MBEN ISRAEL IMBUT-MBUT NYEN 18:8 - ALLAH NIHYET MEM TUNGWATU NYA

⁸ Lene tuhan pai bak Harun “Ma ayok ngon kep bipia munkwas di ade limwa nya ittei kwei mem ibikuk yok pijum bak Dani di indig ei nimbar hum dokti bi ne hagom ade kin ade nintun him yamti di bram yam nya ide ri. Mijima munkwas nite dima bou je bijo ninno bijo kikau bit leu dikos tutti.

MBEN ISRAEL IMBUT-MBUT NYEN 18:8 ပူးပေါင်းရင်းမြစ်များ

NIBOU NDIG NYA GI NICAN 12:16

Noro imam nya icom mitiei di itug ndei leu nibon midut nibikum Allah de ningwam kin nibon midut nibiyai nikos ser sisarti cem ei brua pimati bi. Lewo imam nya yongkom itug ndei mitiei dima mem yonti.

NIBOHON MBEN ISRAEL GI NICAN 31:4

Ter leu gima lene nibou ndig cuk timiei minu ndig Yerusalem nya ba, ittei munkwas di ikos tut nya bak imam kin Lewi nya bigyai biyok leu binhyepo iba yoho rok midyai di igyai ei tuhan De Ig bit leu nok tuhan De niggai serti pai sut nya.

NIBOHON MBEN ISRAEL GI NICAN 31:5

Tirigi itri nibou ndig nicukti dima tut yam lene mben Israel ittei ningat gi nimbie him di igyai leu ide miaisi binok ide munkwas ba, yuug sut ug ei tuhan De Ig. Ningat gi nimbie him di igyai leu miaisi dima rino tepun kin ba anggur ngei kin mini zaitun kin ahwei lon bitut ningat hiter di igyai leu miaisi nya cem. Lene ikus ide ndigban di jo bak yoni gom leu ningot gom lene nok bikwas tut Lewi nya nok mun di bimpu yok.

NEHEI LEUSI 28:43

Suar Harun kin nide nintun him yamti di bram yam nya ijuk sinsun bopen dini mpe dino icoi ug ei Ditde Prak Meng nsi kin mpe dino igya kui nimbar hum dok bigyai kep midyai nok imam di micoi ug ei Ditde Ninsi Di Kwes-Kwau cem. Nok ser nhyepo itug ndei nimai drek dip immai joti di jo brei ei tungwatu igyai him bi.”

NEHEI LEUSI 29:21

Lene ayai ninggrom di jo ei nimbar hum dokti poi mien kin mini nibon midut poi mien leu api abiprok Harun kin nipmot bat nya bitut ide sinsun cem. Ma adimig Harun kin nipmot bat nya bitut ide sinsun hagom ei mem Da tug hon nisinati dima.

NEHEI LEUSI 29:28

Gini ne mun di dikos tut rin ba, bit bon hi srep tut kan bi. Tirigi Ditde limwa nya ikwei kwas mindhe tut Da mem nibon midut nibiyai ningon kwes kin Allahti lene imam nya ibet ningget kin nindimuhum ei mem yonti igyem kep.

NEHEI LEUSI 29:29

Mpe dino Harun mai su lene nipmot bat nya iba yokep nide sinsun imam pima leu binhyepo ijuk ei yokti tirigi ata yok nok imam nijep bu.

NEHEI LEUSI 40:13

Lene ajuk sinsun imam pima hagom ei Harunti leu api akiber mini nibon midut ei nibou nggram him leu binhyepo abidimig noni ei mem gima yai kep midyai nok imam mem Da.

NEHEI LEUSI 40:15

Lene akiber mini nibon midut ei ibou nggram him bit leu nok akiber ei icig nibou nggram him pima leu binhyepo igyai kep midyai nok imam mem Da. Tug hon nibon midut dima lene yoni migyai inyeng imam bijo ninno bijo kikau.”

YESAYA 10:27

Mpe dima lene miditeu je leu mben Asyur ide nico kep jeti leu api inyeng tak kep je bu bi.”

IMAM NYA IDE MIDYAI 21:10

Jita Imam Nibou Ndig tug hon nibon midut nisiber mini midut ei nibouti kin nibon midut niba sinsun Imam Nibou Ndig bijuk noti. Gima rino ma noni sindui sut nibou bisinsiou ba, rik nide sinsun nok bindo tut gi gwam ei ningon di nggukti au.

IMAM NYA IDE MIDYAI 23:20

Lene ma imam gom kon roti kin domba ningut can bijo nai nok mun di bon ninyeng mem Da. Lene ma jipigig ser gima yok hagom ei nok mun di dia-diau mem imam nya yongkom igyem kep.

IMAM NYA IDE MIDYAI 6:16

Lene niken mijo mem Harun kin nipmot bat nya bigyem kep. Suar yoni ikang roti di roti ninjep srigsi bi dini bigyem ei mpia ttou nsi gom di kwes-kwau kui Ditde Prak Meng nuhui.

IMAM NYA IDE MIDYAI 6:18

Roti dini mem Harun kin pinai di intun noni him di bram yam nya yongkom he igyem kep lewo ima roti di tungwatu igyai bak tuhan dini bijo ninno bijo kikau. Tungwa tou rino ngget roti nibon midut nibiyai nikos ser sisarti dini mitug midut drek dip lewo roti dini nikwes-kwausi sindem bibor.

IMAM NYA IDE MIDYAI 6:20

tut gino ita no di ntun Harun him nok imam. Ma no dima yai tepun kilo gom bak tuhan mem njap dino ita noni nok imam. Suar noni ba tepun nite hi bibon midut mem njap bigyokti lene ba niken bibon midut mem mmunti.

IMAM NYA IDE MIDYAI 6:26

Lene ma imam di bon midut dini yem kep mikwau leu mindhe dima ei mpia ttou nsi gom di kwes-kwau kui tuhan De Prak Meng nuhui.

IMAM NYA IDE MIDYAI 7:14

Suar noni kwas roti ninyeng ningai dini ndrim hi tut tuhan. Roti dini mem imam di ba mindhe nggrom biprok nimbar hum dok nitta bitaisi.

IMAM NYA IDE MIDYAI 7:28

Lene tuhan sok nihyet ei Musa dip,

IMAM NYA IDE MIDYAI 7:6

Dice tut gima imam nide bat di pinai nya yahagom igyem kep mikwau di kwes-kwau bibor dini.

IMAM NYA IDE MIDYAI 8:30

Lene noni yai mini nibon midut poi kin mindhe nggrom dijo ei nimbar hum dokti poi leu api ug biprok Harun kin nipmot bat nya ingat kin ide sinsun nibon midut di ijuk cem. Tug hon nisinati dima lene noni dimig yoni ingat kin ide sinsun cem ei mem tuhan.

MBEN ISRAEL IMBUT-MBUT NYEN 18:9

Munkwas di kwes-kwau nya mem nibon midut njita nibipai sigyo bak Allahti kin nibon midut nibiyai nikos ser sisarti kin nibon midut nibikum tuhan de ningwam cem di indig ei nimbar hum dokti bi pima lene nani kin apmot bat nya jima bou je nok jide.

MBEN ISRAEL IMBUT-MBUT NYEN 5:9

Lene imam di ya hacan mem no dima nongkom ma mitiei nigo nibuhupti dima bou no nok nide. Gima ne nicukti tut mun di mben Israel ikwas pijum ei di ter leu nibon midut niyai kepti nya ri.

KORINTUS GI NIGOM 9:13

Jikan tut bipia timiei Tuhan De Ig itug ndei njita leu midut di ibon ei Ig dima bi e? Yo di ibui mikwau bibam ei nimbar hum dokti nya cem itug ndei ndrim hi leu mikwau di ibui bibam bi e?

NINDAT KEP TUHAN NICUKTI NYA 12:11

tuhan di nok jide Allah mindo minu ttou nsi gom ngat lene ma jikuk je biNoni ei sirima. Lene ma jittei mun di dicuk je tut hagom ei sirima. Nok mindhe-ndhe di jindig kep hum ei nimbar hum dokti kin mindhe-ndhe mem nibon midut nindigsi nya kin mun di jikwas gom leu ningot gom lene nok kin mun nindigsi di jikwas tut Noni kin mun di jipreu ei mem Noni nipou su nya hagom.

NINDAT KEP TUHAN NICUKTI NYA 12:6

Ma jibui mindhe-ndhe nya bijindig kep hum ei nimbar hum dokti. Ma jibui mindhe-ndhe nya tug hon nibon midut nindigsi nya leu api ma jikwas gom leu ningot gom, gom leu ningot gom lene nok. Ma jikwas mitiei nindigsi kin mun di jipreu ei mem tuhan nipou su kin jide mun di jihyen kep nya nipmot bou nya tut tuhan ei minu ttou nsi gom ngat dima he.

NINDAT KEP TUHAN NICUKTI NYA 18:1

“Yahak midyai imam ei Keret Lewi yahagom indati. Gima rino igyai dihyei hanjop nsi hi ei minu Israel mem yonti bi a. Noro ma yoni igyem kep mun di keret nindigsi ittei mem ibikuk yok bak tuhan bitut mikwau di ibui bibam ei nimbar hum dokti bak tuhan cem.

NINDAT KEP TUHAN NICUKTI NYA 26:13

lene ma jipai brei bak tuhan di nok jide Allah ‘Nyende njita gom leu ningot gom, gom leu ningot gom lene nok hagom ngwig leu ig bei tu lewo nikwas hagom tut yo di intun Lewi him kin ngkiai nya kin moibihi nya kin kibom nya yahagom bit leu nok acuk nyeti pima tu. Niyai mun tunggwei ba, ningon prion ser Ade nicuk nyeti nya tut njita di suar nikwas tut yok bi.

IBRANI 1:9

Angat angwes ei yo di ingon sren nyati noro angon mpo tut yo di isibut nya. Gima rino Tuhan di nok Ade Allah dimig Na leu binhyepo bindei ba, ayai ningon llei biborti tug hon anyeng di jei dor njiriek asut bat nya.”

YOHANES GI NIGOM 2:20

Noro jiyai Allah Ninnei di Yesus Kristus kes nyahan ei jingonti tu gima rino jahagom jingon dorti tut nihyet di nijit.

YOHANES GI NIGOM 2:27

Noro tut jenti ne Kristus kes Allah Ninnei nyahan ei jingonti tu ba, jisuar hiter mem gima pingok jingonti tut mun nyeng hi kin bi. Allah Ninnei ne nijit rin bipingok jingonti tut mun nyeng hagom. Nibicumti srig Nide nipingokti dima bi sren. Gima rino ma jibit Allah Ninnei nipingok jeti ba, jiyaijo nok gom kin Kristus.