MBEN ISRAEL IMBUT-MBUT NYEN 18:19 - ALLAH NIHYET MEM TUNGWATU NYA

¹⁹ Munkwas di mben Israel ittei di ikwas pijum tut Dani hagom diyai bak nani kin apmot bat-apmisop bat nya. Nicukti dima mbut mem jeni bijo ninno bijo kikau ba, bit bon hi nggek tut cem bi ba, noyam kin gi preu di ngot kep Dani kin nani kin ade nintun him di bram yamti nya.”

MBEN ISRAEL IMBUT-MBUT NYEN 18:19 ပူးပေါင်းရင်းမြစ်များ

NIBOU NDIG NYA GI NICAN 12:16

Noro imam nya icom mitiei di itug ndei leu nibon midut nibikum Allah de ningwam kin nibon midut nibiyai nikos ser sisarti cem ei brua pimati bi. Lewo imam nya yongkom itug ndei mitiei dima mem yonti.

NIBOHON MBEN ISRAEL GI NICAN 13:5

jikan tut bipia tuhan Allah mem mben Israel ngot kep Nide gi preu bit Daud ba, Daud kin nide nintun him yamti di bram yam nya mporo inyeng mitak kep mben Israel bijo ninno bijo kikau o! Gi preu dima ne tuhan tiba kan bi sren o!

NIBOHON MBEN ISRAEL GI NICAN 31:4

Ter leu gima lene nibou ndig cuk timiei minu ndig Yerusalem nya ba, ittei munkwas di ikos tut nya bak imam kin Lewi nya bigyai biyok leu binhyepo iba yoho rok midyai di igyai ei tuhan De Ig bit leu nok tuhan De niggai serti pai sut nya.

NEHEI LEUSI 29:27

Bikwop mpe dino jibon midut nita imam nijepti lene jidimig domba nikre di jibui mem nita imam nijepti dima ningget kin nindimuhum nok mun di bon ninyeng ei mem Da. Lene jibet mikwau dima ei mem jenti bijiyem kep.

YEHEZKIEL 43:24

leu api ajem kwei biDa. Suar imam nya iba nsim bahap mindhe cin dima leu api indig hacem titut yam ei nimbar hum dokti bak Dani.

IMAM NYA IDE MIDYAI 2:13

Suar inden nsim ba, igimahap bidem ei roti ninyeng hagom di ibikuk yok bak dip lewo nsim rinok mun di bindo tut mun po tuhan preu ei mem yok pima. Suar inden nsim ba, igimahap bidem ei mun nyeng di ibikuk yok bak hagom.

IMAM NYA IDE MIDYAI 21:22

Noro disindui sut ba, noni yem kep njita di leu nibon midut njita nibipai sigyo bak Allahti di kwes kin njita gi nitin eisi di kwes-kwau cem.

IMAM NYA IDE MIDYAI 7:14

Suar noni kwas roti ninyeng ningai dini ndrim hi tut tuhan. Roti dini mem imam di ba mindhe nggrom biprok nimbar hum dok nitta bitaisi.

MBEN ISRAEL IMBUT-MBUT NYEN 18:11

Munkwas nindigsi di ter leu gi pima di mben Israel ibikuk yok bak Dani hagom ne jide ri. Diyai gima bak nani kin apmot bat-apmisop bat nya. Nicukti dima jo kep bijo ninno bijo kikau. Noro disindui sut ba, bikwop ade bat nya di map kui yok bi cem igyem kep.

MBEN ISRAEL IMBUT-MBUT NYEN 18:8

Lene tuhan pai bak Harun “Ma ayok ngon kep bipia munkwas di ade limwa nya ittei kwei mem ibikuk yok pijum bak Dani di indig ei nimbar hum dokti bi ne hagom ade kin ade nintun him yamti di bram yam nya ide ri. Mijima munkwas nite dima bou je bijo ninno bijo kikau bit leu dikos tutti.

MBEN ISRAEL IMBUT-MBUT NYEN 31:29

Ayai gima hagom bak Imam Eleazar tereu nok munkwas di jikwas pijum ei tut Da di tuhan.

MBEN ISRAEL IMBUT-MBUT NYEN 31:41

Leu api Musa kes tentara ide munkwas pijum ei dima bak Imam Eleazar tereu nok ibikuk yok bak tuhan bit leu nok tuhan nicuk noti.

NINDAT KEP TUHAN NICUKTI NYA 12:26

Ma jittei mun di jipigig sut ei kin mun di jikwas tut tuhan di jipreu ei mem Noni ba, juug sut ug ei minu ttou nsi gom ngat di Noni ndo ei su.

NINDAT KEP TUHAN NICUKTI NYA 12:6

Ma jibui mindhe-ndhe nya bijindig kep hum ei nimbar hum dokti. Ma jibui mindhe-ndhe nya tug hon nibon midut nindigsi nya leu api ma jikwas gom leu ningot gom, gom leu ningot gom lene nok. Ma jikwas mitiei nindigsi kin mun di jipreu ei mem tuhan nipou su kin jide mun di jihyen kep nya nipmot bou nya tut tuhan ei minu ttou nsi gom ngat dima he.