MBEN ISRAEL IMBUT-MBUT NYEN 18:12 - ALLAH NIHYET MEM TUNGWATU NYA

¹² Diyai ningat di kei bibor di mben Israel ipuk nimbie him ngat di ittei mem ibikuk yok bak Dani bikwop ari bingwam hagom bina. Nok mini zaitun kin ba anggur ngei kin gandum ngan.

MBEN ISRAEL IMBUT-MBUT NYEN 18:12 ပူးပေါင်းရင်းမြစ်များ

NITRITI 27:28

Nna ba Allah bindei ba, nggou cut kwei leu mpia-bbed him mem na cem ade miai ngwoisi nya minnum kei cem! Nna ba Noni bindei ba, ade njita ngan di andim ngat ningat nindig bibor lene ade ba anggur ningat bon ningei nindig bibor!

NIBOU NDIG NYA GI NICAN 4:42

Mpe di gom bu lene pinai gom jo leu Baal-Salisa bittei gandum ningat di sindi ikos leu miaisi kin roti nindak nyatungwagom di iba gandum ngat di ikos nimbie him ngat ei ari bingwam dima bikwei yai bak Elisa. Lene Elisa cuk nide awak bikwas roti nindak dima hagom tut nabi dima yok.

NIBOHON MBEN ISRAEL GI NICAN 31:5

Tirigi itri nibou ndig nicukti dima tut yam lene mben Israel ittei ningat gi nimbie him di igyai leu ide miaisi binok ide munkwas ba, yuug sut ug ei tuhan De Ig. Ningat gi nimbie him di igyai leu miaisi dima rino tepun kin ba anggur ngei kin mini zaitun kin ahwei lon bitut ningat hiter di igyai leu miaisi nya cem. Lene ikus ide ndigban di jo bak yoni gom leu ningot gom lene nok bikwas tut Lewi nya nok mun di bimpu yok.

MAZMUR 147:14

Noni nyohou ade minu niya kwas yamti leu binhyepo jibong kei jigwam kei kikau lene bindei ba, ade ig gudan mpung tut gandum nitu di kei bibor.

MAZMUR 81:16

Midihwen yo di ingon koi kep Da bidibindei ba, icut biDa. Midikes hukum bijo ninno bijo kikau ei yok dip.

NEHEI LEUSI 22:29

Ma jikwas jide gandum ngan kin ba anggur ngat kin mini zaitun ngei ndrim hi tut Da dem igbit ttou boua. Ma jidimig jipmot mighumbou nya ei mem Dani.

NEHEI LEUSI 23:19

Ma jikon gandum ningat ndrim hi ei Ditde ig mbusyameisi bikwop ari bingwam hagom. Lewo Dani ne tuhan ba, dinok jide Allah ri. Gino jikwen domba pmot ninghui e, he kambir pmot ninghui e, lene jiba nipmem nido ngei bikwen ei yeng gomti au.”

NEHEI LEUSI 34:26

Suar jikon gandum ngan ndrim hi ei Ditde Ig nsi bikwop ari bingwam hagom. Lewo Dani ne tuhan bidinok jide Allah ri. Gino jikwen domba kin kambir pmot ninghui lene jiba nipmem nido ngei bikwen ei yeng gomti au.”

YEHEZKIEL 44:30

Suar imam nya itug ndei bibikwop ningat hagom di kei bibor kei di limwa nya igyai nimbie him ngat kwei leu miaisi nya bitut mun nyeng hagom di ikwas tut Da. Bikwop mpe di mben Israel ikang roti ne suar ikwas roti nindak di ibon nimbie him ngat tut imam nya. Tug hon nisinati dima lene midinjei mun di kei bak mben Israel ide ig bei nsi nya.

IMAM NYA IDE MIDYAI 2:12

Tirigi njita sindi ngat ningat lene suar iba njita dima ndrim hi bikuk yok bak tuhan. Noro ma indig njita dima kep hum ei nimbar hum dokti au.

IMAM NYA IDE MIDYAI 2:14

Tirigi iba gandum di sindi ngat ningat ndrim hi bibikuk yok bak tuhan lene ma ittei gandum di yoho ei hukti bindung kin gi ikang ei komforti cem.

IMAM NYA IDE MIDYAI 23:17

Lene ma bikwop ig ceu gom-gom kon roti nindak can kwei bijo nai ei Doho bei nok mun di bon ninyeng mem Da. Ma iba tepun kilo can di roti ninjep srigsi binon roti nindak gom lene nok. Gini ne mun di ikwas leu ide gandum nintam di ike bibie tut Da di tuhan ri.

IMAM NYA IDE MIDYAI 23:20

Lene ma imam gom kon roti kin domba ningut can bijo nai nok mun di bon ninyeng mem Da. Lene ma jipigig ser gima yok hagom ei nok mun di dia-diau mem imam nya yongkom igyem kep.

NINDAT KEP TUHAN NICUKTI NYA 18:3

Tirigino tungwagom jem sapi kin domba mem gima imam nya ibui bibam ei nimbar hum dokti bibikuk no bak tuhan lene suar imam nya itug ndei mindhe dima nindimuhum nghui bei noho kin niji kin ninghop nok ide mikwau dima igyem ri.

NINDAT KEP TUHAN NICUKTI NYA 18:4

Nok gima cem ma itug ndei ningat nimbie him leu gandum kin ba anggur ngei kin mini zaitun kin domba nta cem nok ide ri.

NINDAT KEP TUHAN NICUKTI NYA 26:2

lene ma bikwop tungwagom-gom yai njita ninyeng gom-gom di sindi ngat ningat ndrim hi bijikes ei bansiti lene jimbut tut ug ei minu ttou nsi gom ngat po jikuk je bak tuhan di nok jide Allah eisi pima.

NINDAT KEP TUHAN NICUKTI NYA 32:14

Yoni idut sapi kin kambir do ngei nindig bibor ba, ide domba kin kambir kin sapi nya hagom pap-nap kei. Ide gandum kin ba anggur ningei hagom kei bibor kei.