MBEN ISRAEL IMBUT-MBUT NYEN 21:21 - ALLAH NIHYET MEM TUNGWATU NYA

²¹ Leu api mben Israel isok ighyet bak Sihon di nibou ndig mben Amori bipai binoni,

MBEN ISRAEL IMBUT-MBUT NYEN 21:21 ပူးပေါင်းရင်းမြစ်များ

NIBOHON MBEN ISRAEL GI NIGOM 1:14

Kanaan ne pung di mben Yebusi kin mben Amori kin mben Girgasi, kin mben Hewi kin mben Arki kin mben Sini, kin mben Arwadi kin mben Semari kin mben Hamati nya intun him ri.

NEHEMIA 9:22

Asindem tut yok leu binhyepo ihwen ide siceu di mben ngkiai ei hanjop nsi di bikrop ttai ide minu jep nya. Icoi bigyai nibou ndig Sihon de minu ndig Hesybon kin nibou ndig Og de minu Basan bigyati.

MAZMUR 135:11

Nibou ndig dima yok rino Sihon di nok nibou ndig mem mben Amori kin Og di nok nibou ndig mem mben Basan kin nibou ndig minu Kanaan nya yahagom.

MAZMUR 136:19

Bitut Sihon di nok nibou ndig mem mben Amori. Nide ningon ngakeisi jo ninghig-niker.

YEREMIA 48:45

Nikinei-kinau nya ipri binang ba, yuug gwam coi Hesybon leu binhyepo ingwes ngun lo, hum sindi yem minu ndig dima bitut nibou ndig Sihon de ig nibou ndig cem. Hum dima cok tut minu Moab ninghas him kin nungug him ba, nikon kep pran cig dima yok itimieisi hagom sar bingwig tu.

MBEN ISRAEL IMBUT-MBUT NYEN 21:20

Leu api yuug krau mbang briep gom ei mben Moab itimieisi. Nipieti dima jo ei Nungug Pisga nimig ba, birok kik iggum ndigsi.

NINDAT KEP TUHAN NICUKTI NYA 1:4

Mun dini pek kep mem yok tirigi niabiati Musa hwen Sihon di nok nibou ndig mem mben Amori di ninyeng tak kep Hesybon lene bihwen Og di nok nibou ndig mem mben Basan di ninyeng tak kep Asytarot kin Edrei cem leu su.

NINDAT KEP TUHAN NICUKTI NYA 29:7

Lene mpe di nyeni ikwei krau mpia dini lene Nibou Ndig Sihon leu Hesybon kin Nibou Ndig Og leu minu Basan injei siceu kwei bigya kep bihwen nyeni noro nyeni ibindei timek yok.

YOSUA 12:1

Nipou Musa mai bigyo lene mben Israel ibindei timek nibou ndig ibou can di ide minu ndig nya jo Minyei Yordan nite bei mpia nipriti lene igya minu di ide nya bigyati tu. Minu di ibindei timek leu di igyai di igyati dima rino Mbang Briep Arnon lene kui bikak Mbang Briep Yordan kikau ba, nitingti ug ninno bipek kin Nungug Hermon nijjai.

YOSUA 2:10

Nimiap tut gi po tuhan bindei ba, Muk Lipig bon ninggati ei joho bei tirigi po jingwes ngun leu minu Mesir pima. Nimiap tut gi po jiyai nimai bak nibou ndig cin di mben Amori di inyeng Sihon kin Og pima ei Minyei Yordan nite dima ug bei mpia nipriti cem tu.

YOSUA 24:8

Lene dibuwak jeni kwei ei mben Amori ide minu di jo ei Minyei Yordan nite dima ug bei mpia nipriti. Yoni ihwen je noro dibindei ba, yahagom icut bije tu. Tirigi jiyai ide minu bijiyati lene dihwen yok bingwig ei joho bei sindam leu binhyepo jidigek kep ide minu.

NIJAM NIKEI NYA 10:11

Lene tuhan buhup “Nipou yo lene mben Mesir kin Amori kin Amon kin Filistin kin Sidon kin Amalek kin Maon inyeng tak kep je. Leu api jahara Da mem nijam dima leu binhyepo dimpu je. Ma jiyok ngon kep bipia diteu-teu nyen je leu inda nsi ba, jingwes ngun.