MBEN ISRAEL IMBUT-MBUT NYEN 14:16 - ALLAH NIHYET MEM TUNGWATU NYA

¹⁶ tuhan hwen Nide limwa nya bingwig ei iggum ndigsi lewo Noni sindem mem gima buwak yok kikau ug ei minu di Noni preu sut ei mem yok habiei pima kan bi.

MBEN ISRAEL IMBUT-MBUT NYEN 14:16 ပူးပေါင်းရင်းမြစ်များ

NEHEI LEUSI 32:12

Gino acok tut yok lene mben Mesir misimbot kep biyam bipia abuwak yok kwei leu minu Mesir leu binhyepo acok tut yok bingwig ei nungug him dini. tuhan e, ma angon sibui sut yok au. Noro anggek tut angon kanti leu binhyepo mun di buhun bibor dima micut igkep yok bi.

MBEN ISRAEL IMBUT-MBUT NYEN 14:17

Gima rino Na di tuhan e, handei kon ba, ando Ade nisindemti brei binye ba, ayai hagom bit leu nok apreu ei mem nye cem tirigi po apai ei ahui him,

NINDAT KEP TUHAN NICUKTI NYA 9:28

Gi bi lene mben Mesir misimbot kep biyam bipia asindem mem gima abuwak Ade limwa nya kikau ug ei minu di apreu ei mem yok nipou su bi. Yoni misimbot kep biyam bipia abuwak Ade limwa nya ug ei iggum ndigsi leu binhyepo acok tut yok bingwig lewo angon mpo tut yok.

YOSUA 7:7

Lene Yosua pai bak tuhan “Ditde tuhan Allah e? Abuwak nye kwei ei Minyei Yordan nite dini mem mindei i? Mem gima akes nye ei mben Amori indati leu binhyepo igyai nimai binyeni e? Gino nibong hak ei Minyei Yordan nite dinu hak ug lene mun di buhun dini micut igkep nye bi.

YOSUA 7:9

Mben Kanaan kin yo di nindigsi nya ei minu dini mimiap tut nyeni ninghapti leu api migyon ttai nye bigyai nimai bak nahagom hak ug! Leu api abon mindei mem gima abicuon Anyeng Di Jei i?”