MBEN ISRAEL IMBUT-MBUT NYEN 24:9 - ALLAH NIHYET MEM TUNGWATU NYA

⁹ Mben Israel dem kep nok mindhe singa nikre kin niwek di bong mai kep ninghuisi. Tou ribrim ningkek biwin noni i? Tungwa tou rino ngat nadi tindei mun di kei mem yok miyai mun di kei hanyen leu Allah. Tungwa tou rino mbriom yok mitug ndei nimbriomti hanyen leu Allah.”

MBEN ISRAEL IMBUT-MBUT NYEN 24:9 ပူးပေါင်းရင်းမြစ်များ

NITRITI 12:3

Midinjei mun di kei bak yo di injei mun di kei bak nani. Noro midisigion yo di isigion nani bu. Midinjei mun di kei bak mben dihyeisi dini hagom tug hon nani.”

NITRITI 27:29

Nna ba mben nya hagom ibon yonti nok awak mem na bibit ahyet. Nna ba anyeng tak kep ade bat nya yahagom leu binhyepo yo di intun apmem him yahagom ikuk yok ei amig him. Nna ba yo di isigion na yahagom itug ndei nisigionti hanyen ba, yo di ingon kei sut na lene yoni cem mitug ndei mun di kei bu.”

NITRITI 49:9

Yehuda ne singa nehen pap di briug nide mun di yem bingwig ri. Leu api noni ngkwei hanyen ug ei nahamti bitit nimig ninda bibong nyahan ba, hi brim ningkek mem gima bindin noni bi.

NIBOU NDIG NYA GI NIGOM 10:20

yeheu singa ningat bibikwop lin mbrei niyenti nya sur nicoti nya muhwindagom pima ba, bihi ei ninda com lene bihi ei ninda prak. Ba, singa ningat nimangti ningat simnaibrimigcan. Nibou ndig mben ngkiai bidem dihyeisi dini hagom hi gwam ei banggo mbrei di nok Salomo de dip bi sren.

NIBOHON MBEN ISRAEL GI NICAN 9:18

Banggo mbrei dima bon mun di bahati tut nibou ndig ninda pang ei nite hi nite hi ba, yeheu singa ningat can di joti. Banggo mbrei dima bon nicoti muhwindagom di iba mas bikingkrai. Lene ibon bilen gom mem nimig di iba mas bikingkrai ba, bilen dima ibinut banggo mbrei binok gom.

ESTER 6:13

Noni ndat kep mun di um dima hagom bak nitnem kin nisut bat nya yahagom. Lene nitnem kin nisut bat di ingon ki dima ipai bak “Sindi Mordekhai de nisindemti om kep ade nisindemti. Noni ne mben Yahudi rin ba, bit bon aom kep nide nisindemti dima kan bi. Ningat ne noni mibindei timek nani ug ri.”

AYUB 41:10

Gino hi win noni lene noni ugwa-kwei ba, cig-cai. Mimbri kui no dima ningkek biya ei minjina dima noho bei kan bi.

MAZMUR 122:6

Jingat nadi tindei nibong kei nigwam keisi mem minu ndig Yerusalem bijipai “Dijoi sut gima yo di ingon ngakei minu ndig Yerusalem ibong kei igwam kei ba,

MAZMUR 2:12

Ma jiba jingwak bikik mpia ei tuhan nimig him. Gi bi ne Noni migga bibor kros ba, mibindei sar jahagom kros bihigom. Bikwop tungwa tou rino ya coi tuhan ne no dima ningon nggei-hi-nggei!

NEHEI LEUSI 23:22

Gino jibit malaikat dima nihyet ba, jiyai hagom bit leu nok dicuk jeti tu lene midikon pran bit jide siceu nya yahagom.

YESAYA 31:4

Lene tuhan pai bida “Mbro nok gino gembala nya yahara bimbrua kep singa lo, bit bon ijji noni leu domba di ttem tu kan bi. Nok gima cem bit bon hi hara bimbrua kep Da di tuhan Di Disindem Bibor ei mpe dino diya srak ko hagau minu ndig Yerusalem kan bi.

MIKHA 5:8

Mben Israel mibindei timek ide siceu nya bicok tut yahagom ningwig a.

MBEN ISRAEL IMBUT-MBUT NYEN 22:12

Lene Allah pai bak Bileam “Ma abit yo dima ba, ambriom mben Israel au lewo dijoi sut yok.”

MBEN ISRAEL IMBUT-MBUT NYEN 22:6

Yo dima imangti nindig bibor dor njiriek nye. Gima rino ma akwei mbriom yok mem da. Apino yoni misindem bu bi leu api nyeni minihwen yok ba, nijji yahagom leu minu dini. Dikan tut bipia tirigi angat nadi tindei mun di kei mem tungwatu nya lene mun di kei pek kep mem yok. Tirigi ambriom tungwatu nya lene mun di kinei cut igkep yok bu.”

MBEN ISRAEL IMBUT-MBUT NYEN 23:24

Lewo keret dima ikiju kui dem kep nok mindhe singa niwek. Yoni igya ngkiem dem kep nok mindhe singa nikre. Singa dima mibong kep ninghuisi bi bibou ham nimbiam biyem ninghui ba, dut nimbiam ninggrom ug e.”

MBEN ISRAEL IMBUT-MBUT NYEN 24:10

Lene Balak gga nindig bibor bikimut ninda bicug Bileam lene pai binoni “Dihig na kwei leu binhyepo ambriom ditde siceu nya noro angat nadi tindei mun di kei mem yok mbiningai su.

MATIUS 25:40

Nibou Ndig mibuhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok lene gima dem kep nok jingondut Dani!’

MATIUS 25:45

Nibou Ndig buhup ‘Ma jiyok ngon kep bipia tirigi jingondut dikinjoi bat di ibon inyeng bi sren dini yok bi lene gima dem kep nok jingondut Da cem bi.’

KISAH 9:5

Saulus buhup “Andigpoi e, Na tou i?” Nihyet dima tibim hanyen kwei bipai “Dani ne Yesus di ahwen bit ri.

NINDAT KEP TUHAN NICUKTI NYA 30:7

Noni micug nisigion jeti nya pima hagom hanyen leu je lene mikes hagom ei jide siceu nya di ingon mpo tut je ba, ico kep je dip.