MBEN ISRAEL IMBUT-MBUT NYEN 28:11 - ALLAH NIHYET MEM TUNGWATU NYA

¹¹ Bikwop bed jep nimbie him lene suar ibui sapi pmot nikre ningut can kin domba nikre ningut gom kin domba pmot nikre di ide njap ug ei ari bingwam gom ningut muhwindacan mem nibon midut nindig mindhe titut kep humti ba, bikwop mindhe-ndhe dima hagom bok-ba bi.

MBEN ISRAEL IMBUT-MBUT NYEN 28:11 ပူးပေါင်းရင်းမြစ်များ

NIBOU NDIG NYA GI NICAN 4:23

Nijjep hig ser noni “Nggon rino ambut mem njap di ammani i? Njap di ammani ne Njap Nigwam Kep Ninghuisi kin Njap Ndig Bed Jep bigyo.” Noro nitnem buhup “Nok ug e. Dimbut hak ug.”

NIBOHON MBEN ISRAEL GI NIGOM 23:31

bikwop nituti dino ibon midut nindig mindhe titut kep humti bak tuhan ei Njap Nigwam Kep Ninghuisi cem njap Bed Jep kin nibon midut nindigsi nya cem. Yo di intun keret Lewi him inyeng tak kep midyai dima yok hagom bikwop njap ba, ibuhup tut nikos tutti dino suar igyai kep midyai dima bijo ninno bijo kikau.

NIBOHON MBEN ISRAEL GI NICAN 2:3

Salomo sok nihyet bak Hiram di nok nibou ndig mem Tirus bipai bak “Handei kon ba, abindei mbut nitri-nibipek munti bit da noyam kin gi po abindei mbut bit dicig Daud nipou pima. Nipou dima lene Na Di Andigpoi atri biei buom Libanon bak dicig ba, dicig bingot nide ig nibou ndig tu.

NIBOHON MBEN ISRAEL GI NICAN 2:4

Nogindini diyok dingon mem gima dingot ig gom pijum mem gima dibikuk da bak ditde tuhan Allah eisi ba, mem gima nibikon ninyeng cem. Midiya tut ditde limwa nya ba, nikuk nye bak Allah eisi. Lene nibindig biei nggrai di ui-gwang kei nya ba, niba roti di nidis ei tuhan Noho bei bikuk nye bak Noni cem bikwop njap ngwa hagom. Minibon midut nindig mindhe titut kep humti bikwop njap tekti kin mmunti ba, bikwop Njap Nigwam Kep Ninghuisi kin njap nibon midut Bed Jep kin njap di bon ninyeng nindigsi nya cem bak tuhan ei ig dimati leu binhyepo nibikuk nye bak nyende tuhan Allah eisi. Lewo nyende tuhan Allah cuk nye di mben Israel tut gima leu binhyepo nibindei mbut nibon midut dima yok bijo ninno bijo kikau.

NIBOHON MBEN ISRAEL GI NICAN 8:13

Mindhe di noni kwas bindig kep hum ei nimbar hum dokti mem gima mben Israel ibikuk yok bak tuhan dima bibit leu Nikos Tutti di tug hon Musa mem bikwop njap nindig nya. Nok Njap Nigwam Kep Ninghuisi kin Njap Ndig Nibon Midut Bed Jep kin midut ningat ningai di ibon bibikwop ari bingwam. Njap dima ne Njap Ndig Nibon Midut Roti Dwoi Bi kin Njap Ndig Nibon Midut Nike Gandum Kui Ig kin Njap Ndig Nibon Midut Ig Jibei Mpam Meng ri.

EZRA 3:5

bitut nibon midut nindig mindhe titut kep humti kin nibon midut nindig mindhe-ndhe kep Njap Ndig Bed Jep kin nibon midut kep njap ndig nikuk no bak tuhanti nindigsi nya ba, hagom mbut sindam. Lene iba mun di ikwas tut tuhan mikuisi cem ibikuk yok biNoni.

NEHEMIA 10:33

Minitin ei mun di imam nya isuar mem ibibon njap nibon midut nya ei tuhan De Ig. Mun dima yok ne roti di idis ei tuhan Noho bei kin njita mem nibon midut nibipai sigyo bak Allahti di indig ei nimbar hum dokti bak Noni bikwop njap-njap kin mun di isuar mem midut di ibon kep Njap Nigwam Kep Ninghuisi kin midut di ibon kep Bed Jep kin midut nindigsi nya kin mindhe-ndhe di indig ei nimbar hum dokti mem midut nibiyai nikos ser sisarti cem rin ba, nirop ninda ndigsi ne mun nyeng di isuar mem tuhan De Ig hagom.

MAZMUR 40:6

tuhan e, abon mindur nya mang bibor mem nye tu. Nyende tuhan Allah e, hiter inyeng jei sur anyeng kan bi! Atin ei angon kanti di mindur mang bibor mem nye tu. Bit bon dikwop mun di mindur dima yok nimangti kan bi.

MAZMUR 40:8

Lene dibuhup “tuhan e, da rini. Srat bokti di ipas ei srat kijumti pai,

MAZMUR 81:3

Ma jikon doia ba, jibibit mun di impig-mpig nyen nibimbiti cem. Ma jikek nggong kin nggong mbrei kin nibimbiti di bindei ba, itingou ngakei.

MAZMUR 81:4

Ma jimiep pun mbrei mem njap ndig cem mem pesta bed jep kin bed yeng jou cem.

YESAYA 66:23

Nimpung tungwatu nya yahagom mikwei kuk yok biDa ei minu ndig Yerusalem bikwop Bed Jep kin Njap Nigwam Kep Ninghuisi.

YEHEZKIEL 46:1

tuhan Di Ninyeng Jei Bibor pai “Suar nggam dimbou pmem di birok kik mpia priti di ibicoi ug ei mpia di jo bas hak dima kikau mem njap muhwindagom di limwa nya ibindei mbut ide midyai nya. Disindui sut ba, ikau dimbou pmem dima mem Njap Nigwam Kep Ninghuisi kin Midut Bed Jep he.

YEHEZKIEL 46:6

Bikwop Njap Ndig Bed Jep ne suar nibou ndig kwas sapi nikre ningut gom kin domba pmot ningut muhwindagom kin domba nikre ningut gom di bok-ba bi nya mem midut gi nindig mindhe titut kep humti bak tuhan.

YEHEZKIEL 46:7

Suar noni pwoi gandum nimangti dem liter simnaimuhwidip brimigtehican biniken kwei ba, bikrau sapi nikre kin kambir nikre mem midut dima bikwas gandum nimangti bit leu ningon kanti mem bikrau kin domba pmot pima yok gom-gom mem midut dima cem. Suar noni kwas mini zaitun ningei dem liter ningai mem bibikwop midut njita nibipai sigyo bak Allahti.

HOSEA 2:11

Midibindei ba, nide njap ndig nya hagom kes hon hak ug. Bitut pesta di noni bon bikwop ari bingwam kin bed kin Njap Nigwam Kep Ninghuisi nya di ijem ninyeng bipia njap nibon midutti nya.

IMAM NYA IDE MIDYAI 1:13

Noro ma no dima ba minyei bipiap bei ninghopti kin nindimuhum cem nipou ug e. Lene ma imam dima yai mindhe dima ningut titut bak tuhan leu api ndig kep hum ei nimbar hum dokti. Lene tuhan mijoi sut ninghap di ngge kei dima.

IMAM NYA IDE MIDYAI 1:3

Gino noni jem nide sapi ningut gom kwei lene ma noni dimig nikre di bok-ba bi. Suar noni jem sapi dima kwei ba, ya tut kui dimbou ei tuhan De Prak Meng nuhui leu binhyepo tuhan joi sut noni.

IMAM NYA IDE MIDYAI 1:9

Noro ma no dima ba minyei bipiap bei ninghopti kin nindimuhum cem nipou ug e. Lene ma imam dima ndig sapi ningut titut kep hum ei nimbar hum dokti. Lene tuhan mijoi sut ninghap di ngge kei dima.

AMOS 3:5

Apo ha biam bon gino hi ndin bon nipou ei bigyo e? Apo kau biam mindhe hi gino mindhe hi biam kau bi e?

AMOS 8:5

Jikan “Bit bon sibet singon mem pesta di sibon kep njap ndig Bed Jep ningwigsi kan bi. Lewo singon pri tut nituti mem sitri side gandum ba, sibipek mitiei hanyen. Njap nigwam kep ninghuisi cem apig api tun i? Gino tun tu ne sikinyon ei gi sitri mun bisibipek mitiei hanyen. Mpe dima lene sibindei ba, ndigban nibok kak bibor ba, siba kilo nitrowai binai gandum nibuhunti leu binhyepo siris mun bak yo di ikwei pek ndiyok leu sa.

MBEN ISRAEL IMBUT-MBUT NYEN 10:10

Lene suar jimiep pun mbrei dima hacem mem njap nindig di jiyai nillei tut Pesta Bed Jep kin njap ndig nindigsi nya cem ba, nibimbi bong tirigi jibon midut nindig mindhe titut kep humti kin midut nibiyai ningon kwes kin Allahti cem. Leu api midimpu jeni. Dani ne tuhan ba, dinok jide Allah ri.”

MBEN ISRAEL IMBUT-MBUT NYEN 28:19

Suar ibui sapi pmot nikre ningut can kin domba nikre ningut gom kin domba pmot nikre di ide njap dem ari bingwam gom ningut muhwindacan mem nibon midut nindig mindhe titut kep humti ba, bikwop mindhe-ndhe dima hagom bok-ba bi.

GALATIA 4:10

Jidimig njap ngon bou kin bed ngon bou kin ari bingwam ngon bou hagom ei nok ngon bou di bon ninyeng mem je.

KOLOSE 2:16

Gima rino ma jisindui sut tungwatu nya ba, iba ighyet biyai je drek dip njita di jiyem kin ndia ngei di jidut kin njap nindig nya kin pesta di jibon kep bed jep nya kin Njap Nigwam Kep Ninghuisi au.

KOLOSE 2:6

Jiya um Yesus Kristus bijita Noni nok Tuhan ei jingonti tu. Gima rino ma jiyai munti nya ntun jide ninok gom kin Noniti him.

SAMUEL GI NIGOM 20:5

Gima rino Daud buhup “Njap di hyep ne tto bou dem mem nibon Pesta Bed Jep rin ba, suar diyem njita bit nibou ndig bit leu diyai kepti. Ne gino ace tut lene midiku da nyahan ei beisi pima kikau bipek njap di can mmunti.

SAMUEL GI NIGOM 9:12

Lene ibuhup “I, ningat rin ba, nogindini no bie joho ma ug. Gino jibrim jimig lene mijahatap noni. Noni sindi kwei krau lewo timiei minu dini mibon midut nindig mindhe kep hum ei nimbar hum dokti mem njap di ammani.