MBEN ISRAEL IMBUT-MBUT NYEN 27:18 - ALLAH NIHYET MEM TUNGWATU NYA

¹⁸ Lene tuhan pai binoni “Ma ahig Yosua di Nun nipmot kwei lewo noni joi bibor. Lene ma akes anda hacem ei nibou nggram him.

MBEN ISRAEL IMBUT-MBUT NYEN 27:18 ပူးပေါင်းရင်းမြစ်များ

NITRITI 41:38

Leu api Firaun pai biyok “Bit bon inggok bingat no di ningon ki dor njiriek Yusuf kan bi lewo Allah Ninnei bie tut noni.”

NEHEI LEUSI 17:9

Gima rino Musa cuk Yosua bipai “Ma adimig tungwatu nya nok gi dem mem gima jikon pran bit mben Amalek. Njap di hyep lene midiya ei nungug ttou dini dip bidikrau ditde tom di Allah cuk da bipia dittei-ttei nyen pima.”

DANIEL 5:14

Dimiap tut bipia angon mpung tut kwar di kwes-kwau nya innei cem antin kimbo cem angon ki cem dor njiriek yo di hiter.

MBEN ISRAEL IMBUT-MBUT NYEN 11:17

Lene midijuk hwou bidimbrap bit na ei sirima. Lene midikus nisindemti di diyai bina nipou su ndrim hi bidikwas tut yo dima bu. Gima rino yoni migyai nisindemti leu binhyepo yahati tut na apino mun di buhun pima mibuhun tak nangkom he bu bi.

MBEN ISRAEL IMBUT-MBUT NYEN 13:16

Musa cuk yo dini mem gima yuug yok itta kep minu dima. Mpe dima ne Musa luei Hosea di Nun nipmot ninyeng ba, jem ninyeng Yosua.

MBEN ISRAEL IMBUT-MBUT NYEN 13:8

kin Hosea di Nun nipmot di ntun keret Efraim him,

MBEN ISRAEL IMBUT-MBUT NYEN 27:23

Lene kes ninda hacem ei Yosua nibou nggram him bipai sut brei bipia noni ne no di ya luei Musa nohoti bit leu nok tuhan nicuk noti ri.

YOHANES 3:34

No di Allah cuk kwei tri tut nihyet di kwei leu Allah lewo Allah kes Nonti Ninnei titut yam ei ningonti.

KISAH 13:3

Niabiati yo di inggre kin mbusyamei igyem njita bi mem nituti poi bingat nadi cem leu api ikes inda ei Barnabas kin Saulus ibou dip bikes yok bimbut.

KISAH 19:6

Ba, mpe dino Paulus kes ninda ei yok dip lene Allah Ninnei sindem tut yok leu api imbrap ngkiai nya ighyet bitri tut Allah nihyet cem.

KISAH 6:3

Gima rino nisut bat jen, gi kei mem jidimig ibou muhwindacan di isingat tut tungwatu nya ba, Allah Ninnei de nisindemti srek kwei ei ingonti bingon ki cem leu jikieti leu api nita yok mem igyai midyai dini.

KISAH 6:6

Yo di ingon jo kep nya ibuwak yo dini bindo yok bak yo di igya kui Yesus leu api yo di igya kui Yesus ikes inda ei ibou nggram him bingat nadi tindei yok.

NINDAT KEP TUHAN NICUKTI NYA 1:37

Lene jibindei ba, tuhan gga tut da bisimbot dat tut da ‘Musa e, nani cem mporo ma acoi ei minu dima bi.

NINDAT KEP TUHAN NICUKTI NYA 3:21

Leu api dipai bak Yosua “Angat mun nyeng hagom di ade tuhan Allah bibon bak nibou ndig cin di Sihon kin Og bou ayai him tu. tuhan mibibon nok gima bak nibou ndig nindigsi nya di jihwen yok leu ba, jibrim minu di ide nya bijiyati nya cem.

NINDAT KEP TUHAN NICUKTI NYA 3:28

Ma aba dicuk nati nya hagom bipingok Yosua ningonti leu binhyepo ningon nddong bingkiem lewo noni rino mibie tut Ditde limwa nya ug ei minyei dima nite hi leu binhyepo ibrim minu di angat bou ayai him dima bigyati.’

NINDAT KEP TUHAN NICUKTI NYA 31:14

Lene tuhan pai bak Musa “Son dideu ayaijo ningwig honti tu. Gima rino ma ahig Yosua kwei ba, jahacem jicoi ug ei Ditde Prak Meng nsi leu binhyepo dipai sut dicuk noti nya bak.” Lene Musa kin Yosua icoi ug ei Prak Meng nsi.

NINDAT KEP TUHAN NICUKTI NYA 31:23

Lene tuhan pai bak Yosua di Nun nipmot “Suar angon nddong ba, ata abou eisi lewo jei bi lene abie tut mben Israel ug ei minu di dipreu ei mem yok nipou su. Midingat rin bit na.”

NINDAT KEP TUHAN NICUKTI NYA 31:3

Nonti mibie tut je leu api mihwen ngkiai nya di ibong ser minu dima bingwig leu binhyepo jikieng kep minu dima nisurti-nipekti. Lene Yosua minok nibou di bie tut je bit leu nok gi po tuhan pai binye pima.

NINDAT KEP TUHAN NICUKTI NYA 34:9

Mpe dima ne Yosua di Nun nipmot yai ningon di ki lewo Musa ndo noni leu binhyepo ya luei nohoti. Lene mben Israel ibit Yosua nihyet ba, igyok ngon kep tuhan nicuk yokti nya di Noni sok ei Musa dip bak yoni.

TIMOTIUS GI NIGOM 4:14

Ma anyohou nisindemti di Allah Ninnei yai bina nipou su tirigi nabi nya itri tut nihyet ba, nibou mbusyamei ikes inda ei abou nggram him.

TIMOTIUS GI NIGOM 5:22

Ma abisau sut gino ata hi nok nibou mbusyamei au. Leu gino noni dem mem midyai dima bigyo lo, ata noni sisrau ne gima dem kep nok apriet kin nide sisar. Ma angon sok kep nanti ser nhyema angon kwes kei.

IBRANI 6:2

kin ningginausi tut nitur tungwatu kin nikes ninda ei tungwatu nya dipti kin nikiju hanyen leu nimai eisiti kin hukum di jo kikau buug hon nohonti bisi bu au.

YOSUA 1:17

Minibit ahyet dem kep nok gi po nibit Musa nihyet pima. Handei kon ba, tuhan di nok ide Allah miningat rin bit na bit leu nok ningat rin bit Musa nipou su!

NIJAM NIKEI NYA 11:29

Gima leu lene tuhan Ninnei sindem tut Yefta leu api noni ug cem timiei hanjop Gilead kin Manasye nya. Leu api ngkwei hanyen ug ei Mizpa ei Gilead. Lene mbut nut bu leu sirima buug ei mben Amon ide dihyei hanjop nsi.

NIJAM NIKEI NYA 3:10

tuhan Ninnei sindem tut Otniel apino kiju nok nibou di bie tut mben Israel. Leu api tuhan bindei ba, noni ug kon pran bit nibou ndig Mesopotamia bibindei timek noni ningwig a.

SAMUEL GI NIGOM 16:18

Tirigi noni pai nok lene nide awak gom pai cem “Isai di bong ei Betlehem yai nipmot gom di kek nggong mbrei igkei ba, no rinaha. Mimbri kui ningkek bikon pran kan. Noni ubbu bibor ba, ninghuisi kei bibor ba, mbrap kan cem lewo tuhan mpu noni kikau.”