MBEN ISRAEL IMBUT-MBUT NYEN 18:23 - ALLAH NIHYET MEM TUNGWATU NYA

²³ Hon njap di ammani kui lene Lewi nya he rima inyohou dimig Ditde Prak Meng ba, igyai ibou tut midyai di inyeng joti nya hagom. Nicukti dini mbut mem ade nintun him di bram yam nya bijo ninno bijo kikau. Mun nyeng hi ei minu Israel nok Lewi nya ide mun ninda rom bi,

MBEN ISRAEL IMBUT-MBUT NYEN 18:23 ပူးပေါင်းရင်းမြစ်များ

NEHEI LEUSI 27:21

Ma Harun kin nipmot bat nya itin mini njeng dima mem mmunti binjeng kikau ug bipek njap bigyoti ei Prak Meng di dittau kep je eisi. Ma ikes mini njeng nidihim dima bijo bei ban mbrawin nisai ba, Brua Gi Preu cem jo ei sirima ei ban mbrawin nite dima kwei. Suar mben Israel kin ide nintun him yamti di bram yam nya yahagom igyai bit leu nok dicuk nati dini bijo ninno bijo kikau.”

YEHEZKIEL 44:10

tuhan pai bida, “Midikes hukum ei yo di intun Lewi him di ikes Da ei leu ba, ikuk yok bak kwar nya bit mben Israel nindigsi nya.

MBEN ISRAEL IMBUT-MBUT NYEN 18:1

Lene tuhan pai bak Harun “Tut niyai tunggweisi hagom di pek kep tug hon midyai nya ei tuhan De Prak Meng nsi lene suar na di Harun kin apmot bat nya kin Lewi nya jibiang nibuhunti sur yam. Noro gino imam nya igyai midyai tunggwei lene nanti kin apmot bat nya he mijibiang nibuhunti.

MBEN ISRAEL IMBUT-MBUT NYEN 18:20

Lene tuhan pai hanyen bu bak Harun “Atug ndei mun nyeng hi nok mun ninda rom bi. Midipek dihyei hanjop nsi gom ei minu di dipreu kep mben Israel tut dima gom bak nani cem bi. Da di tuhan di nok ade mun ninda rom ri.”

MBEN ISRAEL IMBUT-MBUT NYEN 19:21

Nicukti dini jo ninghig-niker ei siri. Suar no di ba minyei midut pima bigimahap yok dima cem piap nide sinsun a. Lene no di ngget minyei dima ne map kuisi kikau bipek mpia nicutti kep.

MBEN ISRAEL IMBUT-MBUT NYEN 26:62

Pinai nya di intun keret Lewi him di ide njap ug ei ari bingwam gom bikui imangti ibou sribu ningot can ningai. Ipas kep inyeng bijo ter leu mben Israel nindigsi nya lewo yoni ima dihyei ninda rom hi bou yok nok ide ei mben Israel ide minu bi.

MBEN ISRAEL IMBUT-MBUT NYEN 3:7

Suar iba midyai di igyai ei Ditde Prak Meng nsi bahati tut Harun kin imam nindigsi bitut mben Israel yahagom cem.

MBEN ISRAEL IMBUT-MBUT NYEN 35:29

Nicukti dima yok bijo ninno bijo kikau mem jeni kin jide nintun him yamti di bram yam nya cem ei mpia ttou nsi di jibong ser nya hagom.

NINDAT KEP TUHAN NICUKTI NYA 10:9

Gima rino keret Lewi iba yokep dihyei hanjop nsi dem kep nok keret nindigsi iba yokep ei minu dima bi. Lewo yongkom he rino itug ndei nituti mem igyai midyai pijum nok imam mem tuhan bit leu nok tuhan di nok jide Allah preu ei mem yok tu.)

YOSUA 13:14

Lene keret Lewi igitug ndei dihyei hanjop nsi hi leu Musa bi. Lewo tuhan pai bak Musa nipou su bipia Lewi ide mun di itug ndei nya ne mikwau di indig ei nimbar hum dokti nya di mben Israel ibikuk yok bak tuhan Allah Israel ri.