MBEN ISRAEL IMBUT-MBUT NYEN 20:21 - ALLAH NIHYET MEM TUNGWATU NYA

²¹ Noro mben Israel ikak puig hiter leu bikriau minu Edom lewo mben Edom iggai ser gima mben Israel ibikwam tunggwei ug ei ide minu dima.

MBEN ISRAEL IMBUT-MBUT NYEN 20:21 ပူးပေါင်းရင်းမြစ်များ

NIBOHON MBEN ISRAEL GI NICAN 20:10

Nogindini mben Amon kin Moab kin Edom yoni ibicom yam ba, itin ei mem gima ihwen nyeni ug ri. Tirigi nidigup bat-nidigai bat nya ikwei leu minu Mesir lene ace tut gima ihwen mben dima yok leu ba, igyai minu di ide bigyati bi. Gima rino nidigup bat-nidigai bat nya ikes yok bisir ide minu he. Lene igibindei sar mben Amon kin Moab kin Edom nya bi.

MBEN ISRAEL IMBUT-MBUT NYEN 21:23

Ipai bak nok noro Nibou Ndig Sihon ce tut bi. Lene noni nduk nide tentara nya keyam leu api injei ug ei Yahas di jo iggum ndigsi ba, ikon pran bit mben Israel ei sirima.

MBEN ISRAEL IMBUT-MBUT NYEN 21:4

Lene mben Israel ijo leu Nungug Hor ba, ikak simpak di mbut ndam Akaba ninging leu binhyepo ikriau hanjop minu Edom. Noro bit bon yoom ingon kak puig sinon kan bi.

NINDAT KEP TUHAN NICUKTI NYA 2:27

‘Ma asindui sut nye ba, nibikwam ug ei na di Andigpoi ade minu. Nimig mijo kep nimbut kikau ba, minikriek leu puig ndig dima bi.

NINDAT KEP TUHAN NICUKTI NYA 2:29

Nok gima kikau ba, nibisigon Minyei Yordan binuug dihip ei nite dima ug leu binhyepo nibicoi ug ei minu di tuhan yai bak nyeni. Esau de nintun him di bram yam nya ei minu Edom kin mben Moab di ibong ei minu ndig Ar cem igyai nituti binye ba, nibikwam tunggwei ug ei ide minu pima tu.’

NINDAT KEP TUHAN NICUKTI NYA 23:7

Ma jingwes om kep mben Edom au lewo yo dima ne jimbier kimti ri. Ma jingwes om kep mben Mesir cem au lewo nipou yo lene jibong ei ide minu tu.

NIJAM NIKEI NYA 11:17

Leu api isok ighyet bak nibou ndig mben Edom biyahara mem noni leu binhyepo gino noni ce tut lene ma mben Israel ibikwam binjiriek nide minu kwei ndam minu dini. Noro noni ce tut bi. Leu api yahara nibou ndig mben Moab cem bu noyam kin gi pima noro noni cem ce tut bi. Gima rino mben Israel ibong ei Kades.

NIJAM NIKEI NYA 11:18

Leu api ibinut nimbut bu ba, ikes yok kak iggum ndigsi lo, imbut bijiriek minu Edom kin Moab bi. Noro imbut ba, isir kikau biyuug krau minu Moab nite bei mpia nipriti ei Minyei Arnon nite dima ug. Lene yohok ide prak meng yati ei sirima noro igisigon minyei Arnon biyuug dihip ei nite dima ug bi. Lewo minyei dima ne minu niya kwas yamti mem minu Moab ninyeng tak kepti ri.

NIJAM NIKEI NYA 11:24

Leu api nogindini abingon ei mem gima abrim dihyei dima hanyen bu e? Suar jima dihyei di jide kwar Kamos yai bije bou je nok jide hak. Noro nyeni miniya ngkiem ser dihyei di nyende tuhan Allah yai binye tu.