MBEN ISRAEL IMBUT-MBUT NYEN 16:5 - ALLAH NIHYET MEM TUNGWATU NYA

⁵ Leu api pai bak Korah kin yo di igya kui noni “Njap di hyep bu mem mpia tekti api tuhan mindo igbit Nide imam di ninyeng tak kep pijum. tuhan misindui sut imam di Noni ndo ei su dima nongkom ya dideu Noni ei bei nimbar hum dok.

MBEN ISRAEL IMBUT-MBUT NYEN 16:5 ပူးပေါင်းရင်းမြစ်များ

MAZMUR 105:26

Noni pinak Nide awak di Musa kin Harun di Noni dimig yok ei su nya.

MAZMUR 115:10

Je di tuhan de imam nya e, ma jiba jingon com Noni lewo Noni mpu je biya srak ko hagau je.

MAZMUR 65:4

Ditde sisar nya buhun tak da noro akos ser hagom tu.

NEHEI LEUSI 28:1

Lene Allah pai bak Musa “Ma ahig akindig Harun kin nipmot bat Nadab kin Abihu kin Eleazar kin Itamar nya kwei. Lene adimig yok bijo ter leu binhyepo igyai kep midyai nok imam mem Da.

NEHEI LEUSI 28:41

Ajuk sinsun dini yok hagom ei akindig Harun kin nipmot bat nyati. Lene ata yok ba, adimig yok ei cem tug hon gima anden ampou tut mini zaitun ei yok dip leu binhyepo igyai midyai mem Da nok imam nya.

NEHEI LEUSI 28:43

Suar Harun kin nide nintun him yamti di bram yam nya ijuk sinsun bopen dini mpe dino icoi ug ei Ditde Prak Meng nsi kin mpe dino igya kui nimbar hum dok bigyai kep midyai nok imam di micoi ug ei Ditde Ninsi Di Kwes-Kwau cem. Nok ser nhyepo itug ndei nimai drek dip immai joti di jo brei ei tungwatu igyai him bi.”

YEREMIA 30:21

Nibou ndig di ninyeng tak kep je nimbier mikim je di mben Israel hanyen ba, nibou ndig di ninyeng jei mem je mikiju leu jenti jikieti. Gino dihig noni kwei lene mun nyeng hi mibigen ser noni tut gima son dideu Da bi. Lewo tou rino brim ningkek bikwei ngat Da gino dihig noni kwei bi i? Mpe dima lene jinok Ditde limwa nya bidinok jide Allah. Da di tuhan disimbot dat tu.”

YEREMIA 49:19

Midikwei ba, dibindei mben Edom binang kros leu itimieisi dima noyam kin singa di hei kwei leu baham tindurti ei Minyei Yordan nyai ba, kwei ndam minta nidumti di domba nya igyem kep minta eisi. Leu api mididimig nibou gom mem gima bie tut mben dima. Tou rima ibinai kin Dani i? Tou rima mimbri kui ningkek bibon munhyet bit Dani i? Nibou hi di sindem mem gima hwen bit Dani nonaha e?

YEREMIA 50:44

Da di tuhan midikwei bindei mben Babel binang leu ide minu ndig di ibong eisi nya kros hak ba, dinoyam kin singa di hei leu baham tigotti di jo dideu Minyei Yordan ba, kwei ndam minta nidumti di domba nya igyem kep minta eisi. Leu api mididimig nibou ndig gom ei mem gima ninyeng tak kep mben dima. Tou rima ibinai kin Dani i? Tou rima brim ningkek mem gima ba mbrap bit Dani i? Apo nibou hi di hwen bit Da ningat rinaha e?

YEHEZKIEL 40:46

Ba, ig jibei di ikiek dimbou hui ndam bei mpia nijjai dima mem imam nya di igyai midyai kui nimbar hum dokti. Suar imam dima yok yahagom leu yo di intun Zadok him. Lewo Lewi ne pung di Zadok ntun him rin ba, yo dima he rima igya ei tuhan Noho bei mem gima ibiyai midyai nibikuk yok bak Noni.

YEHEZKIEL 43:19

Imam po intun Lewi him di intun Zadok ninsi de nya him he rima ikwei ya ei Doho bei mem gima ibon midut. Da di tuhan Di Dinyeng Jei Bibor rino ditri tut nihyet dima. Ayai sapi nikre di nehen pap ningut gom bak yo dini mem midut nibiyai nikos ser sisarti.

YEHEZKIEL 45:4

Dihyei dima kwes kei ba, itin ei mem imam nya di igyai midyai nibie tut yo di ikuk yok biDa ei tuhan De Ig. Dihyei dima nittou nsi poi minok mpia di imam nya iwin ide ig ei niti. Lene nittou nsi poi bu mem Tuhan De Ig a.

IMAM NYA IDE MIDYAI 10:3

Lene Musa pai bak Harun “Mun di cut igkep yo dima bit leu nok gi po tuhan sok kep nye tut tirigi po Noni pai bipia suar yo di igyai kep Nide midyai ikuk yok bak Nide nikwes-kwausi. Noni mindo Nide nikei-kau-keisi bak Nide limwa nya yahagom pima.” Pai nok noro Harun kum nuhui kep bibuhup bi.

IMAM NYA IDE MIDYAI 8:2

“Ma ahig Harun kin nipmot bat nya kwei. Lene ma ikon ide sinsun nibon midut kin bansi di roti dwoi bi joti cem kwei. Lene ma ijem sapi nikre di nehen pap ningut gom kwei mem nibon midut nibiyai nikos ser sisarti. Lene ma ijem domba nikre ningut can kwei bu ba, ijem hagom biyuug sut bigya kui dimbou ei Ditde Prak Meng nuhuigya.

MALEAKHI 3:18

Ditde limwa nya mingat bou igyai him bipia mun di pek kep mem no di ningon kwes kei kin mun di cut igkep no di mbuk ter leu yam. Mun di pek kep mem no di kuk no biDa kin mun di cut igkep no di kuk no biDa bi ter leu yam.”

MBEN ISRAEL IMBUT-MBUT NYEN 16:3

Lene yahagom yuug ngat Musa kin Harun bipai biyok “Musa e, cobi! Ayai hon tiri! tuhan ninyeng tak kep limwa mben Israel yahagom pijum ba, Noni ningat rin ei nyeni yahagom ikieti. Noro nggon rino ayai anyeng jei dor njiriek tuhan de limwa nindigsi nya i?”

MBEN ISRAEL IMBUT-MBUT NYEN 16:6

Korah e, suar nani kin yo di igya kui nani jahagom juug yai jide srier di mem hum mbom ba,

MBEN ISRAEL IMBUT-MBUT NYEN 17:5

Ba, no di nide tom nibiop tug ne no di didimig ei su ri. Tug hon nisinati dima lene midibicut mben Israel ide nilua sok nyen tut nati.”

MBEN ISRAEL IMBUT-MBUT NYEN 17:8

Njapti kui tirigi Musa coi ug ei tuhan De Prak Meng nsi lene ngat lo, Harun de tom di nok tom keret Lewi pima nibiop tug su ba, nimar ntun him ba, bibon nitou bingat biei ngat ketapang di nggwop tu cem!

YOHANES 15:16

Jidimig Dani bi noro didimig jeni bidicuk je leu binhyepo juug ngat ningat mang bibor ba, ningat dima ne ningat di bit bon pror yon kan bi. Gino jahara Dicig tut mun nyeng hi tug hon dinyeng lene Noni mibirop hanyen bije.

KISAH 1:2

kikau ug bipek njap di Allah kon Noni ug ei gwamti hanyen. Noro nipou tirigi Noni ug ei gwamti bigyo lene Noni pingok yo di igya kui Noni di mbus yok ei su nya ingonti tug hon nisindemti leu Allah Ninnei.

KISAH 1:24

Lene ingat nadi bipai “Tuhan e, akan bidem tut mun di jo ei tungwatu yahagom ingonti. Gima rino ando igbit tungwagom leu ibou can dini igom di adimig ei su,

KISAH 13:2

Mpe di gom tirigi ikuk yok bak Tuhan bigyem njita bi mem nituti poi lene Allah Ninnei pai biyok “Ma jidimig Barnabas kin Saulus ei mem Da leu binhyepo igyai midyai di dikos tut ei mem yok tu.”

KISAH 15:7

Iba ighyet bidahat yam ninno tu lene Petrus kiju biya lene pai biyok “Disut bat jen, jikan tut bipia Allah dimig da leu jikieti nipou su leu binhyepo ditri tut Nihyet Di Kei bak ngkiai nya apino yoni cem imiap nihyet ba, ingon jo kep Yesus.

KISAH 22:14

Noni pai bida ‘Ide pung di intun him nya ide Allah dimig na leu binhyepo akan tut Nonti ningon kanti ba, angat Yesus di Allah de Awak di pwoi Allah ningon dima bou ayai him lene amiap Yesus nihyet tirigi Noni mbrap pijum bit na cem.

EFESUS 2:13

Nipou ne jingat rin ei minu ting leu Allah noro tini bu ne Kristus nimai ei biei salibti bindei ba, jidideu Allah tug hon gi jinok gom kin Kristus Yesus tu.

2 TIMOTIUS GI NICAN 2:19

Noro cou nipmem di Allah ta ei su dima nddong kei ba, bit bon tungwatu nya ikit-kit nyen kan bi. Srat bokti di jo ei cou nipmem dima dip pai “Tuhan kan igbit Nide limwa nya.” Ba, hi kin bu pai “Ma tungwa tou rino pai sut nonti bipia noni ne Allah de limwa rin mbres nonti leu mun di kinei hagom.”

IBRANI 12:14

Ma jita jibou ei ningon kwes kin tungwatu yahagomti kin jide niyaijo kwes-kwausi kin Tuhanti. Leu gino tungwatu nya ikwes-kwau bi ne bit bon ingat Tuhan bou igyai him kan bi.

NINGAT-HI-NGAT NYA 1:6

bibindei ba, inok imam nya di inggre kin ninyeng tak kepti gom bit Noni bigyai midyai mem Nide Allah kin Nicig cem. Yesus Kristus Nongkom kei-kau-kei ba, sindem bibor cem kikau buug hon nohonti bi! Igbit ri.

SAMUEL GI NIGOM 2:28

Didimig nide keret leu keret mben Israel nindigsi nya hagom ei leu binhyepo igyai kep midyai nok imam mem Da ba, igya kui nimbar hum dok ba, indig kep biei nggrai di ui-gwang kei ba, ijuk sinsun efod gi bindo tut dingon kanti cem. Lene disindui sut yok bigyai mikwau ninghui ninggriet gom leu bikwop mindhe di tungwatu nya ijem kwei mem nibon midut nindig kep hum ei nimbar hum dokti hagom.