MBEN ISRAEL IMBUT-MBUT NYEN 16:15 - ALLAH NIHYET MEM TUNGWATU NYA

¹⁵ Lene Musa gga bibor bipai bak tuhan “tuhan e, ma arok yok tut mun di ikwas pijum ei tut Nani. Diyai mun tunggwei sut yok bi. Dimbrai mun nyeng gom bitut keledai ningut gom cem leu yok bi sren.”

MBEN ISRAEL IMBUT-MBUT NYEN 16:15 ပူးပေါင်းရင်းမြစ်များ

SAMUEL GI NICAN 22:22

Dibit tuhan de nicukti nya ba, digikiek doho tai leu ditde Allah bi.

NEHEI LEUSI 32:19

Tirigi Musa juk kwei biya puig sinon bidideu ide prak meng yati dima lene ngat sapi di iba mas bibon kin nide limwa nya di ibihim kep cem lene ningon sibui sut yok nindig bibor leu api com tig mma can po ttei kwei su pima ug ei dihyeisi mu ei nungug dima nikiou apino tig mma dima hacem ki kukiau.

NIPINGOK NINGONTI 21:27

tuhan ningon mpo tut midut di yo di isibut nya ibon bak Noni lo, ningon mpo bibor tut yok gino iba ingon kanti di kinei bibon midut dima.

MBEN ISRAEL IMBUT-MBUT NYEN 12:3

Tut Musa ne noni ba nibou coi mem tungwatu nya nindig bibor dor njiriek tungwatu dihyeisi dini hagom.

MBEN ISRAEL IMBUT-MBUT NYEN 16:16

Lene Musa pai bak Korah “Njap di hyep lene ma aya tut ibou sratus can ba, ningot muhwi di igya kui na pima bijihwou ei tuhan De Prak Meng nsi. Harun cem miningat rin ei sirima.

MATIUS 5:22

Noro tini bu ne Da dipai bije bipia no di ningon sibui sut hiter miya ei nikei noho bei. No di pai hiter kinei miya ei Nikei Puig Yahudi nya yoho bei. No di pai bak hiter ‘Arom ndok!’ dima ningwes ngun leu hum njengti bi.

MARKUS 3:5

Lene Noni ngig niyai kep yok biningon sibui sut yok nindig bibor apino ningon buhun drek dip ingkek di ndok bibor dima. Noni pai bak no dima “Atit anda.” Hammi tirigi noni tit ninda di mai rino noni kei hanyen hak.

KORINTUS GI NIGOM 9:15

Mbro nok gino dem mem ditindei kep jindati tut mun di Tuhan kos tut binye lo, diyai bi sren. Diba srat dini bitindei kep jindati tut mun di Tuhan kos tut mem nye dima bi. Nnaba dimai hak nipou ug e leu ma mun di disimbot dat dima pror leu da.

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

KORINTUS GI NICAN 7:2

Ma jicigit nye ei jingonti. Lewo niyai mun tunggwei tungwa hi ba, nibiyai tungwa hi ningon ngkwei leu nide ningon jo kepti bi sren. Nibrim mun nyeng hi mem nyenti leu tungwa hi cem bi sren.

EFESUS 4:26

Gino jingon sibui sut tungwagom lene ma jisindui sut jide ningon sibuisi dima bindei bijicut ug ei sisarti au. Ma jikes hon ba, jingon sibui kikau ug bipek mmun kep au.

TESALONIKA GI NIGOM 2:10

Jingat bou jiyai him bipia tirigi ningat rin ei je di jingon jo kep nya jikieti lene nyende niyaijoti kwes-kwau cem ningon sren cem niyai mun tunggwei hi bi cem ba, Allah cem ngat gima bou niyai him.