MBEN ISRAEL IMBUT-MBUT NYEN 16:33 - ALLAH NIHYET MEM TUNGWATU NYA

³³ Leu api yahagom icut tut igyaisi jo yo ug ei gumihyep nimai bitut ide ndigban di inyeng tut nya hagom. Dihyei di kimbo dima tap bisur yam ser yok hanyen ba, isar bihigom.

MBEN ISRAEL IMBUT-MBUT NYEN 16:33 ပူးပေါင်းရင်းမြစ်များ

MAZMUR 141:7

Yo dima igimahap injum nya ei jui ninghas him ba, dem kep nok tig di idram bindung-diem ei dihyeiti.

MAZMUR 143:7

tuhan e, abipbur ba, abuhup dihyet lewo dingon wei bibor. Ma aku Na bijo nding leu da au. Leu gi nok ne didem kep yo di ijuk ug ei minu nimai ide.

MAZMUR 55:15

Nipou yo ne nahacem nigwam bit yam ba, nisingat tut yam cem. Nahacem nittei yam binikuk nye bak Allah bit yam ei Nide Ig.

MAZMUR 55:16

Handei kon ba, ditde siceu nya imai kros hak leu api ijuk tut igyaisi jo yo ug ei minu nimai nya ide. Lewo ingon di mpung tut nisibut biborti kieng kep ide ig di ingkwei-ngkwei nyen kep.

MAZMUR 55:23

Ma jikes jingon ku jentiti bak tuhan leu api Noni miya srak ko hagau je. Lewo Noni sindui sut ba, siceu nya ibindei timek yo di ingon sren nya bi sren.

MAZMUR 69:15

Ma ateu da bidingwes ngun leu igkrop di ningwa krup tut da kin ditde siceu indati kin minyei di jut bibor cem.

MAZMUR 9:15

leu binhyepo dinggei sut Nani ei timiei minu ndig Yerusalem yoho bei. Midimbos bidibiyai nillei lewo ateu da bidingwes ngun.

YESAYA 14:15

Noro tuhan com na kikau ug ei minu nimai nya ide di jut biborti tu.

YESAYA 14:9

Minu nimai nya ide ba ningon di nggei-hi-nggei bicigit nibou ndig Babel. Apino yo di inyeng jei ei dihyeisi dini nipou su ingwes nya sindi ikiju leu ibong eisi. Nibou ndig di nipou su nya ingwes sindi ikiju leu ide banggo mbrei.

YESAYA 38:18

Timiei minu nimai nya ide hi nggei sut Na kan bi. Bit bon no di mai ba ningon com Na tut Ade ningon gomti kan bi.

YEHEZKIEL 31:14

Gima yok hagom pek kep leu binhyepo hon kep ammani kui lene biei hi mehei bijei ndig nok gima bu bi. Mbro nok gino biei hi um minyei mang-mang lo, ninggrupti kui kikau bikimbas ei bumbuhui nijunti nok gima hi bu bi. Hagom mimui noyam kin tungwatu di niyaijo kikau bi di ibicom yam bit yo di ijuk ug ei minu nimai nya ide tu.”

YEHEZKIEL 32:18

“Na di tungwatu di ayaijo kikau bi e, ma angon ngguk tut limwa minu Mesir nya ug. Apinak yok ug ei minu nimai nya ide bit minu di isindem nindigsi nya.

YEHEZKIEL 32:30

Nibou ndig nya leu nite bei mpia nijjai yahagom ingat rin ei mpia dima bitut mben Sidon cem. Nipou yo ne ide nisindemti bindei ba, yo di inyeng tak kep yok nya ingon ttin bibor. Noro tini bu ne ibiang ide nimmai sut yonti nibuhunti bijuk tut ug ei minu nimai nya ide tirigi igyai midut sunat bigyo bit yo di ikrop ei pranti. Ibong ei mpia dima ba, inghim koi sut nirom-rausi di rap yok bit yo di ijuk ug ei minu nimai nya ide.

MBEN ISRAEL IMBUT-MBUT NYEN 16:32

pinde yok kin ide ig bei nsi nya bitut yo di itti kin Korah yahagom bitut ide ndigban hagom bingwig.

MBEN ISRAEL IMBUT-MBUT NYEN 16:34

Tirigi limwa mben Israel di ingat rin ei sirima yahagom imiap yo dima idinyangti lene inang leu ba, yahara “Jinang hak ug! Leu ma dihyei mipinde nyeni cem!”

MBEN ISRAEL IMBUT-MBUT NYEN 22:33

Noro ade keledai ngat da bou niyai him ba, kriek leu puig mbiningai. Gi bi ne mmo yo diba simeda bitot na tu. Noro midikes tut ade keledai ba, ningwes ngun.”

MBEN ISRAEL IMBUT-MBUT NYEN 26:11

Noro yo di intun Korah him nindigsi nya itug ndei nimai bit noni bi.

NINDAT KEP TUHAN NICUKTI NYA 32:22

Dingon di sibui sut yok micig-cai dem kep nok hum njeng biyem dihyeisi kikau ug bipek gumihyep nimai. Hum dima miyem dihyei kin mun di joti nya hagom ba, yem nungug kikau nitriti nya.

YUDAS 1:11

Ayo! Notou mem yo dima i? Lewo ico kak puig di Kain mbut kak. Ibindei yonti bicut ei nikineisi drek dip mitiei noyam kin Bileam niyai munti di yai tunggwei. Isrep tut Allah noyam kin Korah di srep tut Musa apino tug ndei nimai.