MBEN ISRAEL IMBUT-MBUT NYEN 18:7 - ALLAH NIHYET MEM TUNGWATU NYA

⁷ Noro nani kin apmot bat nya he rima jiyai jibou tut imam de midyai ba, gima ne midyai nyeng hagom di bitut nimbar hum dok kin ndigban ei Ninsi Di Kwes-Kwau cem ri. Gima ne ade midyai di ayai abou tut nya rin lewo dita nani leu binhyepo ayai anyeng imam. Ma asindui sut ba, yo di idem mem igyai midyai dima bi nya idideu ndigban di kwes-kwau dima yok au. Leu gi nok lene midikes hukum nimai ei yok dip.”

MBEN ISRAEL IMBUT-MBUT NYEN 18:7 ပူးပေါင်းရင်းမြစ်များ

MAZMUR 115:10

Je di tuhan de imam nya e, ma jiba jingon com Noni lewo Noni mpu je biya srak ko hagau je.

NEHEI LEUSI 28:1

Lene Allah pai bak Musa “Ma ahig akindig Harun kin nipmot bat Nadab kin Abihu kin Eleazar kin Itamar nya kwei. Lene adimig yok bijo ter leu binhyepo igyai kep midyai nok imam mem Da.

NEHEI LEUSI 29:9

Lene ikri kep intig bou leu api ittin ide topi. Ma ata Harun kin nipmot bat nya tug hon nisinati dima. Suar yoni kin ide nintun him yamti di bram yam nya igyai midyai nok imam bijo ninno bijo kikau.

YEHEZKIEL 44:15

tuhan Di Ninyeng Jei Bibor pai “Mpe di mben Israel ikes Da ei lene imam di intun Zadok him iba ingon gom bita ibou ei niyai midyai mem Dani kikau ei Ditde Ig. Gima rino nogindini suar yoni rima ikwei ya ei Doho bei mem gima ittei mindhe di ibui nimmau di ndok bindig ei nimbar hum dokti lene iba ninggrom bigimahap nimbar hum dok ba, ibibon midut mem Da.

YEHEZKIEL 44:16

Yongkom he rino icoi kwei ei Ditde Ig bigyai midyai mem Da ei Ditde nimbar hum dok bibie tut yo di ikuk yok biDa ei Ditde Ig a.

YEHEZKIEL 44:8

Yongkom he rino ibon kep midut di kwes-kwau nya ei Ditde Ig bi noro isindui sut ba, ngkiai nya rino ibon kep midut dima yok a.

IMAM NYA IDE MIDYAI 16:2

“Ma acuk akindig di Harun bipia coi ug ei Ninsi Di Kwes-Kwau di jo sinsun mbrawin nite dima kwei dem igbit tto bou di dipreu ei mem noni tu he. Lewo dindo Danti tug hon bumbuhui di nggai kep ser Da ei nai Brua Gi Preu nibeng dip ei sirima. Leu gino noni bit gi dicuk nati dini bi lene noni mimai drek dip.

IMAM NYA IDE MIDYAI 7:35

Ninghui dini kwei leu mindhe di ibui bindig kep hum mem tuhan ei njap dino ata Harun kin nipmot bat nya nok imam.

MBEN ISRAEL IMBUT-MBUT NYEN 1:51

Gino jipri leu mpia ttou nsi gom lene suar pinai di intun keret Lewi him dima rima ilet Ditde Prak Meng. Leu api bikwop mpe di juug hok prak meng hanyen ei mpia ttou nsi gi nijep bu lene yoni rima yohok hanyen a. Ter leu yoni lene tungwa tou rino dideu Prak Meng dima lene mitug ndei hukum nimai drek dip.

MBEN ISRAEL IMBUT-MBUT NYEN 16:40

Gima ne ngkimom-tembaga nibiyok ngon kep di bisok kep mben Israel ri. Yo di intun Harun him yongkom dem mem gima indig biei nggrai di ui-gwang kei mem tuhan lene hiter dem mem gima bi. Tungwa di njiriek nicukti dima lene misar noyam kin Korah kin yo di itti kin noni. Lene mben Israel ibit leu nok tuhan nicuk Eleazarti tug hon Musa.

MBEN ISRAEL IMBUT-MBUT NYEN 18:20

Lene tuhan pai hanyen bu bak Harun “Atug ndei mun nyeng hi nok mun ninda rom bi. Midipek dihyei hanjop nsi gom ei minu di dipreu kep mben Israel tut dima gom bak nani cem bi. Da di tuhan di nok ade mun ninda rom ri.”

MBEN ISRAEL IMBUT-MBUT NYEN 18:3

Suar keret Lewi yuusap nani tut midyai ba, igyai ibou tut midyai di inyeng joti nya ei Ditde De Prak Meng nsi. Noro harin dima idideu nimbar hum dok ba, ingget ndigban di kwes-kwau ei Ninsi di Kwes cem a. Gino itunggwei sut nicukti dima lene yoni kin nani cem mijitug ndei hukum nimai hak ug.

MBEN ISRAEL IMBUT-MBUT NYEN 3:10

Noro suar ata Harun kin nipmot bat nya mem gima ibindei mbut midyai di imam nya ide. Ter leu yoni lene tungwa tou rino bingon biyai midyai dima mitug ndei hukum nimai drek dip.”

MBEN ISRAEL IMBUT-MBUT NYEN 3:38

Lene suar Musa kin Harun bitut ipmot bat nya yohok ide prak meng ei mben Israel ide prak meng yati hammi tuhan De Prak Meng nuhui nite bei mpia nipriti. Yoni yahati tut midyai di bitut nibon midut nikuk yok bak tuhan nyati mem mben Israel ei Ninsi Di Kwes. Ter leu yoni lene tungwa tou rino bingon biyai midyai dima mitug ndei hukum nimai drek dip.

MATIUS 10:8

Ma jibindei ba, yo di inggwen ikei hanyen lene jiwin yo di imai nya bikiju hanyen leu imai eisi. Ma jibindei ba, yo di bras yem yok igyai ingkek ngun eisi hanyen ba, jijji ninnei rom nya leu tungwatu nya ingonti. Diyai nisindemti dini bije mikuisi hak bijipek bi. Gima rino ma jibindei ba, tungwatu nya ikei hanyen mikuisi hak ba, ibirop hanyen bije au.

YOHANES 3:27

Yohanes buhup “Gino Allah sindui sut bi lene bit bon mun nyeng hi pek kep mem tungwatu nya kan bi.

EFESUS 3:8

Allah de limwa nindigsi nya yahagom inyeng jei dor njiriek da lewo dibon dinyeng bi. Mbro nok gima lo, Allah ba ningon com da tut midyai di bon ninyeng. Midyai dima ne midyai nitri tut Nihyet Di Kei tut mun di bitut Kristus di bon nibok di bit bon ug hon nohonti kan bi bak ngkiai nya.

NINDAT KEP TUHAN NICUKTI NYA 18:2

Harin dima yoni ima dihyei hanjop nsi noyam kin keret nindigsi nya a. Lewo tuhan Nonti ne ide mun ninda rom rin bit leu gi Noni preu ei mem yok nipou su.

IBRANI 5:4

Tungwa hi ta nonti nok imam nibou ndig bi. Noro Allah Nonti dimig no dima bita noni nok imam nibou ndig bit leu nok Noni ta Harun nipou su.

YOSUA 18:7

Keret Lewi he rino itug ndei dihyei hanjop nsi hi bit je bi a. Lewo ide ndi itug ndei ndia rino igyai midyai nok imam nya mem tuhan. Lene tut keret Ruben kin Gad kin Manasye nite hi ne itug ndei ide dihyei hanjop nsi ei Minyei Yordan nite bei mpia nipriti tu. tuhan de awak di Musa yai dihyei dima biyok.”

PETRUS GI NIGOM 5:2

Ma jinyohou domba nya di Allah kes bije. Ma jiba ningon di llei sut midyai dima binyohou yok bit leu Allah ningon kanti mem je. Ma jiba jikou binyohou yok au. Ma jiba jingon di pri kep mun di ibirop hanyen bije binyohou yok au. Noro ma jiba jijoi sutti binyohou yok.

PETRUS GI NIGOM 5:3

Ma jibon jenti tereu nok nibou ndig nya ba, jinyeng tak kep domba di Allah kes bije au. Noro ma jindo jide niyai munti di kei bibor bak yoni nok bindo.

SAMUEL GI NIGOM 2:28

Didimig nide keret leu keret mben Israel nindigsi nya hagom ei leu binhyepo igyai kep midyai nok imam mem Da ba, igya kui nimbar hum dok ba, indig kep biei nggrai di ui-gwang kei ba, ijuk sinsun efod gi bindo tut dingon kanti cem. Lene disindui sut yok bigyai mikwau ninghui ninggriet gom leu bikwop mindhe di tungwatu nya ijem kwei mem nibon midut nindig kep hum ei nimbar hum dokti hagom.