MBEN ISRAEL IMBUT-MBUT NYEN 23:23 - ALLAH NIHYET MEM TUNGWATU NYA

²³ Bikwop seig ut kin nung nya hagom sindem mem gima sigion mben Israel kan bi. Tungwatu nya misimbot dat tut yoni bipai ‘Jingat i! Allah bibon mun di mindur mem yok ninno tu.’

MBEN ISRAEL IMBUT-MBUT NYEN 23:23 ပူးပေါင်းရင်းမြစ်များ

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

MAZMUR 31:19

Atak kep ser yo di iris mun igkei nya yuhui hak leu gi iba ingon di jei bipai yo di ingon sren nya kinei a.

MAZMUR 64:9

Isar drek dip yonti ighyet ba, yo di ingat yok yahagom ikit ibou leu.

YESAYA 41:4

Tou ribindei dino mun dini yok cut igkep tungwatu nya i? Tou ribindei ba, nibohon hagom bit leu nonti ningon kanti i? Da di tuhan dingat rin habiei ei nimbie him ba, midingat rin kikau ug bipek ningwig honti cem.

YESAYA 44:25

Dibindei ba, yo di iko mun bibinggok tut ndiyok ingon mbum ba, diba yo di nung kui yok bikek. Dibigen ser yo di ingon ki nya ighyet bidikiek ingon di kimbo bidibindei ba, ingon mbum hanyen.

YEHEZKIEL 21:21

Nibou ndig minu Babel kwei ya dideu biei sra di bindo puig cin dima leu binhyepo kan tut puig dima noni mbut kak a. Noni hara bak nide kwar di kuk no bak bindo igbit binoni lene bikrau nide tibor nya bikit-kit nyen cem ba, yok niyai kep mindhe di sindi ibui bibikuk yok bak ide nung nya nisingau a.

DANIEL 9:15

tuhan di nyende Allah e, ando Ade nisindemti tirigi po abuwak Ade limwa nya kwei leu minu Mesir. Tungwatu nya yahagom igyok ngon kep Ade nisindemti dima kikau kwei bipek ammani kep. Noro nibon kep sisar biniyai mun tunggwei cem tu.

MIKHA 7:15

tuhan e, ma abon mindur mem nye noyam kin gi nipou po abon mem nye tirigi abuwak nye kwei leu minu Mesir pima.

MBEN ISRAEL IMBUT-MBUT NYEN 24:1

Hon kep nituti dima ne jo nibreisi mem Bileam bipia Allah joi sut gima noni ngat nadi tindei mun di kei mem mben Israel. Gima rino noni ug nggok mun di bindo nya bit leu nok gi nipou pima bi. Lene noni cap hammi iggum ndigsi.

MATIUS 12:25

Noro Yesus kan tut Farisi nya ingon kanti dima lene pai biyok “Gino mben hi ikwas yam ei nimpung can ba, ikon pran bit yam lene mimai bingwig hak. Nok gima cem gino timiei minu ndig e, he yo di ibong ig nittou hi e, iba nitok biyam ne jei bi itot yam bingwig ug ri.

MATIUS 12:27

Jipai sut Da bipia Bilis risindem tut Da dino dijji ninnei rom nya e? Gi nok lene tou risindem tut jide limwa nya dino ijji ninnei rom nya i? Yoni indo bindo tut je bipia jiyai mun tunggwei.

MATIUS 16:18

Gima rino dipai bina di Petrus bipia nani ne tig di nddong kei ri. Midita Ditde mbusyamei ei tig di nok cou nipmem dip rin ba, bit bon Bilis kin nide limwa nya ibindei cut mbusyamei dima kan bi.

YOHANES 11:47

Gima rino Farisi nya kin imam nindig nya induk yam bit Nikei Puig Yahudi nindigsi nya ba, ihig yam ser “Nyeni inggon ndei i? No dima bibon mindur mang bibor tu!

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.

KISAH 15:12

Gima rino yahagom ikimut yuhui bigwam nyahan bingig itingou mem Paulus kin Barnabas ighyet di itri tut Allah de mindur kin bindo di Noni bibon tug hon yoni ei ngkiai nya ikieti ug e.

KISAH 4:16

Yoni ihig yam “Nyeni inggon ndei yo dini i? Lewo timiei minu ndig Yerusalem yahagom ikan tut bipia ibon mindur nindig bibor tu. Bit bon nyeni itte tut kan bi.

KISAH 5:12

Ei nijam dima ne yo di igya kui Yesus ibon mindur kin bindo mang bibor ei tungwatu nya ikieti. Ba, yo di ingon jo kep nya ibicom yam nok gom ei Salomo De Bisai.

KISAH 5:14

Jei bi lene pinai nya kin sop nya imang bibor ingon jo kep Tuhan sindam apino ibikum ei yo di ingon jo kep nya imangti.

ROMA 16:20

Jei bi lene Allah di bindei ba, jibong kei jigwam kei mico kep Bilis binem-nnai ei bijehei jimig jou tug hon nisindemti di Noni yai bije. Handei kon ba, ide Tuhan Yesus Kristus mikum ei nisingat tut jeti!

NINDAT KEP TUHAN NICUKTI NYA 3:24

tuhan Di Ninyeng Jei e, dikan tut bipia gi ando bida dini ne sindi nimbie him leu abon munti di nindig bibor nya ba, mindur cem rin yo. Bit bon kwar di tungwatu nya ikuk yok bak ei mpia-bbed him kin dihyeisi dini bibon mindur di nindig bibor nok abibon bi ba, hi noyam kin Nani kan bi.

YOSUA 13:22

Mpe dima lene mben Israel igyai nimai bak Bileam di Beor nipmot po nung kui no bimbriom tungwatu nya igkei pima cem.

NINGAT-HI-NGAT NYA 12:9

Yoni injei naga di nindig bibor tut nide malaikati nya ug ei dihyeisi mu. Naga ne wou di ningat rin ei nimbie him di ninyeng Bilis kin Ninnei Di Sibut ri. Noni rino ris bak tungwatu dihyeisi dini yahagom.