YEHEZKIEL 46:4

Bikwop Njap Ningwam Kep Ninghuisi lene suar nibou ndig dimig domba pmot ningut muhwindagom kin domba nikre ningut gom di bok-ba bi ei mem midut nindig mindhe titut ei humti bak tuhan.

MBEN ISRAEL IMBUT-MBUT NYEN 28:10

Suar ibon midut nindig mindhe titut kep humti dima bikwop Njap Nigwam Kep Ninghuisi ba, ibikrau kin nibon midut di ibon bikwop njap-njap bitut nibon midut ba anggur ngei pima.

MBEN ISRAEL IMBUT-MBUT NYEN 28:8

Suar ibui domba pmot gi nican pima mem nibon midut nindig mindhe titut kep humti mem mmunti noyam kin gi hi di ibui mem njap bigyokti ba, ibikrau kin ba anggur ngei cem. Lene tuhan joi sut mindhe di indig kep hum dima cem ninghap di ngge kei dima cem.

NINGAT-HI-NGAT NYA 1:10

Allah Ninnei bie tut da mem njap nigwam ninghuisi. Ba, dimiap nihyet nindig bibor ei dinghim dip di nok pun mbrei nugwei bong di tibim.