MBEN ISRAEL IMBUT-MBUT NYEN 14:14 - ALLAH NIHYET MEM TUNGWATU NYA

¹⁴ lene yoni mitri tut bak timiei minu Kanaan nya bu. Yo dima ikan tut bipia Na di tuhan angat rin ei nyeni nikieti ba, ando Nanti binye tug hon Ade bumbuhui ttou di bie tut nye mem njap ba, tug hon Ade cou hum di bie tut nye mem mmun cem tu.

MBEN ISRAEL IMBUT-MBUT NYEN 14:14 ပူးပေါင်းရင်းမြစ်များ

NITRITI 32:30

Lene Yakub simbot dat “Mei! Dingat Allah niimaisi bou diyai him tu lo, diyaisi jo yo!” Gima rino noni jem gumihyep dima ninyeng “Pniel”.

NEHEMIA 9:12

Aba bumbuhui ttou bibie tut yok mem njap lene aba cou hum bipiga digai ide puig mem mmun.

NEHEMIA 9:19

Noro akes yok bihigom ei iggum ndigsi bi lewo angondut yok nindig bibor. Abrim bumbuhui ttou kin cou hum di piga digai ide puig mem njap kin mmun ningwig leu yok bi sren.

MAZMUR 105:39

Allah bindei ba, bumbuhui tou gom yon gau nide limwa nya ba, cou hum piga digai ide prak meng yati mem mmun cem.

MAZMUR 78:14

Noni ba cou bumbuhui gom bibie tut yok mem njap lene ba cou hum di piga kei bibie tut yok mem mmun jei.

NEHEI LEUSI 15:14

Mben nindigsi nya imiap anghapti tut apino inghuisi mpig sut. Mben Filistin kin nibou mben Edom nya ingon tai-tai bou.

NEHEI LEUSI 33:11

tuhan mbrap pijum bit Musa dem kep nok tungwagom mbrap bit nisut. Gima ngwig leu lene Musa ngkwei hanyen ug ei ide prak meng yati dima. Lene pinai pilei Yosua po nicig ninyeng Nun pima ya kui Musa bimpu noni. Noro noni kuk no nyahan ei tuhan De Prak Meng nsi dima ba, hei sut Musa bi.

NEHEI LEUSI 33:16

Gino abit nye bi lene ngkiai nya mikan tut gino ajoi sut dani kin ditde limwa dini yok bi. Gino angat rin ei nyeni nikieti lene yo dima mikan tut bipia nyeni ter leu mben nindigsi bidem dihyei nisurti-nipekti hagom.”

NEHEI LEUSI 40:38

Lene tuhan ningat rin ei Nide Prak Meng nsi biluei nitta nok cou bumbuhui mem njap lene biluei nitta nok cou hum mem mmun bou mben Israel yahagom igyai him kikau bidem imbutti nya hagom.

MBEN ISRAEL IMBUT-MBUT NYEN 10:34

Tirigi ibong-bong nyen bidem mpia ttou nsi dima hagom lene tuhan de bumbuhui ttou jo nai hammi yoho bei bikwop njap-njap.

MBEN ISRAEL IMBUT-MBUT NYEN 12:8

Gima rino dimbrap ei noho bei bidindo dingon kanti brei binoni lene tug hon nihyet nibiti ninda bi. Noni ngat dingat bou niyai him tu. Nggon rino jingon sir bijisrep tut Ditde awak di Musa i?”

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

YOHANES 14:9

Noro Yesus buhup “Filipus e, digwam bit je ninno tu noro akan igbit tut Da bigyo e? No di ngat igbit Da ngat igbit Dicig cem tu. Nggon rino ahara Da mem dindo Dicig brei bije i?

KORINTUS GI NIGOM 13:12

Mun di ingat ei igyai him mem nijam dini noyam kin ingwes di ingat ei kisinati di pimber. Noro ei nidipti bu lene ingat ningat brei bisieng-siau kei. Ei nijam dini lene dingon dorti tut mun nyeng hagom bi. Noro ei nidipti bu lene midingon dorti tut mun nyeng hagom bit leu nok Allah ningon dorti tut dingon bei triti.

NINDAT KEP TUHAN NICUKTI NYA 1:19

“Leu api nyeni ikiju bimbut leu Nungug Sinai bit leu tuhan nicuk nyeti ba, ikes nye kak iggum ndigsi di nyan bibor di bon nikineisi nya cem ndam nungug him di mben Amori ide. Mpe di nyeni yuug krau Kades-Barnea,

NINDAT KEP TUHAN NICUKTI NYA 34:10

Nabi di noyam kin Musa hi srig mben Israel ikieti bi sren. Lewo tuhan ndo Nonti bak bimbrap hammi Musa niimaisi.

NINDAT KEP TUHAN NICUKTI NYA 5:24

Ba, ipai ‘Ide tuhan Allah ndo tut Nide nisindemti di nindig bibor kin Nide nikei-kau-keisi tirigi nimiap nihyet di tibim kwei leu hum njengti. Njap di ammani nyeni ningat bou niyai him bipia mbro nok gino Allah mbrap bit tungwatu nya lo, igyaijo yo lene imai drek dip bi.

NINDAT KEP TUHAN NICUKTI NYA 5:4

tuhan joi sut mbrap bit je pijum leu hum njengti ei nungug dip pima.

YOSUA 5:1

Lene nibou ndig mben Amori yahagom di ibong ei Minyei Yordan nite bei mpia nikimbasti kin nibou ndig mben Kanaan yahagom di ibong Muk Hacan nintig dip imiap tut notou tuhan bindei ba, Minyei Yordan bon nipingge leusi kikau bibou mben Israel yahagom isigon ug e. Apino yahagom ingon digit bibor ba, ittin tut mben Israel.

YOHANES GI NIGOM 3:2

Disut bat di dingon kieti jen, nyeni ne Allah nimunggwom bat nya ri. Noro tut gima iluei itta ei nidipti bu lene jo nibreisi mem nye bigyo. Noro ingon dorti tut bipia tirigi Kristus ttau hanyen kwei ne iluei itta dem kep nok Noni nitta tirigi ingat ningat brei bou igyai him.