Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MBEN ISRAEL IMBUT-MBUT NYEN 18:10 - ALLAH NIHYET MEM TUNGWATU NYA

10 Ma jibibon munkwas dima kwes mem jeni ba, jiyem ei mpia di kwes cem. Noro ma pinai nya he rima igyem kep a.

အခန်းကိုကြည့်ပါ။ ကော်ပီ




MBEN ISRAEL IMBUT-MBUT NYEN 18:10
13 ပူးပေါင်းရင်းမြစ်များ  

Lene no dima pai bida, “Ig cin dima kwes-kwau. Imam nya di igya ei tuhan Noho bei he rima icoi ug eisi bigyem kep mindhe di ibui ninghui di kwes bindig ei nimbar hum dokti bak tuhan. Ba, ikes mun di ibibon midut njita nibipai sigyo bak Allahti kin midut nibiyai nikos ser sisarti kin midut nibikum Allah de ningwamti hagom bak tuhan di kwes-kwau nya ei sirima.


Ma jiyem roti dima tirigi jiya kui mpia ttou nsi di kwes-kwau. Roti dima kwei leu nibon midut njita nibipai sigyo bak Allahti. Ma nani kin apmot bat nya jengkom jima roti dima bit leu nok tuhan nicuk dati.


“Nggon rino jiyem mikwau leu nibon midut nibiyai nikos ser sisarti pima ei mpia ttou nsi di kwes-kwau bi i? Lewo mikwau dima kwes-kwau bibor. tuhan sok nihyet tut nibon midut dima bak je di mben Israel leu binhyepo jahagom jibiyai nibikos ser jide sisar.


Lene ma imam dima bui domba pima ei mpia ttou nsi di kwes di ibui mindhe mem nibon midut nibiyai nikos ser sisarti kin nibon midut nindig mindhe titut kep humti eisi. Suar noni yai nok gima lewo mindhe di mem nibon midut nibikum Allah de ningwam kwes-kwau bibor noyam kin mindhe mem nibon midut nibiyai nikos ser sisarti pima lene ninghui mijo mem imam nya igyem.


Noro disindui sut ba, noni yem kep njita di leu nibon midut njita nibipai sigyo bak Allahti di kwes kin njita gi nitin eisi di kwes-kwau cem.


Lene niken mijo mem Harun kin nipmot bat nya bigyem kep. Suar yoni ikang roti di roti ninjep srigsi bi dini bigyem ei mpia ttou nsi gom di kwes-kwau kui Ditde Prak Meng nuhui.


Roti dini mem Harun kin pinai di intun noni him di bram yam nya yongkom he igyem kep lewo ima roti di tungwatu igyai bak tuhan dini bijo ninno bijo kikau. Tungwa tou rino ngget roti nibon midut nibiyai nikos ser sisarti dini mitug midut drek dip lewo roti dini nikwes-kwausi sindem bibor.


Lene ma imam di bon midut dini yem kep mikwau leu mindhe dima ei mpia ttou nsi gom di kwes-kwau kui tuhan De Prak Meng nuhui.


tuhan sindui sut imam nya ide bat di pinai nya yahagom igyem kep mikwau di kwes-kwau bibor dini.


Dice tut gima imam nide bat di pinai nya yahagom igyem kep mikwau di kwes-kwau bibor dini.


Munkwas nindigsi di ter leu gi pima di mben Israel ibikuk yok bak Dani hagom ne jide ri. Diyai gima bak nani kin apmot bat-apmisop bat nya. Nicukti dima jo kep bijo ninno bijo kikau. Noro disindui sut ba, bikwop ade bat nya di map kui yok bi cem igyem kep.


Munkwas di kwes-kwau nya mem nibon midut njita nibipai sigyo bak Allahti kin nibon midut nibiyai nikos ser sisarti kin nibon midut nibikum tuhan de ningwam cem di indig ei nimbar hum dokti bi pima lene nani kin apmot bat nya jima bou je nok jide.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ