MBEN ISRAEL IMBUT-MBUT NYEN 14:5 - ALLAH NIHYET MEM TUNGWATU NYA

⁵ Lene Musa kin Harun ikuk yok ba, iba ingwak bikik mpia ei mben Israel yahagom yoho bei.

MBEN ISRAEL IMBUT-MBUT NYEN 14:5 ပူးပေါင်းရင်းမြစ်များ

NITRITI 17:3

Lene Abram kuk no biba ningwak bikik dihyei leu api Allah pai binoni,

NIBOU NDIG NYA GI NIGOM 18:39

Tirigi tungwatu pima yok yahagom ingat mindur dini bou igyai him lene ikuk yok ba, iba ingwak bikik dihyei lene ikon ighyet nok gom bipai “tuhan ne Allah nijit ri! tuhan Nongkom Allah nijit ri!”

NIBOHON MBEN ISRAEL GI NIGOM 21:16

Daud ngat malaikati dima di dwop-dwop nyen ei mpia-bbed him kin dihyeisi dini nikieti bikrau simeda ei nindati lene bitin ei mem gima bindei timek Yerusalem lene noni ya tut limwa nya ide nibou nya yahagom di ijuk sinsun kron noyam bibindo tut gi inso yonti tut itunggweisi pima. Lene yahagom ikuk yok biba ingwak bikik dihyei.

YEHEZKIEL 9:8

Tirigi inda jo kep niyai nimai biyoti tu lene diya bidangkom. Diba dibiau bicom mpia bidahara “tuhan Di Ninyeng Jei Bibor e, agga minu ndig Yerusalem bibor nok gima ba, ayai nimai bak yo di ingat rin ei Israel yahagom e?”

DANIEL 10:9

Tirigi dimiap nihyet rino dimbris biditti ba, diba doho bei bikibou dihyei.

IMAM NYA IDE MIDYAI 9:24

Jei bi lene tuhan pinak nide hum kros kwei bibindei hum dima yem mindhe titut kin nimmau hagom ei nimbar hum dokti bingwig. Tirigi yo dima ingat mun di mindur dini lene yahagom ikon ighyet nok gom leu api yom yok biba ingwak bikik mpia.

MBEN ISRAEL IMBUT-MBUT NYEN 14:6

Lene Yosua di Nun nipmot kin Kaleb di Yefune nipmot po ibit yo di imbris nyahan biyuug yok itta kep minu Kanaan pima irik ide sinsun nok bindo bipia ingon buhun bibor.

MBEN ISRAEL IMBUT-MBUT NYEN 16:22

Noro Musa kin Harun ikuk yok lene iba ingwak bikik dihyei leu api yahara “Allah e, Nani ne nibousi mem mun di yai niyaijoti nya hagom. Gino tungwagom ngat he bon sisar lene ma agga limwa nya yahagom e?”

MBEN ISRAEL IMBUT-MBUT NYEN 16:4

Tirigi Musa miap ighyet rino kuk no biba ningwak bikik dihyei lene ngat nadi bak tuhan.

MBEN ISRAEL IMBUT-MBUT NYEN 16:45

“Jisujou leu yo dima. Leu midibindei sar yoni cem ei mpia ttou nsi dima ug ri!” Noro yo cin ikuk yok biba ingwak bikik dihyei,

MBEN ISRAEL IMBUT-MBUT NYEN 17:10

Leu api tuhan pai bak Musa “Akes Harun de tom hanyen ei bei Brua Gi Preu noho ba, jo nijoti ei sirima nok tom nibiyok ngon kep mem mben Israel di yaham imbuk kep nani bikwop dima. Gino ikes hon bi ba, ilua sok nyen lene yoni cem mitug ndei hukum nimai drek dip.”

MBEN ISRAEL IMBUT-MBUT NYEN 20:6

Lene Musa kin Harun imbres yonti leu mben Israel nindigsi nya biyuug ya kui dimbou hui ei tuhan De Prak Meng. Lene ikuk yok ba, iba ingwak bikik mpia apino tuhan de nikei-kau-keisi piga kei bou igyai him.

MATIUS 26:39

Leu api Noni ug ei pas poi leu yok bikuk No lene ba ningwak bikik dihyei bingat nadi bipai “Arig e, gino bit leu angon kanti ne ma abindei ba, ninghuisi wei di suar cut igkep Da jo minu ting leu Da hak ug. Noro dibit dingon kanti bi leu binhyepo dibit angon kanti.”

YOSUA 5:14

Lene no dima buhup “Ditti kin je bi jide siceu nya cem bi. Dikwei ya diyati dini ba, dinok nibou ndig mem tuhan de tentara.” Lene Yosua ba ningwak bikik dihyei ei no dima nimig him bipai binoni “Andigpoi e, dani ne ade awak rin ba, midiyai hagom bit leu nok acuk dati.”

YOSUA 7:10

Lene tuhan buhup “Akiju ba, aya hak ug! Anggon rino akuk na ba, aba angwak bikik dihyei nok gima i?

NINGAT-HI-NGAT NYA 4:10

ne nibou nya ibou nyatungwagom ba, bitai pima ikuk yok ei No di gwam banggo mbrei dip Noho bei binggei sut No di niyaijo kikau buug hon nohonti bi. Leu api ikes ide topi mas ei banggo mbrei nuhui leu lene ipai,

NINGAT-HI-NGAT NYA 5:14

Leu api mindhe nya ningut bitai ibuhup “Igbit ri!” Leu api nibou nya ikuk yok bak binggei sut.

NINGAT-HI-NGAT NYA 7:11

Leu api malaikati nya yahagom igya bikrop ttai banggo mbrei kin nibou nya kin mindhe nya ningut bitai leu api iba ingwak bikik mpia ei banggo mbrei nuhui binggei sut Allah,