MBEN ISRAEL IMBUT-MBUT NYEN 23:1 - ALLAH NIHYET MEM TUNGWATU NYA

¹ Leu api noni cuk Balak bipai “Adingug tig bijo-jo yam dip nok nimbar hum dok ningat muhwindacan ei sirini. Lene ma ajem sapi nikre ningut muhwindacan kin domba nikre ningut muhwindacan kwei bida.”

MBEN ISRAEL IMBUT-MBUT NYEN 23:1 ပူးပေါင်းရင်းမြစ်များ

NIBOU NDIG NYA GI NICAN 18:22

Lene nibou pran pima binut bu bipai “He ma jibuhup dihyet bipia jiba jingon com jide tuhan Allah e? Tirigi po Hizkia sok kep je di timiei Yehuda nya kin je di timiei minu ndig Yerusalem leu binhyepo jikuk je bak tuhan ei nimbar hum dok gom ngat ei minu ndig Yerusalem pima lene Hizkia nonti rima bindei ba, tungwatu nya inggek nimbar hum dok nindigsi nya kin mpia hiter di mben Israel ikuk yok bak tuhan eisi bi e?

NIBOHON MBEN ISRAEL GI NIGOM 15:26

Ibui sapi nikre ningut muhwindacan kin domba ningut muhwindacan ba, ibikuk yok bak Allah lewo Noni sindem tut Lewi nya ba, ittei Brua Gi Preu dima kwei su.

NIBOHON MBEN ISRAEL GI NICAN 29:21

Ibijem sapi nikre ningut muhwindacan kin domba nikre ningut muhwindacan kin domba pmot ningut muhwindacan kin kambir nikre ningut muhwindacan kwei mem gima ibibon midut nibiyai nikos ser sisarti gau nibou ndig nide bat nya kin limwa nya ide sisar ba, ibindei pwoi tuhan De Ig hanyen cem. Nibou ndig cuk imam di intun Harun him nya ibon midut nindig mindhe-ndhe dima yok ei nimbar hum dokti bak tuhan.

AYUB 42:8

Nogindini ma jijem sapi nikre ningut muhwindacan kin domba nikre ningut muhwindacan ba, jijem bak Ayub. Lene ma jibui mindhe dima hagom bijindig kep hum ei nimbar hum dokti drek dip jide sisar. Ayub mingat nadi tindei je lene midibuhup nihyet. Mbro nok gino jiji kipa tut Da bijipai mun di igbit bi lo, midibinim kep je ba, suar jibiang jipai munti nya nibuhunti bi. Noro Ayub pai mun di igbit tut Da.”

NEHEI LEUSI 20:24

Ma jiba dihyei bibon nimbar hum dok gom mem Dani. Ma jibui jide domba nya kin sapi nya bijindig kep hum eisi. Lene jiba mindhe-ndhe bihi bikuk je biDa ba, jiba mindhe-ndhe bihi biyai jingon kwes kin Da. Midihwou yai gi kei bije ei mpia ttou nsi di dindo bije mem gima jibikuk je biDa eisi hagom.

NIPINGOK NINGONTI 15:8

tuhan joi sut yo di ingon kwes kei nya ide nadi noro ningon mpo tut midut di yo di isibut nya ibon ei nimbar hum dokti nya.

YEHEZKIEL 33:31

Induk yam bingwig ttai na ba, intu kep ahyet noro ibit acuk yokti nya bi. Iba ighyet di mmau bibuhup ahyet noro idrui bou ngwak ba, ikan-kan nyen tut mun di kei mem yonti he idrui bou ngwak kikau.

YEHEZKIEL 45:23

Ei ninsi njap muhwindacan di midut dima mbut lene suar noni bui sapi nikre ningut muhwindacan kin domba nikre ningut muhwindacan di bok-ba bi. Lene indig hagom titut ei humti bak tuhan bikwop njap-njap. Lene suar noni bui kambir nikre ningut gom cem mem midut nibiyai nikos ser sisarti bikwop njap-njap.

MBEN ISRAEL IMBUT-MBUT NYEN 22:41

Njap di hyep bu lene Balak buwak Bileam ba, ikui nungug Bamot-Baal. Lene Bileam ngat mben Israel ide prak meng nya nite hi he.

MBEN ISRAEL IMBUT-MBUT NYEN 23:2

Lene Balak yai hagom bit leu nok Bileam nicuk noti leu api noni kin Bileam ibui sapi ningut gom kin domba ningut gom ba, indig kep hum ei nimbar hum dok muhwindacan dima gom-gomti bidem ug.

MBEN ISRAEL IMBUT-MBUT NYEN 23:29

Lene Bileam pai bak Balak “Adingug tig bijo-jo yam dip nok nimbar hum dok ningat muhwindacan ei sirini. Lene ma ajem sapi nikre ningut muhwindacan kin domba nikre ningut muhwindacan kwei bida.”

MBEN ISRAEL IMBUT-MBUT NYEN 23:30

Lene noni yai hagom bit leu nok Bileam nicuk noti. Noni bui sapi ningut gom kin domba ningut gom bindig kep hum ei nimbar hum dok muhwindacan dima gom-gomti.

MBEN ISRAEL IMBUT-MBUT NYEN 29:32

Ei njap gi nimuhwindacan lene ma ibui sapi pmot nikre ningut muhwindacan kin domba nikre ningut can kin domba pmot nikre di ide njap ug ei ari bingwam gom ningut simnaibrimigtai mem nibon midut pima ba, bikwop mindhe-ndhe dima hagom bok-ba bi.

MATIUS 23:13

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jibigen ser dimbou di bie ug ei Allah Ninyeng Tak Kepti. Jenti jicoi kak dimbou hui dima bi lene jibigen ser yo di ijoi sut icoi nya. [

YUDAS 1:11

Ayo! Notou mem yo dima i? Lewo ico kak puig di Kain mbut kak. Ibindei yonti bicut ei nikineisi drek dip mitiei noyam kin Bileam niyai munti di yai tunggwei. Isrep tut Allah noyam kin Korah di srep tut Musa apino tug ndei nimai.

SAMUEL GI NIGOM 15:22

Lene Samuel hig ser noni “Allah joi sut mindei ngan i? Noni joi sut yo di ibit nihyet e, he joi sut nibon midut he e? Mun di bon ninyeng ei Noni niyai him rino ibit nihyet leu gino ibon midut nindig domba di kei bibor kei kep humti bak Noni.