MBEN ISRAEL IMBUT-MBUT NYEN 14:2 - ALLAH NIHYET MEM TUNGWATU NYA

² Yahagom inso-nso nyen bak Musa kin Harun bipai biyok “Gi kei rino nimai hak tirigi po nibong ei minu Mesir pima e, he nimai hak ei iggum ndigsi dini e.

MBEN ISRAEL IMBUT-MBUT NYEN 14:2 ပူးပေါင်းရင်းမြစ်များ

NIBOU NDIG NYA GI NIGOM 19:4

leu api mbut nimig kikau mem njap nitindur gom ug ei iggum ndigsi. Noni kuk no bigwam ei biei ndig behei gom leu api joi sut um nimai hak ug ba, ngat nadi bipai “tuhan e, cobi! Ayai dinnei leu da hak ug lewo diyai munti nya kei bibor dor njiriek didigup bat-didigai bat nya igyai munti nya bi.”

AYUB 3:11

Nggon rino dimai hak ei dipmem ninghopti bi i? Nggon rino dinnei kimbas hammi tirigi dipmem gwam tut da bi i?

MAZMUR 106:24

Niabiati bu ne icoi ug ei minu di kei bibor dima bi lewo igiba ingon com Allah De nipreu ei mem yokti bi.

MAZMUR 106:25

Ilua kwop ei ide prak meng yati ba, ikou sut nimiap tuhan nihyet cem.

MAZMUR 106:45

Allah yok ngon kep Nide nipreu ei mem yokti mem gima bimpu yok ba, ngondut yok lewo Nide ningon ngakei yokti nindig bibor.

NEHEI LEUSI 14:11

Lene ipai bak Musa “Minu Mesir pima bon jui dip di kei mang bibor mem nye. Nggon rino abuwak nye kwei binimai ei iggum ndigsi dini i? Angat i! Gi po abuwak nye leu minu Mesir pima bie ndam nimai mem nye ug ri.

NEHEI LEUSI 15:24

Lene tungwatu nya inso tut bak Musa bihig ser noni “Idut minyei ei sirigitou i?”

NEHEI LEUSI 17:3

Noro yo dima inggobiau nindig bibor. Gima rino inso-nso nyen bak Musa bu bipai “Nggon rino abuwak nye kwei leu minu Mesir i? Abuwak nye kwei mem gima nyeni kin nimunggwom bat nya kin mindhe-ndhe nya nahagom nimai sut ninggobiau e?”

YUNUS 4:3

tuhan e, ayai dinnei hanyen leu da nogindini lene nna ba dimai hak ug lewo dingon bisau ndam gima dimai leu gima diyaisi jo a.”

YUNUS 4:8

Niabiati mpia pri tu lene Allah kes hou di dut bibor kwei leu nite bei mpia nipriti bikui Yunusti. Mpia cem wam noni lene mpia dima bindei ba, nibou ngwak sibui sut lene ninghuisi bimbriong tut. Apino noni hara “Dingon bisau ndam dimaisi dor njiriek diyaijoti.”

MBEN ISRAEL IMBUT-MBUT NYEN 11:1

Lene mben Israel sindi inso-nso nyen bak tuhan tut mun di buhun tak yok. Tirigi Noni miap gi inso-nso nyen nok lene Noni wok yok nindig bibor bikes hum di yem yok ei yok dip. Hum dima sindi yem yok bitut ide prak meng nya ndam ide prak meng yati ninghas him gom.

MBEN ISRAEL IMBUT-MBUT NYEN 11:15

Gino abibon da nok gini lene ma angon nggriu sut da mbigom tug hon gima akes nimai ei da dip haninyai leu binhyepo mun di buhun bibor dini mibuhun tak da bu bi hak ug.”

MBEN ISRAEL IMBUT-MBUT NYEN 11:5

Gi nipou tirigi nyeni ingat rin ei minu Mesir lene igyem kep wau nghui nindig bibor mikuisi ba, iba mitiei bipek bi. Nok gima cem igyem bimen kin simarangka kin bawan ngwoi kin bawan lios nindig bibor ei minu dima.

MBEN ISRAEL IMBUT-MBUT NYEN 14:1

Lene himmun dima mben Israel ipim kui jei kikau binjap kep drek dip nihyet di imiap tu.

MBEN ISRAEL IMBUT-MBUT NYEN 14:22

bit bon yo dini ingat minu di dipreu ei mem idigup bat-idigai bat nya bou igyai him bi sren. Mbro nok gino ingat Ditde nikei-kau-keisi kin mun di mindur di dibon mem yok ei minu Mesir kin iggum ndigsi cem lo, ibingon-ngon nyen Da ba, ibit dihyet bi cem ninno tu.

MBEN ISRAEL IMBUT-MBUT NYEN 16:13

Apo gi abuwak nye leu minu Mesir di bon ninnumti di kei bibor ba, abindei binimai ei iggum ndigsi dini dem bigyo e? Akan bipia dem mem gima acuk-cuk nyen nyeni tereu nok mindor e?

MBEN ISRAEL IMBUT-MBUT NYEN 16:41

Njapti kui bu lene mben Israel yahagom ingon sibui sut Musa kin Harun bipai biyok “Jibindei ba, tuhan de limwa nya wer imang imai su.”

MBEN ISRAEL IMBUT-MBUT NYEN 17:6

Lene Musa tri tut nihyet dima bak mben Israel. Leu api bikwop nibou dima yok igyai ide tom gom-gom bidem keret nya bak Musa. Hagom sok yam ne tom nimbier simnaibrimigcan. Harun de tom cem no jo srigsi.

MBEN ISRAEL IMBUT-MBUT NYEN 20:2

Noro gumihyep dima bon minyei bousi hi bi. Gima rino mben Israel yahagom ingwig kep Musa Harun nya.

MBEN ISRAEL IMBUT-MBUT NYEN 20:3

Ba, inso-nso nyen bipai “Nna ba nyeni cem nahagom nimai bit nisut bat po imai ei dimbou hui ei Allah De Prak Meng pima hak ug.

MBEN ISRAEL IMBUT-MBUT NYEN 20:4

Nggon rino abuwak nye kikau kwei ei iggum ndigsi dini i? Leu binhyepo nahagom nimai bit nyende mindhe-ndhe nya e?

MBEN ISRAEL IMBUT-MBUT NYEN 21:5

Apino isrep tut Allah kin Musa cem bipai “Nggon rino abuwak nye kwei leu minu Mesir leu binhyepo nimai biningwig ei iggum ndigsi di bon njita kin minyei bi dini i? Njita di niyem kep dini nos nye bibon nyeni ningon him wei.”

KORINTUS GI NIGOM 10:10

Harin dima ilua sok nok gi yoni ilua sok a. Lewo Malaikati di ninyeng tak kep Nimai bindei ba, imai drek dip.

NINDAT KEP TUHAN NICUKTI NYA 1:27

Jilua sok bijipai ‘tuhan ningon kinei sut nyeni. Apino Noni buwak nye biyehei leu minu Mesir leu binhyepo kes nyeni ei mben Amori indati mem gima igyai nimai binye.

NINDAT KEP TUHAN NICUKTI NYA 9:23

Tirigi po Noni cuk je bipia ma jijo leu Kades-Barnea leu binhyepo jimbut bijicoi ug ei minu di Noni miyai bije pima lene jaham jimbuk kep Noni. Lene jiba jingon com Noni ba, jibit nihyet bi.

IBRANI 3:16

Yo di imiap Allah nihyet leu api yaham imbuk kep Noni hanyen ne tou nya i? Gima ne yo di yahagom di Musa bie tut yok kwei leu minu Mesir ri.

YUDAS 1:16

Yo dini inso-nso nyen cem injei kep hi ter cem igyaijo bit leu ingut kanti di kinei di srou yok cem ingon jei cem iba ninsi dimmau biris tungwatu nya leu binhyepo ibibrim mun di ingat ingwes eisi leu yok.