MBEN ISRAEL IMBUT-MBUT NYEN 14:9 - ALLAH NIHYET MEM TUNGWATU NYA

⁹ Noro ma jaham jimbuk kep tuhan ba, jingon digit tut timiei minu dima au. Krop kei mem gima nyeni ihwen yok bingwig lewo tuhan ningat rin ei nyeni ikieti ba, Noni co kep yo dima ide kwar di ikuk yok bak bingwig leu su. Gima rino ma jingon digit tut yok au.”

MBEN ISRAEL IMBUT-MBUT NYEN 14:9 ပူးပေါင်းရင်းမြစ်များ

NITRITI 48:21

Lene Yakub pai bak Yusuf “Jo nibreisi bipia son dideu diyaijo ningwig honti tu. Noro Allah minyohou jahagom leu api buwak jahagom hanyen ug ei jidigup bat-jidigai bat nya itimieisi.

NIBOHON MBEN ISRAEL GI NICAN 13:12

Allah Nonti nok nyende nibou di bie tut nyeni lene Nide imam nya cem ingat rin bit nyeni. Yoni itin ei mem gima imiep pun mbrei nya nok bindo mem gima ninjei ba, nikon pran bit je. Mben Israel jen o! Ma jaham jimbuk kep jidigup bat-jidigai bat nya ide tuhan Allah au o! Lewo bit bon jibindei timek nye kan bi sren o!”

NIBOHON MBEN ISRAEL GI NICAN 15:2

Apino noni ug ngat Nibou Ndig Asa bipai bak “Nibou Ndig Asa kin je di timiei Yehuda kin Benyamin jahagom e, ma jimiap kep mun di disok kep je tut dini. tuhan mitti kin je gino jeni cem jitti kin Noni. Gino jahara tuhan bindo ningon kanti bije lene Noni mindo ningon kanti bije. Noro gino jiba jiyai ngat Noni he lene Noni cem miba niyai ngat je.

NIBOHON MBEN ISRAEL GI NICAN 20:17

Ma jeni jikon pran ei pran nicutti dini bi. Ma juug bijiya jiyati hak ei mpia di indo mem je ba, jiya hak ei sirima. Lene mijingat bou jiyai him bipia tuhan mibindei timek jide siceu nya. Je di timiei Yehuda kin Yerusalem e, ma jingon ku jenti tut ba, jidigit tut au. Ma jinjei siceu mem gima jicoi ug ei pran dimati leu api tuhan mimpu je!”

NIBOHON MBEN ISRAEL GI NICAN 32:8

Nisindemti di ningat rin bit noni ne tungwatu nya he. Noro nisindemti di ningat rin bit nyeni ne tuhan Allah rin ba, Noni mimpu nyeni bikon pran bit nibou ndig mben Asyur kin nide tentara nya gau nye.” Tirigi limwa nya imiap ide nibou ndig nihyet dima lene itug ndei mimbri di kui ingkek noyam.

NEHEMIA 4:14

Tirigi dingat lo, limwa nya ingon bos-bos nyen lene dipai biyok kin ide nibou nya “Ma jittin tut ide siceu nya au. Jiyok ngon kep bipia Tuhan sindem bibor lene ma jibrim jingkek bijinyohou jisut bat timiei minu dini kin jimunggwom bat nya kin jitnem bat nya yahagom bitut ig jide nya cem hagom.”

MAZMUR 106:24

Niabiati bu ne icoi ug ei minu di kei bibor dima bi lewo igiba ingon com Allah De nipreu ei mem yokti bi.

MAZMUR 121:5

tuhan miya ser na ba, ngkiem ser na cem.

MAZMUR 14:4

tuhan pai “Yo di isibut dima ingon dorti bi e? Ipos mun ninyeng hagom leu Side limwa nya ba, ingat nadi bak Sa di tuhan cem bi sren.”

MAZMUR 46:11

Noni ba nihyet bikak yok bipai “Jikes hon bijikon pran bu au. Ma jingon jo kep bipia Dani ne Allah rin ba, ngkiai nya yahagom inggei sut da. Tungwatu dihyeisi dini hagom ikon dinyeng bijo nai.”

MAZMUR 46:7

Allah nihyet dem kep nok kru di cut bibindei ba, tungwatu dihyeisi dini inghuisi jet bingwig ba, yahagom ingon ttin bibor, Nibou ndig di inyeng tak kep limwa nya titut yam mitti bingwig cem.

MAZMUR 46:8

tuhan Di Sindem Bibor ningat rin bit nye. Yakub de tuhan ne tentara nibousi di igya coi ri.

MAZMUR 74:14

Abindei ba, mindhe Lewiatan ibou nya nem-nnai leu api abindei inghui binok mindhe-ndhe di ibong kep iggum ndigsi ide mun di igyem.

MAZMUR 91:1

No di bisau ndam Allah Di Ninyeng Jei Bibor di miya srak ko hagau noni kin no di ya coi Allah Di Sindem Bibor,

NEHEI LEUSI 14:13

Lene Musa buhup “Jidigit tut au! Ma jingon nddong hak ug! Mbigom mijingat notou tuhan miteu je bijingwes ngun bou jiyai him ug ri. Nogindini jingat mben Mesir dima noro jei bi ne mijingat yok bu bi sren.

NEHEI LEUSI 33:16

Gino abit nye bi lene ngkiai nya mikan tut gino ajoi sut dani kin ditde limwa dini yok bi. Gino angat rin ei nyeni nikieti lene yo dima mikan tut bipia nyeni ter leu mben nindigsi bidem dihyei nisurti-nipekti hagom.”

YESAYA 1:2

Mpia-bbed him e, ma amiap mun di tibim ei duhui him. Dihyeisi dini e, ma angig atingou mem dihyet. tuhan pai Dimunggwom bat di dinyohou yok yaham imbuk kep Da.

YESAYA 32:2

Bikwop yoni yahagom inoyam kin ig jibei di yohok ser hou di kui yokti kin hak mihyeti di icoi bigya nding tirigi sigau yem yok. Yoni idem kep nok minyei di biam sindem ei iggum ndigsi nya kin tring behei ngot di tungwatu nya igwam coi ei iggum ndigsi.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 41:14

tuhan pai “Je di mben Israel e, mbro nok gino jimang bi ba, jinghuisi wei lo, ma jittin au. Lewo Da di tuhan midimpu je. Dani ne mben Israel ide Allah Di Kwes-Kwau ba, diteu je bijingwes ngun.

YESAYA 63:10

Noro yaham imbuk kep Noni bibindei ba, ningon buhun tut yok. Gima rino Noni luei nitta binok ide siceu bu bikon pran bit yok.

YEREMIA 42:11

Ma jittin tut nibou ndig minu Babel dima bu au. Dingat rin ei jikieti mem gima dimpu je ba, diteu je leu ninda nsi.

YEREMIA 48:45

Nikinei-kinau nya ipri binang ba, yuug gwam coi Hesybon leu binhyepo ingwes ngun lo, hum sindi yem minu ndig dima bitut nibou ndig Sihon de ig nibou ndig cem. Hum dima cok tut minu Moab ninghas him kin nungug him ba, nikon kep pran cig dima yok itimieisi hagom sar bingwig tu.

DANIEL 9:5

Nibon sisar binimbuk bibor ba, nibon mun tunggwei sut Na cem. Naham nimbuk kep Na binikou sut Ade nidimigsi nya biniba ninghim bak angon kanti di kei bibor mem nye cem.

DANIEL 9:9

Mbro nok gino naham nimbuk kep Na lo, angon nggriu sut nye ba, akos ser nyende sisar tu.

MBEN ISRAEL IMBUT-MBUT NYEN 13:30

Noro Kaleb kimut ninda kep yo di sindi inso-nso nyen bak Musa bipai biyok “Suar nyeni icoi minu dima bihwen yok bipos minu dima hagom leu yok nogindini hak ug lewo nyeni isindem bibor mem gima icoi bihwen yok bicut binye.”

MBEN ISRAEL IMBUT-MBUT NYEN 17:6

Lene Musa tri tut nihyet dima bak mben Israel. Leu api bikwop nibou dima yok igyai ide tom gom-gom bidem keret nya bak Musa. Hagom sok yam ne tom nimbier simnaibrimigcan. Harun de tom cem no jo srigsi.

MBEN ISRAEL IMBUT-MBUT NYEN 20:2

Noro gumihyep dima bon minyei bousi hi bi. Gima rino mben Israel yahagom ingwig kep Musa Harun nya.

MBEN ISRAEL IMBUT-MBUT NYEN 24:8

Allah buwak yok kwei leu minu Mesir tu ba, Noni hwen ide siceu nya dem kep nok sapi banteng di bit bon tungwatu nya ipijuk kan bi. Yoni ihwen ide siceu nya yahagom bingwig ba, ikinam injum ba, idahat ide hampiap cem.

MATIUS 1:23

“Sop gwam nitta pilei gom minghop rin ba, misrek tut munggwom nipinai gom leu api tungwatu nya mijem ninyeng Imanuel.” (Imanuel leu nihyet Ibrani gi ibijem bipia “Allah gwam bit nyeni”.)

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

NINDAT KEP TUHAN NICUKTI NYA 1:26

Noro jisrep tut jide tuhan Allah nicuk nyeti ba, jikou sut gima jicoi ug ei minu dima.

NINDAT KEP TUHAN NICUKTI NYA 1:29

Noro dipai bije “Ma jittin tut yo dima au.

NINDAT KEP TUHAN NICUKTI NYA 31:6

Suar jita jibou eisi bijibrim jingkek ba, jittin tut yok au. Lewo tuhan di nok jide Allah misindem tut je. Noni mikes je ei bibindei ba, jingon pus tut Noni bi sren.”

NINDAT KEP TUHAN NICUKTI NYA 31:8

tuhan Nonti mibie tut nani ba, ningat rin bit nani cem. Noni mikes nani ei bibindei ba, angon pus tut Noni bi sren. Gima rino ma angon ttin ba, angwes mien au.”

NINDAT KEP TUHAN NICUKTI NYA 32:42

Inggrom misilipti Ditde tibor lene midiba Ditde simeda bihwen yo di ibigen ser Da yahagom ba, imai bingwig. Midisindui sut yok ba, bihi ihwen bit Da bi. Yo di ibok-ba kin yo di dipos yok tu nya yahagom mitug ndei nimai.

NINDAT KEP TUHAN NICUKTI NYA 7:18

Noro ma jittin tut yok au. Ma jiyok ngon kep notou tuhan di nok jide Allah kes mun di buhun pima ei nibou ndig mben Mesir kin nide limwa nya dip.

NINDAT KEP TUHAN NICUKTI NYA 7:21

Gima rino ma jittin tut mben dima yok au. tuhan di nok jide Allah ningat rin bit je. Noni ne Allah di sindem bibor di bindei ba, tungwatu nya idigit tut Noni ri.

NINDAT KEP TUHAN NICUKTI NYA 9:7

Ma jiyok ngon kep notou jibindei ba, tuhan di nok jide Allah ningon sibui sut je ei iggum ndigsi pima. Habiei tirigi jingwes ngun leu minu Mesir kikau kwei bipek njap dino jikwei krau mpia dini lene jahagom jiyai munti hwen bit Noni.

FILIPI 1:27

Mun nyeng gom bon ninyeng mem jeni. Ma jiyai kepti nya bit leu Nihyet Di Kei tut Kristus nipingok jeti. Leu binhyepo gino dihwou ngat je cem dihwou ngat je bi cem lo, dimiap tut bipia jingon gom tut yam ba, jiba jingon kanti gom kin jingon llei sutti gom binjei bit yam bijicom jahanggwap tut niba ningon comti di ntun Allah De Nihyet Di Kei him.

YOSUA 1:5

Yosua e, bit bon ade siceu hi hwen na bibindei ba, acut bak yoni kikau ug bipek ade njap ningwig honti kan bi. Lewo midingat rin bit na bit leu nok gi po dingat rin bit Musa pima ba, midikes na bihigom ei bi sren.

YOSUA 14:12

Gima rino ma akwas minu ndig nya ei nungug him po tuhan preu ei mem da mpe di po dani kin ditde limwa nya ningkwei hanyen binitri tut mun di ningat bou nyenti niyai him pima tut da. Mpe dima lene nitri tut bina bipia mben Enak di anjan bibor ingat rin ei mpia dima. Yoni ibong ei minu ndig ngat di ibon ngug tig ser. Mpaba tuhan mimpu da ba, midijji yok dem igbit tuhan nitto ei bidati pima.”

NIJAM NIKEI NYA 1:22

Lene tentara keret Efraim kin Manasye di intun Yusuf him injei bihwen minu ndig Betel ba, tuhan mpu yok. Mpe dima lene minu ndig Betel ninyeng rino Lus. Mpe dino ipinak tungwatu nya ug ndam minu ndig dima mem gima igyok itta kep,