MBEN ISRAEL IMBUT-MBUT NYEN 19:20 - ALLAH NIHYET MEM TUNGWATU NYA

²⁰ Tungwa tou rino map kui noti lo, bon midut nibindei kwes nonti bi lene map kui noti kikau yo. Lewo hiter ba minyei midut pima biprok noni bi. Tug hon nisinati dima noni bindei ba, map kui tuhan De Prak Meng nsi apino noni nggre kin Ditde limwa nya bu bi.

MBEN ISRAEL IMBUT-MBUT NYEN 19:20 ပူးပေါင်းရင်းမြစ်များ

NITRITI 17:14

Bikwop pinai tou rino yai nibon midut sunat bi lene noni minok Ditde limwa bu bi lewo noni krau kep gi preu dima bi.”

NEHEI LEUSI 30:33

Tungwa tou rino bibon mini di noyam kin mini dini ba, ttin ampou tut bikiber ei no di imam bi nibou nggram him lene no dima minok Ditde limwa bu bi sren.”

IMAM NYA IDE MIDYAI 15:31

tuhan cuk Musa bisok kep mben Israel leu binhyepo igyok ngon kep nijam di map kui yokti kin nijam di map kui yokti bi. Leu binhyepo ibindei ba, map kui tuhan De Prak Meng di jo hacan ei ide prak meng yati dima bi. Gino ibindei ba, map kui tuhan De Prak Meng niyati dima lene yoni mitug ndei nimai drek dip.

IMAM NYA IDE MIDYAI 17:16

Gino noni bit nicukti dima bi lene suar biang niyai munti dima nibuhunti.

IMAM NYA IDE MIDYAI 22:4

Harin dima jigom di ntun Harun him di bras mbrei yem kin no di nggwen nikei bisi di bindei hei nuom dima yem munkwas di kwes a. Nok bibou nindigsi nya isimbot dat bipia no dima pwoi hanyen ug e. Gino noni ngget nimai ngut ba, nide minyei hei kwei cem lene map kui noti drek dip.

MBEN ISRAEL IMBUT-MBUT NYEN 15:30

Noro gino limwa mben Israel gom kin ngkiai pima gom ibon sisar kin gi ibisinggre lene no dima ningwes pri gau tuhan. Suar jikes hukum nimai ei no dima dip hak ug.

MBEN ISRAEL IMBUT-MBUT NYEN 19:13

Tungwa tou rino ngget nimai ngut lo, piap nonti bi lene map kui noni kikau lewo ba minyei midut biprok nonti bigyo. Tug hon nisinati dima lene noni bindei ba, map kui tuhan De Prak Meng nsi apino noni nggre kin Ditde limwa nya bu bi.

MBEN ISRAEL IMBUT-MBUT NYEN 9:13

Noro tut no di map kui no bi kin no di ningat rin ei puig sinon cem bi lo, nghen bibon midut Njap Ndig Paskah dini bi lene dibibon no dima nok no di nggre kin Ditde limwa nya bu bi. Lewo noni kwas mun hi mem nibon midut Njap Ndig Paskah dima bikuk no bak Dani dem igbit tto bou pima bi. Suar no dima biang nide sisar nibuhunti.

MARKUS 16:16

Yo iba ingon com Noni bi mitug ndei hukum. Noro yo di iba ingon com Noni di itur yok ei minyeiti migyai niteu leu sisarti kin niyaijo nijep.

PETRUS GI NICAN 3:14

Gima rino disut bat di dingon kieti jen, tirigi sisip jibet jingon mem Njap dima nittausi lene ma jimbres jenti leu sisar kin mun di kinei di sigi ser jingonti nya hagom ei Allah niyai him leu binhyepo jingon kwes kin Noni.

NINGAT-HI-NGAT NYA 22:11

Nnaba yo di isibut nya ibon kep mun di kinei kikau. Nnaba yo di irom-rau nya ibon kep mun di mpiei kikau. Noro yo di ibit Allah ningon kanti nya igyai igbit ningon kanti dima kikau ba, yo di ingon kwes kei nya inyohou ingon di kwes kei dima kikau.”