MBEN ISRAEL IMBUT-MBUT NYEN 18:30 - ALLAH NIHYET MEM TUNGWATU NYA
30 Tirigi jikwas nite hi di kei bibor kei dima tu lene nikenti jo mem jenti noyam kin no di yai miai di kwas munkwas leu api ma niken di jo bou no nok nide.
Lene Yakub ce bipai “Nna ba gino puig hiter hi bi lene ma jipwoi ndigban di kei bibor kei leu minu dini nok biei ngat kismis kin ahwei lon kin biei ngat di ninghap ui-gwang kei kin biei ngat kemiri kin badam cem ba, juug sut bijinjei bak nibou mben Mesir.
Tirigi ikwei krau gumihyep di tungwatu nya ibui gandum ngan eisi ei Goren-Haatad ei Yordan nyai nite dima ug lene ipim kui jei sut nimai. Lene Yusuf bon midut ningon ngguk ei mpia dima kikau mem mmun-njap muhwindacan.
Bikwop mpe dino jibon midut nita imam nijepti lene jidimig domba nikre di jibui mem nita imam nijepti dima ningget kin nindimuhum nok mun di bon ninyeng ei mem Da. Lene jibet mikwau dima ei mem jenti bijiyem kep.
Gino jibui mindhe di niyai tu kin gi nggwen kin gi lit cem mem Da lene jikan bipia jibon mun tunggwei sut dingon kanti bi e? Gino jibingon niyai mindhe dima bak nibou ndig lene ningon mikei sut je e, he ba ningon di nggriu biyai je e, he notou i?”
Ma jiyem nikenti dima bit jide ig bei nsi nya ei mpia di jijoi sutti ba, gima nok jimuhup di jitug ndei tug hon midyai di jiyai ei tuhan De Prak Meng nsi ri.
Noro ma jibrim jingkek mem nikuk je bak Allah di ninyeng tak kep jeti ba, jiyai igbit ningon kanti nipou ug e. Leu api Noni miyai mun di nindigsi pima hagom bije.