MBEN ISRAEL IMBUT-MBUT NYEN 21:33 - ALLAH NIHYET MEM TUNGWATU NYA

³³ Gima leu su lene mben Israel ikriek ba, igya kak puig di ug ndam Basan. Leu api Nibou Ndig Og leu Minu Basan njei sut nide siceu nya mem gima ihwen mben Israel ei minu ndig Edrei.

MBEN ISRAEL IMBUT-MBUT NYEN 21:33 ပူးပေါင်းရင်းမြစ်များ

MAZMUR 135:11

Nibou ndig dima yok rino Sihon di nok nibou ndig mem mben Amori kin Og di nok nibou ndig mem mben Basan kin nibou ndig minu Kanaan nya yahagom.

MAZMUR 136:20

Kin Og di nok nibou ndig mem mben Basan. Nide ningon ngakeisi jo ninghig-niker.

MAZMUR 22:12

Ma ambres Na ei minu ting leu da au. Lewo ditde siceu nya imbris nyahan bikwei dideu su noro hi mpu da bi.

MAZMUR 68:15

Mpe di Allah Di Sindem Bibor bindei ntek gimahap nibou ndig nya ei mpia dima ne Noni bindei ba, es cut kwei leu Nungug Salmon.

MAZMUR 68:22

Ningat ne Allah mico kep Nide siceu di ihwen bit Noni nya ibou binem-nnai. Yo dima ne yo di ibon kep sisar kikau ri.

YESAYA 33:9

Minu dima hagom nok iggum ndigsi kin ha ngunti. Baham tindurti ei Libanon hagom ngoi-nga tu. Tini bu ne mbang briep Saron di bon ninnumti nipou su rinok iggum ndigsi. Biei nya ei minu Basan kin Nungug Karmel hagom nimeng llet bingwig.

YEHEZKIEL 27:6

Iba biei ndig ngat di kwei leu minu Basan bibon ade puer nya. Iba buom Mios Siprus bibon ade ansana. Iba gajah nikwai nisra bimau ansan dima.

YEHEZKIEL 39:18

Suar igyem tentara di mimbri kui ingkek di ibrim ingkek nya ingut lene ibidut nibou di inyeng tak kep nya inggrom cem. Yo dima itug ndei nimai noyam kin kambir nikre kin kambir nipmot bat kin sapi nikre di pap-nap kei di ibui nok mikwau.

AMOS 4:1

Je di sop timiei minu Samaria e, jimiap kep dihyet! Jinoyam kin sapi Basan niwek di pap-nap kei! Jico kep yo di inghuisi jet bijipos ndiyok leu yo di yuhui mbum nya lene jicuk jijjep bat nya bitin ei pes di jidut kikep mem je cem!

MBEN ISRAEL IMBUT-MBUT NYEN 32:33

Leu api Musa kes Sihon di nibou ndig mben Amori de hanjop nsi kin Og di nibou ndig Basan de hanjop nsi bitut minu ndig nya kin dihyei di jo ttai nya titut yam bak keret Gad kin Ruben kin Manasye niken.

NINDAT KEP TUHAN NICUKTI NYA 1:4

Mun dini pek kep mem yok tirigi niabiati Musa hwen Sihon di nok nibou ndig mem mben Amori di ninyeng tak kep Hesybon lene bihwen Og di nok nibou ndig mem mben Basan di ninyeng tak kep Asytarot kin Edrei cem leu su.

NINDAT KEP TUHAN NICUKTI NYA 2:30

Noro Nibou Ndig Sihon ce tut mem imbut kak pui di bikwam nide minu hacan dima bi. Gima nok lewo jide tuhan Allah bindei ba, Sihon ningkek ndok. Ningon tindak cem leu binhyepo bon nituti mem nyeni ibindei timek noni. Lene nyeni ibrim nide minu bigyati kwei bipek ammani kep.

NINDAT KEP TUHAN NICUKTI NYA 29:7

Lene mpe di nyeni ikwei krau mpia dini lene Nibou Ndig Sihon leu Hesybon kin Nibou Ndig Og leu minu Basan injei siceu kwei bigya kep bihwen nyeni noro nyeni ibindei timek yok.

NINDAT KEP TUHAN NICUKTI NYA 32:14

Yoni idut sapi kin kambir do ngei nindig bibor ba, ide domba kin kambir kin sapi nya hagom pap-nap kei. Ide gandum kin ba anggur ningei hagom kei bibor kei.

NINDAT KEP TUHAN NICUKTI NYA 4:47

Yoni ibrim dihyei po Nibou Ndig Sihon de pima kin Nibou Ndig Og leu minu Basan de bigyati. Og dima ne mben Amori ide nibou ndig gom kin bu di bong ei Minyei Yordan nite bei mpia nipriti ri.

YOSUA 12:4

Nibou ndig hiter bu po mben Israel ibindei timek pima ne Nibou Ndig Og ei minu Basan. Minu ndig Asytarot kin Edrei ne nibousi mem Og ninyeng tak kepti ri. Nongkom ngat di niyai mohousi jo leu mben Refaim ri.

YOSUA 13:30

Keret Manasye nite hi ide dihyei hanjop nsi bon nibresti kikau bipek kin minu ndig Mahanaim bitut minu Basan titut yam po nibou ndig Og ninyeng tak kep pima ba, bitut minu mien ningot muhwindagom di Yair ninyeng tak kep ei minu Basan cem.

YOSUA 9:10

bitut mun di Noni bibon bak nibou ndig mben Amori cin di ibong ei Yordan nite bei mpia nipriti cem tu. Yo dima ne nibou ndig cin di Sihon di nok nibou ndig Hesybon kin Og di nok nibou ndig minu Basan di bong ei minu ndig Asytarot ri.