MBEN ISRAEL IMBUT-MBUT NYEN 28:3 - ALLAH NIHYET MEM TUNGWATU NYA

³ Gini ne munkwas mem nibon midut nindig mindhe titut kep hum di ibui mem ibikuk yok bak tuhan bikwop njap-njap ri. Domba pmot nikre ningut can di bok-ba bi di ide njap dem ari bingwam gom.

MBEN ISRAEL IMBUT-MBUT NYEN 28:3 ပူးပေါင်းရင်းမြစ်များ

NIBOHON MBEN ISRAEL GI NIGOM 16:40

Suar yo dima ibon midut nindig mindhe titut kep humti ei nimbar hum dokti bikwop njap tekti kin mmunti. Ibon nok gima bit leu tuhan niggai serti nya di kes bak mben Israel.

NIBOHON MBEN ISRAEL GI NICAN 8:13

Mindhe di noni kwas bindig kep hum ei nimbar hum dokti mem gima mben Israel ibikuk yok bak tuhan dima bibit leu Nikos Tutti di tug hon Musa mem bikwop njap nindig nya. Nok Njap Nigwam Kep Ninghuisi kin Njap Ndig Nibon Midut Bed Jep kin midut ningat ningai di ibon bibikwop ari bingwam. Njap dima ne Njap Ndig Nibon Midut Roti Dwoi Bi kin Njap Ndig Nibon Midut Nike Gandum Kui Ig kin Njap Ndig Nibon Midut Ig Jibei Mpam Meng ri.

EZRA 3:5

bitut nibon midut nindig mindhe titut kep humti kin nibon midut nindig mindhe-ndhe kep Njap Ndig Bed Jep kin nibon midut kep njap ndig nikuk no bak tuhanti nindigsi nya ba, hagom mbut sindam. Lene iba mun di ikwas tut tuhan mikuisi cem ibikuk yok biNoni.

DANIEL 11:31

Noni cuk nide nimpung tentara di ibindei suwok tuhan De Ig tug hon gi idip tut midut nindig mindhe ei nimbar hum dokti bak tuhan bikwop njap-njap ba, itas Nisibutti Di Bindei Map Kui tuhan De Ig eisi cem.

DANIEL 12:11

Leu njap di nibon midut nindig mindhe ei nimbar hum dokti bikwop njap-njap dima kes hon ba, nijam di bibon ningon ttinti di ijem Nisibutti Di Bindei Map Kui tuhan De Ig tau lene nijam dima miyem njap sribu gom sratus can ningot muhwindatai.

DANIEL 8:11

Nibou nggai dima nihyet jei kep tuhan di nok nibou tentara gwamti bibindei ba, midut gi nindig mindhe ei nimbar hum dokti bak nibou tentara gwamti bikwop njap-njap dima kes hon lene noni nggek tuhan De Ig cem bitti.

DANIEL 8:13

Leu api dimiap malaikati gom di pai bak nisut malaikati hiter “Mun di singat brei tug hon ningat-hi-ngat dima mimbut bipek njap pig bu i? Sisar nindig dima mimbut bico kep midut gi nindig mindhe ei nimbar hum dokti bikwop njap-njap dima mbut bipek njap pig bu i? Nibou nggai dima mico kep tentara gwamti kin tuhan De Ig bipek njap pig bu i?”

IMAM NYA IDE MIDYAI 3:5

Lene ma imam nya indig ninghui dini hagom kep hum bitut mun di nindigsi nya ei nimbar hum dokti. Lene tuhan mijoi sut ninghap di ngge kei dima.

IMAM NYA IDE MIDYAI 6:9

leu binhyepo noni yai nicukti bak Harun kin nipmot bat nya tut gi indig mindhe titut kep hum. Suar ikon mindhe ei nimbar hum dokti ba, indig kep hum mem mmun kikau binjap kep.

AMOS 4:4

tuhan Di Ninyeng Jei Bibor pai “Je di mben Israel e, nnaba jimbut ug ei gumihyep di jikuk je biDa eisi ei minu ndig Betel hak ug leu api ma jibon kep jide sisar ei sirima! Nnaba juug ei hanjop Gilgal bijibrim jingkek mem sisar ei mpia dima cem hak ug! Nnaba jijem mindhe-ndhe kwei mem jide midut nya bikwop njap tekti lene ma jipwoi mun di jikwas tut Da gom leu ningot gom lene nok mbigom mem njap nitindur ningai hak ug.

MBEN ISRAEL IMBUT-MBUT NYEN 28:10

Suar ibon midut nindig mindhe titut kep humti dima bikwop Njap Nigwam Kep Ninghuisi ba, ibikrau kin nibon midut di ibon bikwop njap-njap bitut nibon midut ba anggur ngei pima.

MBEN ISRAEL IMBUT-MBUT NYEN 28:15

Lene suar ikwas kambir nikre ningut gom mem nibon midut nibiyai nikos ser sisarti nok nibikum ei nibon midut nindig mindhe titut kep humti kin nibon midut ba anggur ngei pima.

MBEN ISRAEL IMBUT-MBUT NYEN 28:23

Suar ibon midut nindig mindhe titut kep humti dima yok nok nibikum ei midut di jibon bikwop njap-njap pimati.

MBEN ISRAEL IMBUT-MBUT NYEN 28:24

Suar ibon midut nindig mindhe titut kep humti dima kikau ei ninsi njap muhwindacan tug hon nisinati dima. Lene midut dima mikum ei nibon midut nindig mindhe titut kep humti kin nibon midut ba anggur ngei pima di ibon bikwop njap-njap. Ba, tuhan mijoi sut ninghap di ngge kei dima.

MBEN ISRAEL IMBUT-MBUT NYEN 28:31

Lene midut dima bitut nibon midut ba anggur ngei mikum ei nibon midut nindig mindhe titut kep humti kin nibon midut njita nibipai sigyo bak Allahti di jibon bikwop njap-njap.

MBEN ISRAEL IMBUT-MBUT NYEN 28:4

Iba ningut gom bibon midut mem njap bigyokti lene iba ningut gom kin bu bibon midut mem mmunti.

MBEN ISRAEL IMBUT-MBUT NYEN 29:11

Ma iba kambir nikre ningut gom bibon midut nibiyai nikos ser sisarti bibikum ei kambir gom di ibui mem nibon midut nibiyai nikos ser ide limwa nya ide sisar pima kin nibon midut nindig mindhe titut kep humti kin nibon midut njita nibipai sigyo bak Allahti kin nibon midut ba anggur ngei pima cem di ibon bikwop njap-njap.

MBEN ISRAEL IMBUT-MBUT NYEN 29:16

Ma iba kambir nikre ningut gom bibon midut nibiyai nikos ser sisarti. Lene midut dima mikum ei nibon midut nindig mindhe titut kep humti kin nibon midut njita nibipai sigyo bak Allahti kin nibon midut ba anggur ngei pima di ibon bikwop njap-njap.

MBEN ISRAEL IMBUT-MBUT NYEN 29:6

Lene midut dima mikum ei nibon midut nindig mindhe titut kep humti mem njap ngon bou gi nigom ba, bed gi nigom bitut nibon midut njita nibipai sigyo bak Allahti di ibon bikwop njap-njap kin nibon midut nindig mindhe titut kep humti bitut nibon midut njita nibipai sigyo bak Allahti kin nibon midut ba anggur ngei pima di ibon bikwop njap-njap cem. tuhan mijoi sut ninghap di ngge kei dima.

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

IBRANI 9:6

Itin ei mun dima yok hagom ei bijo nijoti leu api imam nya icoi ug ei Ninsi Di Kwes di icoi eisi bikwop njap-njap leu binhyepo igyai kep ide midyai nya eisi.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.