Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MBEN ISRAEL IMBUT-MBUT NYEN 14:22 - ALLAH NIHYET MEM TUNGWATU NYA

22 bit bon yo dini ingat minu di dipreu ei mem idigup bat-idigai bat nya bou igyai him bi sren. Mbro nok gino ingat Ditde nikei-kau-keisi kin mun di mindur di dibon mem yok ei minu Mesir kin iggum ndigsi cem lo, ibingon-ngon nyen Da ba, ibit dihyet bi cem ninno tu.

အခန်းကိုကြည့်ပါ။ ကော်ပီ




MBEN ISRAEL IMBUT-MBUT NYEN 14:22
31 ပူးပေါင်းရင်းမြစ်များ  

Nok gima kikau mem ari bingwam nitindur ningot can tirigi po diyai midyai mem na di Andigpoi. Diyai midyai mem ari bingwam simnaibrimigtai leu binhyepo diwak apmisop bat cin lene dihyen kep ade mindhe-ndhe nya mem ari bingwam muhwindagom bu. Noro aluei angonti tut dimuhup mbisimnai su.


Mbro nok gima lo, noni ris bida biluei ningonti tut dimuhup nimangti mbisimnai su. Noro Allah sindui sut gima jicig mbuk tut da bi.


Jihyet di tigut kikep dani kin jihyet di wer mpiahi tut da bindo bipia jimmai sut jenti bi.


Ikimam njita ei iggum ndigsi bitig dino ibingon Allah ningonti.


Leu api Allah ba neheng bipreu ei mem yok bipia miyai nimai bak yahagom ei iggum ndigsi.


Ibingon kep Allah ningonti nyen-nyen ba, ibiyai ningon di buhun bak Israel de Allah Di Kwes-Kwau cem.


Lene ipai bak Musa “Minu Mesir pima bon jui dip di kei mang bibor mem nye. Nggon rino abuwak nye kwei binimai ei iggum ndigsi dini i? Angat i! Gi po abuwak nye leu minu Mesir pima bie ndam nimai mem nye ug ri.


Lene tungwatu nya inso tut bak Musa bihig ser noni “Idut minyei ei sirigitou i?”


Mpe dima lene yahagom inso-nso nyen bak Musa kin Harun ei iggum ndigsi,


Gima rino inso-nso nyen tut bak Musa bipai “Ayai minyei hi binidut ug e!” Lene Musa buhup “Nggon rino jinso-nso nyen nok gima ba, jibingon tuhan i?”


Noro yo dima inggobiau nindig bibor. Gima rino inso-nso nyen bak Musa bu bipai “Nggon rino abuwak nye kwei leu minu Mesir i? Abuwak nye kwei mem gima nyeni kin nimunggwom bat nya kin mindhe-ndhe nya nahagom nimai sut ninggobiau e?”


Lene ijem mpia dima ninyeng Masa lewo mben Israel ibingon tuhan ei sirima tirigi po ihig-hig nyen nok gini “tuhan hi kin nyeni e, he bi e,” pima. Lene ijem mpia dima ninyeng hi Meriba lewo inso-nso nyen ei sirima.


Tirigi mben Israel ingat lo, Musa ug binyen ninno ei mbigdip dima bijuk haninyai kwei bi lene yahagom induk yam bingwig ttai Harun bipai binoni “Ikan tut mun di pek kep mem no po ninyeng Musa di buwak nye kwei leu minu Mesir pima bi. Gima rino ma abon kwar di nikuk nye bak di mibie tut nye bou anda him bak nyeni hak ug.”


Lene ilua bak Musa kin Harun bipai “Mun di jibon dima jo nibreisi ei tuhan niyai him tu. Apino Noni mikes hukum ei je dip drek dip gima! Jibindei ba, nibou ndig kin yo di igya kui noni ingon mpo tut nye. Jei bi lene yoni migyai nimai binye drek dip.”


Je di mben Israel e, jingat mun nyeng mang bibor bou jiyai him noro mun dima yok tot jingonti bi. Jitingou tu noro jimiap mun nyeng hi bi.”


Bikwop mpe dino nibou ndig ningon kiowi niti tut mun nyeng hi bihig ser yok ba, hig pus yok tut lene ibou bitai dima iba ingon di ki kin iji di ngkiem bibuhup mbisimnai dor njiriek yo di nung kui yok kin guru nya di igya kui nibou ndig ide nipingok noti yahagom ei minu Babel.


Ningat bou niyai him bipia yo di inggei-nggwang tut yonti nya ingon llei bibor. Yo di imbuk nya ide mun nyeng hagom dem mem yok bibong kei igwam kei. Ibong kei igwam kei he bi noro ibingon Allah noom ningonti tug hon gi ibon sisar lo, ingwes ngun cem.’ ”


Lene mben Israel sindi inso-nso nyen bak tuhan tut mun di buhun tak yok. Tirigi Noni miap gi inso-nso nyen nok lene Noni wok yok nindig bibor bikes hum di yem yok ei yok dip. Hum dima sindi yem yok bitut ide prak meng nya ndam ide prak meng yati ninghas him gom.


Mpe dima ne ngkiai nya cem iba yo kum mben Israel kak puig sinon dima lo, ngkiai dima yok ikimam mikwau nindig bibor. Apino mben Israel cem sindi inso-nso nyen bipai “Ayo! Mikwau hi mem nye bigyem e!


Mpe dima ne Musa wak sop mben Kus gom nok nitnem noro Miryam kin Harun iba ighyet biyai noni drek dip.


Lene tuhan hig ser Musa “Yo dini misrep tut Da kikau apig bu i? Mbro nok gino dindo bindo kin mun di mindur mang bibor ei ikieti tu lo, iba ingon com Da bi kikau apig bu i?


Yahagom inso-nso nyen bak Musa kin Harun bipai biyok “Gi kei rino nimai hak tirigi po nibong ei minu Mesir pima e, he nimai hak ei iggum ndigsi dini e.


Midikes hukum ei yo dima yahagom dip noro bitut Kaleb di Yefune di nimbier kim keret Kenas kin Yosua di Nun nipmot bi. Midikes hukum ei yo cin dima dip bi lewo ingon gom tut Dani.


Lene Yesus pai bu “Allah Nihyet pai ‘Ma jibingon Tuhan di nok jide Allah au.’ ”


Mbro nok gima lo, idigup bat-idigai bat nya nimang ndig ipwoi Allah ningon bi. Gima rino Noni bindei ba, imai sinsiou ei iggum ndigsi.


Harin dima iba ide sisar di yoni ibon nya bibingon Allah nisingat tut nyeti noyam kin yo ngot ndig dima. Lewo wou piet nya yaham yok bimai drek dip.


Ma jiyok ngon kep notou jibindei ba, tuhan di nok jide Allah ningon sibui sut je ei iggum ndigsi pima. Habiei tirigi jingwes ngun leu minu Mesir kikau kwei bipek njap dino jikwei krau mpia dini lene jahagom jiyai munti hwen bit Noni.


Allah pai ‘Mbro nok gino jidigup bat-jidigai bat nya ingat mindur di dibibon mem yok bou igyai him kikau mem ari bingwam ningot bitai lo, ibingon kikep Da.’


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ