MBEN ISRAEL IMBUT-MBUT NYEN 20:11 - ALLAH NIHYET MEM TUNGWATU NYA

¹¹ Lene noni su tom bibui bor ngug mbican apino minyei ba nimig di sindem bibor srek bibiam kwei mem tungwatu nya kin mindhe-ndhe yahagom bidut.

MBEN ISRAEL IMBUT-MBUT NYEN 20:11 ပူးပေါင်းရင်းမြစ်များ

NIBOHON MBEN ISRAEL GI NIGOM 15:13

Nipou yo tirigi tungwatu nya ittei brua pima lene jiya tut nye ei mpia ttou nsi dima bijittei bi. Apino ide tuhan Allah kes hukum ei nyeni dip lewo ikuk nye bak Noni dem igbit ningon kanti bi.”

NIBOHON MBEN ISRAEL GI NIGOM 15:2

Lene noni tri tut “Yo di intun keret Lewi him he rima ittei tuhan De Brua Gi Preu dima lewo tuhan Allah dimig yok ei habiei mem midyai dima ba, igyai midyai mem Noni nok Nide awak di ingon gom bijo ninno bijo kikau.”

MAZMUR 105:41

Noni bindei ba, bor ki leu minyei di biam sindem nok minyei pmem ei iggum ndigsi.

MAZMUR 114:8

ei tuhan di bindei po bor ngug nok minyei ut lene nungug tig nok minyei bousi pima Noho bei cem.

MAZMUR 74:15

Abindei ba, minyei bousi kin minyei nda nya biam lo, minyei pmem pingge hanyen.

MAZMUR 78:15

Noni ki nungug tig ei iggum ndigsi bibon minyei nindig bibor biyok bidut.

MAZMUR 78:16

Noni bindei hei minyei leu hak ndig leu api minyei biam binok minyei pmem mem yok.

MAZMUR 78:20

Ningat ne Noni bui nungug tig bibindei ba, minyei biam sindem bibor mem nye tu lo, dem mem gima Noni tin ei roti biyai mikwau cem bak Nide limwa di nyeni e?”

NEHEI LEUSI 17:6

Mbigom midiya ei bor ngug dip ei aho bei ei Nungug Sinai nikiou ei jikwei leusi. Tirigi juug krau tig dima lene abui tig apino minyei su di kei mem jidut mibiam kwei leu tig ninsi leu binhyepo mben Israel yahagom midut bindei yok.” Lene Musa yai hagom bit leu nok tuhan nicuk noti bou nibou mben Israel igyai him.

YESAYA 43:19

Ma jitindei ser mun di nijep-jau di midibon nya. Mun dini sindi pek kep mem je lo, jingat bou jiyai him bi e? Lewo miditin puig ei mpia nintiti bidibindei ba, minyei nya mibiam ei iggum ndigsi cem.

YESAYA 48:21

Mpe di po Noni bie tut yok ug ei iggum ndigsi di ngak-cai lene imai inggobiau bi. tuhan ki nungug tig ba, bindei biam minyei su leu nungug tig dima mem yok.

HOSEA 13:5

Tirigi jimbut-mbut nyen ei bigum ndigsi di bon bigum brei di kinei bibor lene dinyohou je.

IMAM NYA IDE MIDYAI 10:1

Mpe di gom bu lene Harun nipmot bat cin Nadab Abihu nya igyai ide srier hum bikes hum mbom eisi. Lene ibigimahap biei nggrai di ui-gwang kei eisi bimbut tut ug ei tuhan Noho bei. Noro hum dima ne hum di map kuisi rin ba, igyai mun njiriek tuhan nicuk yokti.

MBEN ISRAEL IMBUT-MBUT NYEN 20:8

“Aug yai tom di jiyok ei Brua Gi Preu noho pima kwei leu api Harun jeni jinduk mben Israel yahagom kwei. Lene ma apai bak bor ngug gom di jo dima bou yahagom igyai him leu binhyepo dibindei ba, minyei biam kwei leu ninggreti. Tug hon nisinati dima lene ma abindei ba, minyei mibiam kwei leu bor ngug dima mem tungwatu nya kin mindhe-ndhe nya yahagom idut bindei yok.”

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

KORINTUS GI NIGOM 10:4

lene idut kep ndia ngei di mindur di Allah pai tes mem yok cem noyam. Idut leu minyei bousi di hei kwei leu tig mindur di abia kep yok ba, tig dima ne Kristus Nonti ri.

NINDAT KEP TUHAN NICUKTI NYA 8:15

Lene Noni buwak je ug ei iggum ndigsi di nindig bibor ba, kinei bibor cem ba, mpia dima nok wou piet kin amai nggre nghousi. Lene Noni bindei dino minyei biam leu bor ngug mem je tirigi jingat rin ei iggum ndigsi po bon ningak-caisi pima.

YAKOBUS 1:20

No di ningon sibui sut tungwatu nya dem mem bon mun di kei bi ba, pwoi Allah ningon bi.

NIJAM NIKEI NYA 15:19

Lene Allah bindei ba, minyei bousi gom biam kwei leu hak mihyeti ei Lehi. Lene noni dut minyei biyai nisindemti hi kin bu. Gima rino tungwatu nya ijem minyei bousi dima ninyeng Minyei Bousi Hakor ba, minyei dima biam kikau kwei bipek ammani kep.

SAMUEL GI NIGOM 15:19

Nggon rino na di Andigpoi abit nicuk nati dima bi i? Nggon rino abrim angkek dino ayai ide ndigban nya ba, abibindei Allah ningon pus tut na drek dip ayai munti dima i?”

SAMUEL GI NIGOM 15:24

Lene Saul buhup “Jo nibreisi bipia dibon sisar tu. Dibit Allah nicuk dati kin ade nipingok dati nya bi. Dittin tut ditde limwa nya bidisindui sut yoni igyai mun bit leu ingon kanti.