MBEN ISRAEL IMBUT-MBUT NYEN 19:13 - ALLAH NIHYET MEM TUNGWATU NYA

¹³ Tungwa tou rino ngget nimai ngut lo, piap nonti bi lene map kui noni kikau lewo ba minyei midut biprok nonti bigyo. Tug hon nisinati dima lene noni bindei ba, map kui tuhan De Prak Meng nsi apino noni nggre kin Ditde limwa nya bu bi.

MBEN ISRAEL IMBUT-MBUT NYEN 19:13 ပူးပေါင်းရင်းမြစ်များ

NEHEI LEUSI 30:33

Tungwa tou rino bibon mini di noyam kin mini dini ba, ttin ampou tut bikiber ei no di imam bi nibou nggram him lene no dima minok Ditde limwa bu bi sren.”

NIPINGOK NINGONTI 14:32

Yo di isibut igyai munti di kinei nya bindei ba, isar noro yo di ingon kwes kei nya igwam coi ide ningon srenti.

YEHEZKIEL 44:26

Tirigi noni pwoi hanyen leu ningget ingutti tu lene ma gwam mem njap muhwindacan ug e.

IMAM NYA IDE MIDYAI 15:31

tuhan cuk Musa bisok kep mben Israel leu binhyepo igyok ngon kep nijam di map kui yokti kin nijam di map kui yokti bi. Leu binhyepo ibindei ba, map kui tuhan De Prak Meng di jo hacan ei ide prak meng yati dima bi. Gino ibindei ba, map kui tuhan De Prak Meng niyati dima lene yoni mitug ndei nimai drek dip.

IMAM NYA IDE MIDYAI 20:3

No di bui nimunggwom bindig kep hum bikuk no bak Molokh dima bindei ba, map kui Ditde Prak Mengti. Ba, no dima binim kep dinyeng di dia-diau kei cem. Midikes hukum ei noni dip ba, midibibon noni nok no di nggre kin Ditde limwa nya bu bi.

IMAM NYA IDE MIDYAI 22:3

Gino jigom di ntun Harun him di map kui noti dideu mun di kwes di mben Israel ibikuk yok bak Dani lene harin dima no dima yai midyai nok imam ei nimbar hum dokti bu a. Nicukti dima bijo ninno bijo kikau. Dani ne tuhan ri.

IMAM NYA IDE MIDYAI 22:4

Harin dima jigom di ntun Harun him di bras mbrei yem kin no di nggwen nikei bisi di bindei hei nuom dima yem munkwas di kwes a. Nok bibou nindigsi nya isimbot dat bipia no dima pwoi hanyen ug e. Gino noni ngget nimai ngut ba, nide minyei hei kwei cem lene map kui noti drek dip.

IMAM NYA IDE MIDYAI 5:17

Tungwa tou rino pigau tuhan nicuk yokti nya lo, bon sisar kin gi bisinggre bi lene bit bon ningwes ngun kan bi.

IMAM NYA IDE MIDYAI 5:3

Gino tungwagom bisinggre bingget hiter de mun di map kuisi bi lo, hammi tirigi noni kan tut mun di noni yai dima lene map dima kui noniti ba, ningon mui.

IMAM NYA IDE MIDYAI 5:6

Lene ma noni jem domba e, he kambir niwek e, ningut gom kwei bak tuhan biluei sisar dima. Lene suar imam bon midut nibiyai nikos ser sisarti leu binhyepo tuhan mikos ser no dima nide sisar.

IMAM NYA IDE MIDYAI 7:20

Gino no di map kuisi yem mikwau dima lene noni minok Allah de limwa bu bi.

IMAM NYA IDE MIDYAI 7:21

Tungwa tou rino yem mikwau dima niabiati noni ngget mun di map kuisi nok mun di kwei leu tungwatu nya kin mun di kwei leu mindhe cem lene no dima minok Allah de limwa bu bi.

MBEN ISRAEL IMBUT-MBUT NYEN 15:30

Noro gino limwa mben Israel gom kin ngkiai pima gom ibon sisar kin gi ibisinggre lene no dima ningwes pri gau tuhan. Suar jikes hukum nimai ei no dima dip hak ug.

MBEN ISRAEL IMBUT-MBUT NYEN 19:14

Gino tungwagom mai ei jide prak meng nsi gom lene tungwa tou rino ningat rin ei prak meng nsi dima kin tungwa tou rino coi ug ei prak meng nsi dima lene map kuisi kikau ei njap muhwindacan.

MBEN ISRAEL IMBUT-MBUT NYEN 19:18

Gi nigom tut gino tungwa hi mai ei prak meng nsi lene suar hiter di nipuig kwes ug yai biei hisop pima nintam gom lene tur ei minyei dimati ba, bigimahap prak meng dima bitut mun nyeng hagom di joti kin tungwatu nya di ingat rin ei sirima cem. Gi nican tut gino tungwa hi ngget nimai ngut kin jui dip kin nimai njum nya lene suar hiter di nipuig kwes ba minyei bigimahap yok noyam kin gi pima cem.

MBEN ISRAEL IMBUT-MBUT NYEN 19:19

Suar hiter pima bigimahap yok ei njap gi niningai kin njap gi nimuhwindacan. Nibon midut nibindei pwoi yo di map kui yokti pima ngwig ei njap gi nimuhwindacan. Suar yo dima itot ide sinsun bikek minyeiti. Hon mpia nicutti lene ipwoi hanyen tu.

MBEN ISRAEL IMBUT-MBUT NYEN 19:20

Tungwa tou rino map kui noti lo, bon midut nibindei kwes nonti bi lene map kui noti kikau yo. Lewo hiter ba minyei midut pima biprok noni bi. Tug hon nisinati dima noni bindei ba, map kui tuhan De Prak Meng nsi apino noni nggre kin Ditde limwa nya bu bi.

MBEN ISRAEL IMBUT-MBUT NYEN 19:9

Leu api suar tungwagom di nipuig kwes ug kam sapi dima ningum keyam ba, kes ei mpia di kwes ei prak meng yati nisai. Noni mibet sapi dima ningum ei leu binhyepo limwa mben Israel iba ningum dima bitin ei minyei mem nibon midut nibiyai nikos ser sisarti.

MBEN ISRAEL IMBUT-MBUT NYEN 8:7

tug hon nisinati dini. Ma aba minyei bigimahap yoni mem nibon midut nibindei ningon kwes. Lene acuk yok ba, ikak ingkek dip titut yam bitot ide sinsun nya cem. Tug hon nisinati dima lene yoni mipwoi-pwau.

MBEN ISRAEL IMBUT-MBUT NYEN 9:13

Noro tut no di map kui no bi kin no di ningat rin ei puig sinon cem bi lo, nghen bibon midut Njap Ndig Paskah dini bi lene dibibon no dima nok no di nggre kin Ditde limwa nya bu bi. Lewo noni kwas mun hi mem nibon midut Njap Ndig Paskah dima bikuk no bak Dani dem igbit tto bou pima bi. Suar no dima biang nide sisar nibuhunti.

YOHANES 8:24

Gima ripo dipai bije bipia mijimai ei jide sisarti. Gino jingon jo kep bipia Dani ne No di ninyeng DANI DINGAT RIN bi ne mijimai ei jide sisarti.”

IBRANI 10:29

Gi nok ne notou mem no di co kep Munggwom Tungwatu Nipmot i? Notou mem no di bimangkrei ninggrom di tug hon Allah de gi preu nijep di piap noni leu sisar i? Notou mem no di nihyet wer mpiahi tut Allah Ninnei di singat tut nye i? Ayo! No dima mitug ndei hukum nindig bibor dor njiriek bu.

IBRANI 9:10

Mun dima yok hagom bindo tut mun di pror yon nok njita di igyem kin ndia ngei di idut kin nidimig sutti tut nipiap nindati kin nipiap njitati cem. Nidimig sutti dima yok hagom mbut kikau bi noro mipror yon mpe dino Allah bindei mun nyeng hagom nijep bu.

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”

NINGAT-HI-NGAT NYA 22:11

Nnaba yo di isibut nya ibon kep mun di kinei kikau. Nnaba yo di irom-rau nya ibon kep mun di mpiei kikau. Noro yo di ibit Allah ningon kanti nya igyai igbit ningon kanti dima kikau ba, yo di ingon kwes kei nya inyohou ingon di kwes kei dima kikau.”

NINGAT-HI-NGAT NYA 22:15

Noro yo di irom ndok kin yo di inda dut kin yo di icut tut yam kin yo di ihwen mun kin yo di ikuk yok bak kwar nya kin niris kep mun cig nya yahagom ingat rin ei minu ndig nisai.