MBEN ISRAEL IMBUT-MBUT NYEN 15:31 - ALLAH NIHYET MEM TUNGWATU NYA

³¹ Lewo no dima srep tut tuhan ba, bisinggre bibon mun tunggwei tuhan nicukti. Suar no dima biang nide sisar nibuhunti bitug ndei nimai drek dip.

MBEN ISRAEL IMBUT-MBUT NYEN 15:31 ပူးပေါင်းရင်းမြစ်များ

SAMUEL GI NICAN 12:9

Gi nok lene nggon rino angon hou ser dicuk nati nya i? Nggon rino ayai mun di mbuk bibor pini i? Abindei dino mben Amon igyai nimai bak Uria tirigi ikon pran bit yam leu api apos nitnem binok atnem bu!

MAZMUR 107:11

Gima cut igkep yok drek dip gi yaham imbuk kep Allah Di Sindem Bibor nicuk yokti nya ba, ikou sut nipingok yoti.

MAZMUR 119:126

tuhan e, nituti dem mem gima ayai abou tut tungwatu nya tu lewo ibit Ade nikos tutti nya bi.

MAZMUR 38:4

Dinggwen buhun drek dip Ade nigga biborti. Ditde sisar bindei ba, dinghuisi hi di kwes bi.

NEHEI LEUSI 30:33

Tungwa tou rino bibon mini di noyam kin mini dini ba, ttin ampou tut bikiber ei no di imam bi nibou nggram him lene no dima minok Ditde limwa bu bi sren.”

NIPINGOK NINGONTI 13:13

Gino akou sut tuhan ningginau nati ne abindei ba, mun di buhun micut igkep na. Gino abit Allah nikos tutti nya ne amuhup mitau bina.

YESAYA 30:12

Noro mben Israel ide Allah di kwes-kwau pai “Jikou sut dihyet leu api jimbuk tut yam bijiris mun ei yamti.

YESAYA 53:6

Nyeni yahagom inok domba di israwir nya ba, hi mbut nide hi mbut nide tu. Noro tuhan kes nyeni yahagom ide hukum ei noni dip.

YEHEZKIEL 18:20

No di bon sisar nongkom he rino mitug ndei nimai drek dip. Nipmot mitug midut drek dip nicig de sisar bi ba, nicig cem mitug midut drek dip nipmot de sisar bi. No di ningon kwes mitug ndei mun di kei drek dip niyai munti di kei bibor nya. No di mbuk mitug midut drek dip niyai munti di kinei bibor nya.

IMAM NYA IDE MIDYAI 26:15

jipigau gi preu po dipreu ei mem jeni pima ba, jibit dimbrap tutti kin didimig sutti nya bi,

IMAM NYA IDE MIDYAI 26:43

Noro suar dibindei dihyei dima noyam kin ha ngunti ba, timiei nya ibong ser bu bi nipou ug e. Leu binhyepo ningat ne dihyei dima bong kep ninghuisi hak. Lene suar Ditde limwa nya itug ndei hukum ba, ikum ningwam di ibon bak Dani drek dip gi po igibit didimigsi kin dicuk yokti nya bi pima.

IMAM NYA IDE MIDYAI 5:1

Ma tungwatu iba mindhe-ndhe nya bibikuk yok bak drek dip ide sisar di nok gini. Gino nibou nya ihig tungwagom kwei biya ei nikei noho bei lene no dima pai brei sut mun di noni ngat bou niyai him kin gi miap ei nitingou nsi cem bak nikei dima bi lene bit bon ningwes ngun kan bi.

MBEN ISRAEL IMBUT-MBUT NYEN 9:13

Noro tut no di map kui no bi kin no di ningat rin ei puig sinon cem bi lo, nghen bibon midut Njap Ndig Paskah dini bi lene dibibon no dima nok no di nggre kin Ditde limwa nya bu bi. Lewo noni kwas mun hi mem nibon midut Njap Ndig Paskah dima bikuk no bak Dani dem igbit tto bou pima bi. Suar no dima biang nide sisar nibuhunti.

NINDAT KEP TUHAN NICUKTI NYA 17:12

Suar jiyai nimai bak yo di itte tut nikei nya kin imam nya di igyai midyai mem nijam dima ide nicuk jeti nya hak ug. Tug hon nisinati dima lene mijibidip tut mun di kinei dima leu Israel.

TESALONIKA GI NIGOM 4:8

Gima rino tungwa tou rino rok ningginausi dini lene rok tungwatu nya ighyet bi noro rok Allah di kes Ninnei nyahan ei jingonti nihyet tu.

PETRUS GI NIGOM 2:24

Kristus biang ide sisar ei Nonti dip tirigi mai ei biei salibti leu binhyepo bikwek nye leu sisar de nisindemti leu api igyaijo bit leu Allah ningon kanti mem nye. Kristus nibok nya ribindei dino jikei hanyen.

PETRUS GI NICAN 2:21

Gino ikan tut puig di bie ndam ningon srenti habiei bi sren lene gima kei bibor leu gino ikan tut tu leu api ikou sut gi ibit Allah De nicuk yokti di kwes-kwau.

SAMUEL GI NIGOM 3:14

Gima rino disimbot dat tug hon neheng bak nide bat nya bipia bit bon nibon midut nindig mindhe tut ide sisar di nindig bibor dima kin mun di ikwas tut Da mibindei ba, dikos ser ide sisar bi sren.”