MBEN ISRAEL IMBUT-MBUT NYEN 25:1 - ALLAH NIHYET MEM TUNGWATU NYA

¹ Tirigi mben Israel ingat rin ei Mbang Briep Sitim lene pinai nya ikinyon ei niyem njita tut sop mben Moab nya di ibong ei sirima.

MBEN ISRAEL IMBUT-MBUT NYEN 25:1 ပူးပေါင်းရင်းမြစ်များ

NIBOU NDIG NYA GI NICAN 23:7

Noni nggek tut ninsi di sop kin pinai di ibou sibui nya ibong ser ei tuhan De Ig. (Sop dima yok ibien ban ei nghim nsi dima mem gima tungwatu nya ibinggai yok tirigi ikuk yok bak kwar Asyera.)

MAZMUR 106:28

Niabiati bu lene Allah de limwa nya ikuk yok bak kwar Baal-Peor bigyem mikwau di ibikuk yok bak kwar nya cem.

NEHEI LEUSI 22:19

Suar jikes hukum nimai ei pinai di cut tut mindhe dip.

NEHEI LEUSI 34:15

Ma jeni kin timiei nya ei minu dima jipreu mun ei bit yam au. Lewo tirigi yoni ikuk yok bak ide nung nya bindig ndiyok kep hum ei ide nimbar hum dokti bak lene mbigom yoni mihig je bijinjei bit yok.

NIBA NINGON SRIP HUKTI 7:26

Dingon hukti bipia sop nimpo biborti dor njiriek nimai. Ningon ngwam kep sopti dem kep nok jala kin kau mbrei di itin ei mem gima ibikat mun di igyem. Tirigi sop nggriou na lene gima dem kep nok noni ba lante biteu na bingkiem kei. Yo di ibit Allah ningon kanti ingwes ngun leu nide bona. Noro bon dima miteu yo di ibon sisar.

YEREMIA 40:11

Lene mben Israel di ingat rin ei minu Moab kin Amon kin Edom kin gi ingat rin ei minu hiter nya yahagom imiap tut bipia nibou ndig minu Babel ta Gedalya tu. Noni kui bigwam nok nibou hanjop ba, ninyeng tak kep limwa nya imang bu bi su.

YEHEZKIEL 20:21

Noro pilei nya ei nijam dima cem yaham imbuk kep Da. Itunggwei Ditde nikos tutti nya ba, iba ikou yai Ditde nicukti nya di dem mem yo di ice tut ibit nya igyai niyaijo ba, ide njap jei cem. Ibindei ba, map kui Njap Nigwam Kep Ninghuisi bibor. Gima rino ditin ei mem dikes Ditde nigga biborti ei yok dip ei iggum ndigsi dima ba, dibiyai nimai bak yahagom.

HOSEA 9:10

tuhan pai “Nimbie him ngat di dittau kep mben Israel ne dingon nggei-hi-nggei bidem kep no di ttau kep ba anggur nghousi ei iggum ndigsi. Nimbie him ngat di dingat jidigup bat-jidigai bat nya ne dingon kei bidem kep no di ngat biei ara ningat gi nimbie him ngat. Noro mpe di yoni yuug krau Nungug Peor ne ikinyon ei nikuk no bak kwar Baalti. Apino map di kui kwar di ingon ngakei dimati kui yokti bu.

MIKHA 6:5

Ditde limwa jen, ma jiyok ngon kep notou Nibou Ndig Balak ei Moab kos dat mem gima bibon je kinei ba, notou Bileam di Beor nipmot buhup Balak nihyet cem. Ma jiyok ngon kep mun di pek kep mem je ei puig sinon tirigi jijo leu prak meng yati ei Sitim kikau ug ei prak meng yati ei Gilgal pima. Gino jiyok ngon kep mun dima yok hagom lene mijo nibreisi mem je bipia dibrim dingkek mem gima dimpu je.”

MBEN ISRAEL IMBUT-MBUT NYEN 25:17

“Ma ahwen yo di Midian ba, abindei sar yok,

MBEN ISRAEL IMBUT-MBUT NYEN 31:2

“Ma jibuhup hanyen bijikon pran bit mben Midian drek dip mun po ibon bak je di mben Israel pima. Gima ngwig leu lene amai ug ri.”

MBEN ISRAEL IMBUT-MBUT NYEN 33:49

Ba, ibong ei sirima hammi Bet-Yesimot kin Mbang Briep Sitim ikieti.

KORINTUS GI NIGOM 10:8

Harin dima icut tut yam noyam kin yo ngot ndig dima di icut tut yam. Lewo ibou sribu nyatungwagom ba, ningai itug ndei nimai drek dip ide nicut tut yamti mem njap gom ndia.

NINDAT KEP TUHAN NICUKTI NYA 3:29

Lene nyeni ibong ei mbang briep di birok kik minu ndig Bet-Peor.”

NINDAT KEP TUHAN NICUKTI NYA 32:38

Lewo kwar di ikuk yok bak dima yok igyem mindhe-ndhe di jibui mem yok nimmau ba, idut ba anggur ningei di juhug mem yok. Nogindini ma ikwei mpu je ba, idor kwei biteu je leu.

NINDAT KEP TUHAN NICUKTI NYA 4:3

Jahagom jingat mun po Allah bibon ei Nungug Peor pima bou jiyai him tu. Noni hwen jide bat nya di ikuk yok bak Baal ei sirima yahagom bingwig.

YOSUA 2:1

Tirigi mben Israel yohok ide prak meng yati ei Sitim lene Yosua cuk ibou can leu binhyepo yuug yok itta kep minu Kanaan nisurti-nipekti lo, suar igyok itta kep minu ndig Yerikho nipou ug e. Tirigi yoni yuug krau minu ndig Yerikho mem mmun lene Rahab di sop sundal gom cigit yok kui nide ig.

YOSUA 22:17

Apo jiyok ngon kep ide sisar po ibon ei Peor pima bi e? Mpe dima lene mbro nok gino nyeni ne tuhan de limwa nya rin lo, Noni ba nsuwer ajar bikes hukum ei nye dip. Lene ninghuisi wei di ntun him no buhun tak nye kwei bipek ammani kep yo. Apo ninghuisi wei dima dem mem nye bigyo e?

YOSUA 3:1

Njap di hyep bu lene Yosua kin nide limwa di mben Israel yahagom ikiju ba, ilet ide prak meng ei Sitim bimbut tut ug ei Minyei Yordan nintig dip. Lene yohok ide prak meng yati hanyen ei sirima bibet ingon mem nikwesti tirigi isigon minyei ug ei nitehi.

NINGAT-HI-NGAT NYA 2:14

Noro diwok je tut mun nyeng poi. Ibou poi di ibit Bileam ningginausi isrig jikieti. No dima ngginau Balak biris mben Israel apino ingkwei hanyen kep sisar di ibon nya. Sisar dima ne niyem njita di tungwatu nya ipigig ser mem mun di ikuk yok bak kin nicut tut yamti ri.