MBEN ISRAEL IMBUT-MBUT NYEN 22:7 - ALLAH NIHYET MEM TUNGWATU NYA

⁷ Lene nibou mben Moab kin mben Midian nya imbut ug ei Bileam de minu bipwoi mitiei nok gi dem mem Bileam leu binhyepo noni mbriom mben Israel. Lene ipai binoni bit leu nok Balak sok nihyet ei yok dip.

MBEN ISRAEL IMBUT-MBUT NYEN 22:7 ပူးပေါင်းရင်းမြစ်များ

YESAYA 1:23

Ade nibou nya yaham imbuk kep Da. Ihig isut bit ninggimang kep mun cig nya ba, ingon ya mem gima hi ngot kep yok. Ikou sut nimbrap gau moibihi nyati ei nikei noho bei ba, itingou nam ser kibom nya di yahara yok tut ide mun di buhun tak yok ighyet.

YESAYA 56:11

Idem kep nsien di duhwen mun di yem he lo, gima gi ndei ninggumti bi. Nibou dima yok ingon huk niti cem bi ba, ibon mun bit leu yonti ingon kanti bibikwop nok ba, iba yoho rok ningat di kei mem yonti he.

YEHEZKIEL 13:19

Jihyet wer mpia hi tut Da ei Ditde limwa nya yoho bei leu binhyepo jibikam gandum barli nittun poi he ei jindati kin roti ninggop poi he. Jiyai nimai bak yo di ibon mun tunggwei bi nya. Jisindui sut yo di suar itug ndei nimai ba, igyaijo. Leu api jisuglai mun bak Ditde limwa nya apino iba ingon com je.’ ”

YEHEZKIEL 21:21

Nibou ndig minu Babel kwei ya dideu biei sra di bindo puig cin dima leu binhyepo kan tut puig dima noni mbut kak a. Noni hara bak nide kwar di kuk no bak bindo igbit binoni lene bikrau nide tibor nya bikit-kit nyen cem ba, yok niyai kep mindhe di sindi ibui bibikuk yok bak ide nung nya nisingau a.

MIKHA 3:11

Ei minu ndig dima ne nibou nya inyeng tak kep ide limwa nya di iba mitiei bingot kep yok. Imam nya itri tut tuhan nicukti leu binhyepo ibiyai imuhup. Nabi nya yahara Allah mem gima ndo bindo biyok leu binhyepo ibipek mitiei. Ningat ne yahagom ikan bipia tuhan tti kin yok. Ipai “tuhan ningat rin ei nikieti. Mun di buhun bibor micut igkep nye bi sren.”

MBEN ISRAEL IMBUT-MBUT NYEN 22:8

Lene Bileam cuk yok bipai “Ma jibong bit da mmun di ariman leu api njap di hyep bu lene midimbot kep tut tuhan nicuk dati bije.” Gima rino nibou pima yok ibit bong.

MBEN ISRAEL IMBUT-MBUT NYEN 23:23

Bikwop seig ut kin nung nya hagom sindem mem gima sigion mben Israel kan bi. Tungwatu nya misimbot dat tut yoni bipai ‘Jingat i! Allah bibon mun di mindur mem yok ninno tu.’

MBEN ISRAEL IMBUT-MBUT NYEN 24:1

Hon kep nituti dima ne jo nibreisi mem Bileam bipia Allah joi sut gima noni ngat nadi tindei mun di kei mem mben Israel. Gima rino noni ug nggok mun di bindo nya bit leu nok gi nipou pima bi. Lene noni cap hammi iggum ndigsi.

ROMA 16:18

Lewo yo di igyai nok gima igyai midyai mem ide Tuhan Kristus bi noro mem yonti ingut kanti nya. Iba ighyet mini kin ighyet di mmau biris ei yo di ingon mbum nya dip.

TITUS 1:11

Suar asok kep yo dima ngkiem leu binhyepo ikimut yuhug hak ug. Lewo iba nihyet minyei binggek tut mbusyamei ninsi de nya imang bibor ba, ibipek mitiei nindig bibor leu yok. Igyaisi dima igbit bi!

YOSUA 13:22

Mpe dima lene mben Israel igyai nimai bak Bileam di Beor nipmot po nung kui no bimbriom tungwatu nya igkei pima cem.

PETRUS GI NICAN 2:15

Ikrau tunggwei puig di sren kei apino israwir. Ico kak Bileam di Beor nipmot di ningon pri kep mitiei di noni tug ndei leu niyai munti di kinei nya nohoti.

YUDAS 1:11

Ayo! Notou mem yo dima i? Lewo ico kak puig di Kain mbut kak. Ibindei yonti bicut ei nikineisi drek dip mitiei noyam kin Bileam niyai munti di yai tunggwei. Isrep tut Allah noyam kin Korah di srep tut Musa apino tug ndei nimai.