MBEN ISRAEL IMBUT-MBUT NYEN 16:46 - ALLAH NIHYET MEM TUNGWATU NYA

⁴⁶ leu api Musa pai bak Harun “Ayai ade srier di mem hum mbom ba, aket hum mbom leu nimbar hum dokti ei niti lene akes biei nggrai di ui-gwang kei ei nidip a. Ma abipbur ba, aug ei limwa nya ikieti lene aba hum mbom dima bibon midut nibiyai nikos ser sisarti gau yoni. Abrim amig hak ug! Lewo tuhan nigga biborti cig-cai tu ba, nsuwer ajar cem sindi hwen yok.”

MBEN ISRAEL IMBUT-MBUT NYEN 16:46 ပူးပေါင်းရင်းမြစ်များ

NIBOHON MBEN ISRAEL GI NIGOM 27:24

Yoab di Zeruya nipmot kinyon ei nikwop mben Israel inyengti pima noro kwop inyeng biput bi lewo Allah kes hukum ei mben Israel dip drek dip nikwop inyengti pima. Gima rino imangti di ikwop tu tibim kin daptar di Nibou Ndig Daud yok ei nide kintrorti bi.

MAZMUR 106:29

Igyai munti dima bibon tuhan niggati apino nsuwer ajar di buhun bibor hwen yok ug a.

MAZMUR 141:2

Ayai ditde nadi tereu nok biei nggrai di ui-gwang kei di dindig ei nimbar hum dokti kin dinda di disu tereu nok midut nindig mindhe titut kep humti mem mmun.

IMAM NYA IDE MIDYAI 10:6

Lene Musa pai bak Harun kin nipmot bat cin di Eleazar Itamar nya “Ma jibou jo hak ba, jirik jide sinsun rok him cem nok bindo bipia jingon ngguk tut nimai au. Gino jisrep tut dicuk jeti dini lene mijimai hak leu api tuhan ningon misibui sut nye di mben Israel yahagom ri. Noro nna ba mben Israel nindigsi nya ingon ngguk tut bipim kep yo cin di tuhan de hum yem yok dini.

IMAM NYA IDE MIDYAI 9:24

Jei bi lene tuhan pinak nide hum kros kwei bibindei hum dima yem mindhe titut kin nimmau hagom ei nimbar hum dokti bingwig. Tirigi yo dima ingat mun di mindur dini lene yahagom ikon ighyet nok gom leu api yom yok biba ingwak bikik mpia.

HABAKUK 3:5

Acuk nsuwer ajar bibie aho lene acuk minu nimai nya ide biya abia kep anghim dip.

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

MBEN ISRAEL IMBUT-MBUT NYEN 1:53

Noro suar yo di intun keret Lewi him yohok ide prak meng bikrop ttai Ditde Prak Meng dima. Lene igya ser leu binhyepo tungwa hi dideu bi. Leu gi nok lene gima mibindei ba, digga yok bidikes hukum ei mben Israel dip.”

MBEN ISRAEL IMBUT-MBUT NYEN 11:33

Noro nipou tirigi igyem mikwau dima hagom bingwig leu yok bigyo lene tuhan wok yok biba nsuwer ajar bihwen yok.

MBEN ISRAEL IMBUT-MBUT NYEN 18:5

Suar na di Harun kin apmot bat nya he rima jiyai jibou tut midyai nya ei Ninsi Di Kwes kin gi ei nimbar hum dok leu binhyepo digga mben Israel hanyen bu bi.

MBEN ISRAEL IMBUT-MBUT NYEN 25:13

Dikos tut noni kin nide nintun him yamti di ibram yam nya bipia inok imam bijo ninno bijo kikau lewo noni brim ningkek mem nide Allah binyohou dinyeng di jei bibor lene bindei ba, mben Israel igyai gi kos ser ide sisar.”

MBEN ISRAEL IMBUT-MBUT NYEN 25:8

leu api buhuk bram pinai kin sop pima ug ei prak meng nsi leu api ba micim dima bidat cin dima kin yam. Tug hon nisinati dima lene nsuwer ajar di sindi hwen mben Israel dima kes hon.

MBEN ISRAEL IMBUT-MBUT NYEN 8:19

Lene dikes Lewi nya yahagom bak Harun kin nipmot bat nya leu binhyepo igyai midyai mem mben Israel ei Ditde Prak Meng nsi lene yahara ser nhyema dikos ser mben Israel ide sisar di idideu Prak Meng di kwes-kwau dima kin gi ibisinggre bi ba, dikes nsuwer ajar ei yok dip bi cem.”

NINDAT KEP TUHAN NICUKTI NYA 9:22

Nok gima cem jibindei ba, tuhan ningon sibui sut je tirigi jibong ei Tabera kin Masa kin Kibrot-Taawa.