MBEN ISRAEL IMBUT-MBUT NYEN 14:29 - ALLAH NIHYET MEM TUNGWATU NYA

²⁹ Mijimai ba, iggum ndigsi dini mimpung tut jijui nya. Gino jide njap ug ei ari bingwam ningot can nima kui lene mijicoi ug ei minu dima bi sren lewo jinso-nso nyen tut Da.

MBEN ISRAEL IMBUT-MBUT NYEN 14:29 ပူးပေါင်းရင်းမြစ်များ

MAZMUR 106:26

Leu api Allah ba neheng bipreu ei mem yok bipia miyai nimai bak yahagom ei iggum ndigsi.

MAZMUR 78:33

Gima rino Allah bindei ba, igyaijo ngwig hon kros dem kep no di hi ninnei mbigom ngat he ba, ide njap ngwig ei nijam nidigitti.

YEHEZKIEL 20:38

Midimbus nihwen mun cig nya kin nisibut cig nya leu jikieti bidibuwak yok biyehei leu ingkiaisi di nogindini ibong niti nya lo, midisindui sut yok bingkwei hanyen ug ei itimieisi di Israel bi. Leu api mijikan tut bipia Dani ne tuhan ri.”

MBEN ISRAEL IMBUT-MBUT NYEN 26:64

Leu yo po Musa kin Harun ipas kep inyeng ei iggum ndigsi Sinai nipou pima ne hi di niyaijo yo bu bi.

MBEN ISRAEL IMBUT-MBUT NYEN 26:65

Lewo tuhan pai ei su bipia yoni yahagom mimai ei iggum ndigsi. Lene nipaisi pima pek kep tu lewo yahagom imai bingwig noro Kaleb di Yefune nipmot kin Yosua di Nun nipmot he ingat rin ba, imai bi.

KORINTUS GI NIGOM 10:5

Mbro nok gima lo, idigup bat-idigai bat nya nimang ndig ipwoi Allah ningon bi. Gima rino Noni bindei ba, imai sinsiou ei iggum ndigsi.

NINDAT KEP TUHAN NICUKTI NYA 2:14

Gima pek kep mem nye ei nijam ari bingwam ningot ningai ba, muhwindaningai niabiati ikiju bimbut leu Kades-Barnea pima tu. Yo di ikui sur yam di ikon pran kan nya ei nijam di jei dima yahagom imai bit leu tuhan nipaisi tu.

IBRANI 3:17

Lene Allah ningon sibui sut tou nya mem ari bingwam ningot bitai i? Ningon sibui sut yo di ibon sisar leu api imai bingwig ei iggum ndigsi drek dip nya.

YOSUA 5:6

Mben Israel imbut-mbut nyen ei iggum ndigsi mem ari bingwam ningot bitai bibou pinai nya di ikon pran kan di ingwes ngun leu minu Mesir yahagom imai bingwig ug e. Imai bingwig drek dip gi po ibit tuhan nihyet pima bi. Gima rino Noni pai tug hon neheng bipia yo dima micoi ug ei minu di bon ninnumti di Noni preu ei mem idigup bat-idigai bat nya bi sren.

YUDAS 1:5

Mbro nok gino jikan tut gini hagom tu lo, dimiep hum kin jingonti tut Tuhan di teu mben Israel bingwes ngun leu minu Mesir. Noro ei niabiati bu ne Noni hwen gi hi di ingon jo kep bi nya di isrig ikieti.