MBEN ISRAEL IMBUT-MBUT NYEN 24:8 - ALLAH NIHYET MEM TUNGWATU NYA

⁸ Allah buwak yok kwei leu minu Mesir tu ba, Noni hwen ide siceu nya dem kep nok sapi banteng di bit bon tungwatu nya ipijuk kan bi. Yoni ihwen ide siceu nya yahagom bingwig ba, ikinam injum ba, idahat ide hampiap cem.

MBEN ISRAEL IMBUT-MBUT NYEN 24:8 ပူးပေါင်းရင်းမြစ်များ

MAZMUR 2:9

Mporo aba tom ngkimom nitu bibui yok bidahat leu api acom yok dem kep nok acom dibijig di ki kukiau ninnirwapti.

MAZMUR 21:12

Mpe dino igyok ingon gom mem gima ihwen bit nibou ndig lene ide nuhum yam nsi dima mipek kep bi.

MAZMUR 45:5

Abri ade kroba pran ba, abimbut ndam nibindei timek ade siceu nyati. Aba mimbri di kui angkek bicuon nihyet di nijit kin ningon sren-srausi di ntun ningon di nem him. Abindei timek Ade siceu bibor tug hon ade nisindemti.

MAZMUR 45:6

Tibor ade di nggwen tibim ade siceu nya ingonti bikus nite hi leu ba, ngkiai nya icut ug ei amig him.

NEHEI LEUSI 23:22

Gino jibit malaikat dima nihyet ba, jiyai hagom bit leu nok dicuk jeti tu lene midikon pran bit jide siceu nya yahagom.

YESAYA 38:13

Sahara nidut mem mmun jei dem kep nok gi po singa ningut gom kinam sinjum nya binem-nnai a. Sikan bipia Allah mibindei ba, siyaijo ngwig hon.

YEREMIA 50:17

tuhan pai “Mben Israel idem kep nimpung domba di singa huk yok di bindei di intek gimahap a. Nibou ndig minu Asyur coi bihwen yok nimbie him ngat. Leu api Nebukadnezar di nok nibou ndig mem minu Babel kinam injum nya mien-mien.

YEREMIA 50:9

Midiba ngkiai nya di isindem bibor di ikwei leu nite bei mpia nijjai bicom yam mem gima injei bihwen minu Babel. Yoni midimig ide nimpung tentara mem gima ikon pran bibindei timek yok cem. Yo dima ne tentara di ikri tibor kan di iprindei tunggwei kan bi ri.

DANIEL 6:24

Nibou ndig ningon nggan-triot kei bihig yo di igya ser nya kwei leu binhyepo ibrim Daniel kui leu jui nsi. Tirigi igyai igbit nicuk yokti dima leu lene ingat lo, Daniel tug ndei nibok hi bi lewo noni ba ningon com nide Allah.

MBEN ISRAEL IMBUT-MBUT NYEN 14:9

Noro ma jaham jimbuk kep tuhan ba, jingon digit tut timiei minu dima au. Krop kei mem gima nyeni ihwen yok bingwig lewo tuhan ningat rin ei nyeni ikieti ba, Noni co kep yo dima ide kwar di ikuk yok bak bingwig leu su. Gima rino ma jingon digit tut yok au.”

MBEN ISRAEL IMBUT-MBUT NYEN 21:5

Apino isrep tut Allah kin Musa cem bipai “Nggon rino abuwak nye kwei leu minu Mesir leu binhyepo nimai biningwig ei iggum ndigsi di bon njita kin minyei bi dini i? Njita di niyem kep dini nos nye bibon nyeni ningon him wei.”

MBEN ISRAEL IMBUT-MBUT NYEN 23:22

Allah buwak yok kwei leu minu Mesir ba, Noni hwen ide siceu nya dem kep nok sapi banteng di bit bon tungwatu nya ipijuk kan bi.

MBEN ISRAEL IMBUT-MBUT NYEN 23:24

Lewo keret dima ikiju kui dem kep nok mindhe singa niwek. Yoni igya ngkiem dem kep nok mindhe singa nikre. Singa dima mibong kep ninghuisi bi bibou ham nimbiam biyem ninghui ba, dut nimbiam ninggrom ug e.”

MATIUS 2:15

Ibong ei minu dima kikau bibou Herodes mai leu ug e. Mun dini pek kep mem yok leu binhyepo Allah nipaisi tug hon nabi midem ug e. Noni pai “Dihig Dipmot kwei leu minu Mesir.”

NINDAT KEP TUHAN NICUKTI NYA 32:23

Midibindei ba, mun di buhun mang bibor micut igkep yok bijo ninno bijo kikau leu api midiprindei yok kikau bibou Ditde tibor nya ngwig ug e.

NINDAT KEP TUHAN NICUKTI NYA 32:42

Inggrom misilipti Ditde tibor lene midiba Ditde simeda bihwen yo di ibigen ser Da yahagom ba, imai bingwig. Midisindui sut yok ba, bihi ihwen bit Da bi. Yo di ibok-ba kin yo di dipos yok tu nya yahagom mitug ndei nimai.

NINDAT KEP TUHAN NICUKTI NYA 7:1

“tuhan di nok jide Allah mibuwak je ug ei minu ttou nsi gom leu binhyepo jidigek kep minu dima nisurti-nipekti. Lene Noni mijji ngkiai nya imang bibor leu minu dima. Noni mijji mben nindig bibor muhwindacan di isindem bibor dor njiriek je cem bou jiyai him. Yo dima rino mben Het kin mben Girgasi kin mben Amori kin mben Kanaan kin mben Feris kin mben Hewi kin mben Yebus.

YOSUA 2:10

Nimiap tut gi po tuhan bindei ba, Muk Lipig bon ninggati ei joho bei tirigi po jingwes ngun leu minu Mesir pima. Nimiap tut gi po jiyai nimai bak nibou ndig cin di mben Amori di inyeng Sihon kin Og pima ei Minyei Yordan nite dima ug bei mpia nipriti cem tu.