MBEN ISRAEL IMBUT-MBUT NYEN 22:12 - ALLAH NIHYET MEM TUNGWATU NYA

¹² Lene Allah pai bak Bileam “Ma abit yo dima ba, ambriom mben Israel au lewo dijoi sut yok.”

MBEN ISRAEL IMBUT-MBUT NYEN 22:12 ပူးပေါင်းရင်းမြစ်များ

NITRITI 12:2

Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

NIBOHON MBEN ISRAEL GI NICAN 31:10

leu api Azarya di Imam Nibou Ndig di ntun Zadok him pai “Leu nimbie him tirigi limwa nya ittei munkwas hagom kwei ei tuhan De Ig dini lene njita kin mun nindigsi kum eisi ba, mang bibor. tuhan njei mun di kei bak nide limwa nya lene gima bindei ba, nyeni nitug ndei njita niken binibet ei mem nyenti.”

MAZMUR 144:15

Mun dini yok hagom mibindei ba, mben dima ingon nggei-hi-nggei. Limwa di ide Allah ne tuhan rin cem mingon nggei-hi-nggei!

MAZMUR 146:5

No di ba ningon com Yakub de Allah binok nide tuhan Allah di mpu noni ne ningon nggei-hi-nggei.

YESAYA 61:9

Jide nintun him yamti di bram yam nya inyeng jeisi tibim bidem minu lene ei ngkiai di ikieng kep minu nisurti-nipekti ikieti cem. Dibindei ba, ide ningon nggei-hi-nggeisi mijo nibreisi mem yo di ingat yok bou igyai him yahagom.”

MIKHA 6:5

Ditde limwa jen, ma jiyok ngon kep notou Nibou Ndig Balak ei Moab kos dat mem gima bibon je kinei ba, notou Bileam di Beor nipmot buhup Balak nihyet cem. Ma jiyok ngon kep mun di pek kep mem je ei puig sinon tirigi jijo leu prak meng yati ei Sitim kikau ug ei prak meng yati ei Gilgal pima. Gino jiyok ngon kep mun dima yok hagom lene mijo nibreisi mem je bipia dibrim dingkek mem gima dimpu je.”

MBEN ISRAEL IMBUT-MBUT NYEN 22:11

keret gom di jo leu minu Mesir kwei yem mpia ei nide minu. Nibou ndig dima cuk dani bidimbriom yo dima leu binhyepo noni mihwen yok bijji yok leu nide minu dima.”

MBEN ISRAEL IMBUT-MBUT NYEN 22:13

Njap di hyep bu lene Bileam ug pai bak yo di Balak pinak yok kwei pima “Suar jingkwei hanyen hak ug lewo tuhan pai ser da bipia dibit je au.”

MBEN ISRAEL IMBUT-MBUT NYEN 22:6

Yo dima imangti nindig bibor dor njiriek nye. Gima rino ma akwei mbriom yok mem da. Apino yoni misindem bu bi leu api nyeni minihwen yok ba, nijji yahagom leu minu dini. Dikan tut bipia tirigi angat nadi tindei mun di kei mem tungwatu nya lene mun di kei pek kep mem yok. Tirigi ambriom tungwatu nya lene mun di kinei cut igkep yok bu.”

MBEN ISRAEL IMBUT-MBUT NYEN 23:23

Bikwop seig ut kin nung nya hagom sindem mem gima sigion mben Israel kan bi. Tungwatu nya misimbot dat tut yoni bipai ‘Jingat i! Allah bibon mun di mindur mem yok ninno tu.’

MBEN ISRAEL IMBUT-MBUT NYEN 23:3

Lene Bileam kuk Balak bipai binoni “Ma aya kui ade nimbar hum dok bibou duug tou kep gino tuhan joi sut da bindo ningon kanti bida ug e. Lene midikwei pai igbit ningon kanti hanyen bina. Gima rino Bileam nongkom kui kikau biya ei mbigdip.”

MBEN ISRAEL IMBUT-MBUT NYEN 23:8

Noro notou midimbriom yo di Allah mbriom yok bi dima i? Notou midikes hukum ei tungwatu nya dip gino tuhan kes hukum ei yok dip bibie bi i?

MBEN ISRAEL IMBUT-MBUT NYEN 24:9

Mben Israel dem kep nok mindhe singa nikre kin niwek di bong mai kep ninghuisi. Tou ribrim ningkek biwin noni i? Tungwa tou rino ngat nadi tindei mun di kei mem yok miyai mun di kei hanyen leu Allah. Tungwa tou rino mbriom yok mitug ndei nimbriomti hanyen leu Allah.”

MATIUS 27:19

Tirigi Pilatus gwam ser nide kintrorti di mbus tungwatu nya ingonti eisi lene nitnem sok nihyet kwei mem noni bipai “Ma apriet no di ningon ngun dima au. Lewo dingon hukti tut mun di dimumpriem tut Noni mem himmun di aponi.”

ROMA 11:29

Lewo Allah luei ningon tut yo di Noni dimig yok ei biyai gi kei biyok tu nya bi sren.

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.

NINDAT KEP TUHAN NICUKTI NYA 2:7

Ma jiyok ngon kep bipia jide tuhan Allah njei mun di kei bak jeni tut mun di jiyai nya ninyeng hagom tu. Tirigi jimbut-mbut wai ei iggum ndigsi di nyan bibor dini lene tuhan nyohou jeni kikau. tuhan ngkiem ser je kikau ei nijam ari bingwam ningot bitai dini ba, yai mun di jisuar nya hagom bije tu.

NINDAT KEP TUHAN NICUKTI NYA 23:5

Noro jide tuhan Allah ngig nitingou mem Bileam nihyet bi. Lewo Noni ngondut je lene ba mun di kei biluei nisigion jeti dima.

NINDAT KEP TUHAN NICUKTI NYA 28:6

tuhan minjei mun di kei bak jeni tug hon jide midyai di jibrim jingkek tut nya hagom.

NINDAT KEP TUHAN NICUKTI NYA 33:29

Je di mben Israel e, ma jingon llei bibor! tuhan teu je tu. Mben nindigsi ei dihyeisi dini hi noyam kin jeni bi. Lewo tuhan Nongkom rinok jide simeda kin jide mun di jibipukep ser tibor ninggwenti nya. Noni miya srak ko hagau je leu api jide siceu nya micut bije. Yoni mikwei kuk yok ei jimig him ba, miyahara ser je noro mijico kep yok bingwig hak ug.”

NINDAT KEP TUHAN NICUKTI NYA 7:14

Mijiyai mun di kei bibor nindig dor njiriek mben nindigsi nya ei dihyeisi dini hagom. Sop mben Israel hi mipijet bi ba, jide mindhe-ndhe niwek nya cem hi ya nau bi sren.