MBEN ISRAEL IMBUT-MBUT NYEN 14:18 - ALLAH NIHYET MEM TUNGWATU NYA

¹⁸ ‘Dani ne tuhan rin ba, dingon sibui sut tungwatu nya haninyai kan bi. Noro Ditde ningon ngakeisi nindig bibor bikum eisi bu ba, dingon gom cem. Lewo dikos ser tungwatu nya ide sisar kin ide naham nimbuk kep Dati. Mbro nok gima lo, midikes hukum ei imunggwom bat nya kin ignyon bat-idrot bat nya dip kikau ug bipek yo di intun yok him gi niningai kin gi nibitai drek dip ide pung di intun him nya ide sisar.’

MBEN ISRAEL IMBUT-MBUT NYEN 14:18 ပူးပေါင်းရင်းမြစ်များ

NEHEMIA 9:17

Iprinder bibor cem ibbwe ser mun di kei di ayai biyok hagom cem ingon prion ser mindur di abon mem yok cem. Iba ingon di jei bidimig tungwagom ei bita noni nok nibou di bie tut yok hanyen ug ei minu Mesir bingkwei nok awak. Noro Na di Allah ne nikos ser sisar cig kin noom ningon cig ri. Nani ne ningondut tungwatu nya cig kin ningon sibui sut yok haninyai bi cig cem ri. Ade ningon ngakeisi nindig bibor bibindei ba, akes yok ei bihigom bi sren.

AYUB 21:19

Jipai bipia “Allah kes hukum ei munggwom nya dip drek dip icig bat nya ide sisar.” Noro danti dipai bipia e bi! Suar Allah kes hukum ei yo di ibon sisar nya yonti dip. Leu binhyepo ingon huk niti bipia yonti ide sisar rino bindei di Allah kes Nide hukum ei yok dip a.

MAZMUR 103:8

tuhan ningon ngakei nye bingondut nye cem. Noni bet ningon mem nye ba, ningon mpung tut ningon ngakei tungwatu nyati di ug hon nohonti bi sren.

MAZMUR 108:4

tuhan e, midipai sigyo biNani ei ngkiai nya ikieti. Midipai doia bidibikon anyeng ei tungwatu nya ikieti.

MAZMUR 109:14

Nnaba tuhan yok ngon kep nidigup bat-nidigai bat di nipou nya ide sisar lene bikos ser nipmem de sisar bi.

MAZMUR 145:8

tuhan ningon ngakei tungwatu nya ba, ngondut yok cem. Ningon sibui sut yok haninyai bi ba, ningon ngakei yokti ug hon nohonti bi sren.

MAZMUR 78:38

Noro Allah ngondut Nide limwa nya bikos ser ide sisar leu ba, bindei sar yok bi. Noni om kep niggati bitak kep ningon sibui sut yokti bikwop.

MAZMUR 86:15

Noro tuhan e, Nani ne Allah di angondut nye rin ba, angon ngakei nye. Aom angon tut nye ba, angon nggriu sut nye cem ba, angon gom.

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

NEHEI LEUSI 20:6

Noro midingon ngakei yo di ingon ngakei Da bibit dihyet yahagom kikau ug bipek ide nintun him yamti di bram yam nya ibou sribu-ribu bram yam.

YEREMIA 32:18

Ando tut Ade ningon ngakeisi di jo kikau bak tungwatu nya ibou sribu-ribu noro akes hukum ei tungwatu nya dip drek dip ndigpoi di ide nya ide sisar. Nani ne Allah di nindig bibor ba, mimbri kui Na. Anyeng rino tuhan Di Sindem Bibor.

NIBWOS-BWOS NYENTI 5:7

Nidigup bat-nidigai bat nya ibon sisar bimai leu nye nipou su noro tini bu ne suar nyeni nitug ndei ninghuisi wei drek dip ide sisar di ibon nya o!

YUNUS 4:2

Lene noni ngat nadi bipai “tuhan e, tirigi dijo leu ditimieisi bigyo ne dikan tut bipia mporo abindei ba, timiei minu ndig Niniwe mittin ser ide sisar. Dikan tut bipia angondut tungwatu nya ba, angon nggriu sut yok. Aom angon tut yok ba, asingat tut yok leu api atin ei mem gima aluei angonti tut hukum di akes ei yok dip. Apino bitig dino dinang leu Ade nicuk dati leu api dinang ug ei minu Spanyol leu a.

MIKHA 7:18

tuhan e, Allah hi ter noyam kin Nani bi. Akos ser Ade limwa di ingwes ngun leu ingkiaisi nya ide sisar. Angon sibui sut yok kikau kan bi. Noro ajoi sut ando Ade ningon ngakeisi di ug hon nohonti bi bak nyeni.

MBEN ISRAEL IMBUT-MBUT NYEN 14:17

Gima rino Na di tuhan e, handei kon ba, ando Ade nisindemti brei binye ba, ayai hagom bit leu nok apreu ei mem nye cem tirigi po apai ei ahui him,

MBEN ISRAEL IMBUT-MBUT NYEN 23:21

Dingat bou diyai him bipia Yakub mitug ndei mun di mbuk ei nidipti bu bi ba, mun di buhun mibuhun tak mben Israel bi. tuhan di nok ide Allah ningat rin bit yok. Yahagom isimbot dat bipia tuhan ne Nibou Ndig mem yo ri!

ROMA 5:21

Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

NINDAT KEP TUHAN NICUKTI NYA 5:10

Noro midingon ngakei yo di ingon ngakei Da bibit dihyet kikau ug bipek ibou sribu-ribu di intun yok him bram yam.

NINDAT KEP TUHAN NICUKTI NYA 5:9

Harin dima jikuk je bak kwar di nok gima bijinggei sut a. Lewo Dani ne jide tuhan Allah rin ba, dem tut gima jiba Da bingon mun nyeng hi cem bi. Lewo midikes hukum ei yo di ikinei sut Dani dip kin ide nintun him yamti di bram yam nya dip bitut ignyon bat-idrot bat nya kin yo di intun yok him bram yam cem dip.

NINDAT KEP TUHAN NICUKTI NYA 7:10

Noro Noni miba nihig ningon tut bisi bikes hukum ei yo di ingon mpo tut Noni dip.

NINDAT KEP TUHAN NICUKTI NYA 7:9

Ma jiyok ngon kep bipia tuhan di nok jide Allah Nongkom nok Allah gom ngat ba, ningon gom. Noni miyai igbit mun di Noni preu ei su bindo tut ningon ngakei di nggek jei bi bak yo di ingon ngakei Noni ba, ibit Nide nicukti nya kikau bidem ibou sribu-ribu di intun yam him di bram yam nya.