MBEN ISRAEL IMBUT-MBUT NYEN 28:2 - ALLAH NIHYET MEM TUNGWATU NYA

² bipai bak mben Israel bipia suar ikwas munkwas tut tuhan mem nibon midut njita nibipai sigyo bak Allahti dem igbit nituti di Noni ndo ei su leu binhyepo ibiyai ningon kei. Lene suar igyok ngon kep nicukti dini mungkun kei.

MBEN ISRAEL IMBUT-MBUT NYEN 28:2 ပူးပေါင်းရင်းမြစ်များ

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

NIBOHON MBEN ISRAEL GI NIGOM 23:31

bikwop nituti dino ibon midut nindig mindhe titut kep humti bak tuhan ei Njap Nigwam Kep Ninghuisi cem njap Bed Jep kin nibon midut nindigsi nya cem. Yo di intun keret Lewi him inyeng tak kep midyai dima yok hagom bikwop njap ba, ibuhup tut nikos tutti dino suar igyai kep midyai dima bijo ninno bijo kikau.

NIBOHON MBEN ISRAEL GI NICAN 23:18

Leu api Imam Yoyada ndo midyai bak imam nya kin Lewi nya leu binhyepo yahati tut midyai ei tuhan De Ig bit leu nok gi Nibou Ndig Daud dimig ei mem yok nipou su. Suar ibon midut nindig mindhe-ndhe titut ei nimbar hum dokti bak tuhan dem igbit Musa niggai serti nya ba, iba doia bibon midut noyam kin doia di Daud dimig nipou ei su.

NIBOHON MBEN ISRAEL GI NICAN 31:3

Nibou ndig njei mindhe-ndhe di isuar leu nide mindhe-ndhe nimuhup tu nya mikuisi mem nibon midut nindig mindhe-ndhe titut kep humti bikwop njap tekti kin mmunti cem lene mem mindhe-ndhe di indig kep hum bak tuhan ei Njap Nigwam Kep Ninghuisi kin midut Bed Jep kin nibon midut nindigsi nya hagom bit leu nok tuhan De niggai serti pai sut nya.

EZRA 3:2

Imam Yesua di Yozadak nipmot kin nisut bat imam nindigsi nya kin Zerubabel di Sealtiel nipmot bitut nide bat nya cem yahagom ikinding tuhan di mben Israel ide Allah de nimbar hum dok hanyen leu binhyepo ibibon midut nya eisi bit leu nok Allah de awak di Musa pas ei nide Srat Nicukti.

EZRA 3:3

Mbro nok gino ittin tut ngkiai nya di ibong ser itimieisi dima lo, ikinding nimbar hum dok dima ei nigkumti hanyen leu api ikinyon ei nibon midut nindig mindhe-ndhe nya kep humti mem njap bigyoti cem mem mmunti cem bit leu nok igyai kepti di nipou nya.

NEHEMIA 10:34

Nye di limwa nya kin imam nya kin Lewi nya minikus bit bikwop ari bingwam ba, nibinggok tut keret di tou rima mirop biei mui mem indig mindhe-ndhe kep hum ei nimbar hum dokti bak nyende tuhan Allah bit leu Nide nikos tutti pai binyeti.

MAZMUR 81:3

Ma jikon doia ba, jibibit mun di impig-mpig nyen nibimbiti cem. Ma jikek nggong kin nggong mbrei kin nibimbiti di bindei ba, itingou ngakei.

NEHEI LEUSI 23:15

Ma jibon midut Njap Nindig Roti Di Dwoi Bi mem bed Abib bit leu nok dicuk jeti tu. Lewo nipou ne jehei leu minu Mesir mem bed dima. Tirigi jibon midut dima lene jiyem kep roti di dwoi mem njap nitindur muhwindacan au. Bikwop mpe dino jikwei kuk je biDa lene jittei mun di jikwas tut Da kwei.

NEHEI LEUSI 29:18

Lene andig domba dima titut kep hum ei nimbar hum dokti nok nibon midut nindig mindhe titut kep humti. Lene midijoi sut ninghap di ngge kei dima.

YEHEZKIEL 16:19

Diyai njita nok tepun di kei bibor kei kin ahwei lon kin mini zaitun di pimbai kei bina. Noro aba gima yok hagom bikuk na bak kwar nya leu binhyepo abipwoi ingona. Da di tuhan Di Dinyeng Jei Bibor disimbot dat tu.

YEHEZKIEL 20:41

Niabiati bu tirigi dibuwak je kwei leu minu di dibindei ntek gimahap je ug eisi nya tu ne midiba je bicom yam. Midijoi sut jide midut nindig mindhe-ndhe ei nimbar hum dokti nya. Leu api ngkiai nya yahagom mikan tut bipia Da dini ne Allah Di Kwes-Kwau ri.

YEHEZKIEL 45:17

Suar noni rima pek mindhe-ndhe nimuhup tu mem midut nindig mindhe titut kep humti kin gandum mem midut njita nibipai sigyo bak Allahti kin midut nisiber anggur ngei ei tuhan Noho bei mem mben Israel yahagom ei njap ndig nya kin midut Njap Ndig Bed Jep kin midut Njap Nigwam Kep Ninghuisi nya kin njap ndig nindigsi nya. Noni rima mikwas mindhe-ndhe dima mem midut nibiyai nikos ser sisarti kin midut njita nibipai sigyo bak Allahti kin midut nindig mindhe titut kep humti kin midut nibiyai ningon kwes kin Allahti tut Allah leu binhyepo bahara Noni mem gima kos ser mben Israel ide sisar.”

IMAM NYA IDE MIDYAI 1:13

Noro ma no dima ba minyei bipiap bei ninghopti kin nindimuhum cem nipou ug e. Lene ma imam dima yai mindhe dima ningut titut bak tuhan leu api ndig kep hum ei nimbar hum dokti. Lene tuhan mijoi sut ninghap di ngge kei dima.

IMAM NYA IDE MIDYAI 1:17

Lene ma imam dima srat ha dima ningut hacan hammi ninyehei noro suar ninyehei nya jo nijoti ba, ndun him. Lene ma noni ndig hagom kep hum ei nimbar hum dokti. Lene tuhan mijoi sut ninghap di ngge kei dima.

IMAM NYA IDE MIDYAI 1:9

Noro ma no dima ba minyei bipiap bei ninghopti kin nindimuhum cem nipou ug e. Lene ma imam dima ndig sapi ningut titut kep hum ei nimbar hum dokti. Lene tuhan mijoi sut ninghap di ngge kei dima.

IMAM NYA IDE MIDYAI 21:6

Dinyeng tak kep noni pijum ba, harin dima noni bibon dinyeng kinei a. Noni nyohou dimig nibon midut njita nibipai sigyo bak Allahti bou diyai him. Gima rino suar ningon kwes.

IMAM NYA IDE MIDYAI 21:8

Suar mben Israel igyok ngon kep bipia dinyeng tak kep imam pijum lewo noni nyohou dimig nibon midut njita nibipai sigyo bak Allahti bou diyai him. Dani ne tuhan ri. Dani dingon kwes ba, dibindei Ditde limwa nya cem ingon kwes.

IMAM NYA IDE MIDYAI 3:11

Lene ma imam dima ndig ninghui dini hagom kep hum ei nimbar hum dokti nok nibon midut nibiyai ningon kwes kin Allahti di no dima bon mem tuhan.

MALEAKHI 1:12

Noro jingwes pri gau Da tirigi jikan bipia Ditde nimbar hum dok bon ninyeng bi. Ba, jiba jide njita di kinei di jikon eisi bikuk je biDa.

MALEAKHI 1:7

Jiba njita di kinei bibon midut njita nibipai sigyo bak Allahti ei Ditde nimbar hum dokti. Jiyai nok gima lo, jihig ser Da ‘Nikuk nye biNa haigtu bi notou i?’ Jibindei ba, map kui nimbar hum dokti.

MBEN ISRAEL IMBUT-MBUT NYEN 15:24

Gino limwa nya yahagom ibon sisar nibisinggre bi bigyai tunggwei nicukti drek dip gi ikan tut nicukti dima bi lene suar yahagom ijem sapi nikre ningut gom kwei mem nibon midut nindig mindhe titut kep hum leu api mikwau di indig dima ngge kei bipwoi tuhan ningona. Lene ittei gandum kwei mem nibon midut njita nibipai sigyo bak Allahti ba, ittei ba anggur ngei kwei mem nibon midut ba anggur ngei di isiberti cem. Bitut gima lene ijem kambir nikre ningut gom kwei mem nibon midut nibiyai nikos ser sisarti.

MBEN ISRAEL IMBUT-MBUT NYEN 15:3

Ma jiba sapi nikre kin domba nikre kin domba pmot nikre kin kambir bikuk je bak tuhan mem nibon midut nindig mindhe titut kep hum kin nibon midut nibigo nehengti kin nibon midut nikwas mun mikuisi tut Allahti kin nibon midut di jibon kikep ngan-nganti nya. Lene mikwau di jindig dima ngge kei bipwoi tuhan ningona.

MBEN ISRAEL IMBUT-MBUT NYEN 15:7

bitut ba anggur ngei liter gom cem. Lene mikwau di jindig dima ngge kei bipwoi tuhan ningona.

MBEN ISRAEL IMBUT-MBUT NYEN 28:1

Lene tuhan cuk Musa,

MBEN ISRAEL IMBUT-MBUT NYEN 29:39

Gima ne nicukti tut nibon midut nindig mindhe titut kep humti kin nibon midut njita nibipai sigyo bak Allahti kin nibon midut ba anggur ngei kin nibon midut nibiyai ningon kwes kin tuhan di suar ibikuk yok bak tuhan ei njap niyok ngon kep njap ndigsi di dikos tut ei su nya. Munkwas dini ter leu mun di ikwas tirigi ibigo gau ide nipreu mun kin mun di ikwas mem nibon midut nikwas mun mikuisi cem.

MBEN ISRAEL IMBUT-MBUT NYEN 9:13

Noro tut no di map kui no bi kin no di ningat rin ei puig sinon cem bi lo, nghen bibon midut Njap Ndig Paskah dini bi lene dibibon no dima nok no di nggre kin Ditde limwa nya bu bi. Lewo noni kwas mun hi mem nibon midut Njap Ndig Paskah dima bikuk no bak Dani dem igbit tto bou pima bi. Suar no dima biang nide sisar nibuhunti.

MBEN ISRAEL IMBUT-MBUT NYEN 9:7

bipai biyok “Map kui nyeti drek dip gi ningget nimai ngut. Noro nggon rino jikuk nye leu dino nicoi bit nibon midut nibui mindhe mem nibikuk nye bak tuhan bit mben Israel nindigsi nya kan bi i?”

KORINTUS GI NICAN 2:15

Lewo inoyam kin biei nggrai di ui-gwang kei di Kristus ndig ei Allah Noho bei. Ninghap di ui-gwang kei dima kieng kep yo di ikak puig ug ei niyaijo kikauti kin yo di israwir nya di yuug dor humti.

EFESUS 5:2

Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.

FILIPI 4:18

Dingon cut hon mun di jikwas tut da ba, hagom nindig bibor bidor njiriek! Epafroditus pwoi mun di jikwas tut da hagom kwei bida tu ba, gima dem. Dinyeng tut mun di disuar nya hagom tu. Mun di jikwas tut da hagom noyam kin mindhe di ngge di ibui bibam ei nimbar hum dokti bou Allah niyai him ba, joi sut.