MBEN ISRAEL IMBUT-MBUT NYEN 14:10 - ALLAH NIHYET MEM TUNGWATU NYA

¹⁰ Noro mben Israel yahagom igyok ingon gom mem gima iba tig bihwen yo cin dima bimai hak ug. Lene tuhan de nikei-kau-keisi piga kros ei Nide Prak Meng bou mben Israel yahagom igyai him.

MBEN ISRAEL IMBUT-MBUT NYEN 14:10 ပူးပေါင်းရင်းမြစ်များ

NEHEI LEUSI 16:10

Tirigi Harun mbrap bit mben Israel lene yahagom ikiek yoho ndam iggum ndigsi bingat lo, tuhan de nikei-kau-keisi piga kros ei bumbuhuiti kwei.

NEHEI LEUSI 16:7

Njap di hyep bu lene mijingat tuhan de nikei-kau-keisi bou jiyai him. Noni miap jihyet tirigi po jinso-nso nyen pima. Ningat ne jingon sibui sut Noni lewo Harun nyeni ninok Nide awak nya binibit Nide nicuk nyeti nya he.

NEHEI LEUSI 17:4

Lene Musa ba ningon di gom bingat nadi bak tuhan bipai “Dinggon ndei yo dini i? Ningat ne yoni miba tig bihwen da ug ri.”

NEHEI LEUSI 40:34

Lene bumbuhui pima juk kwei binggai kep tuhan de Prak Meng leu api tuhan de nikei-kau-keisi piga ei Prak Meng nsi.

IMAM NYA IDE MIDYAI 9:23

Lene Musa kin Harun icoi ug ei tuhan De Prak Meng lo, mpe dino yehei hanyen kwei lene ingat nadi tindei mun di kei mem ide limwa nya bu. Mpe dima lene mben Israel yahagom ingat tuhan de nikei-kau-keisi brei bou igyai him.

MBEN ISRAEL IMBUT-MBUT NYEN 16:19

Noro Korah nduk yo di itti kin noni yahagom ba, idem yam bigya kui dimbou ei tuhan De Prak Meng nuhui nipou su ba, iba yoho rok Musa kin Harun. Haninyai nipigati di nggai kep tuhan ningat piga mpia dima kros ba, Nide limwa nya yahagom ingat gima brei bou igyai him.

MBEN ISRAEL IMBUT-MBUT NYEN 16:42

Ipai nok gima tirigi idem yam ei ba, yaham imbuk kep Musa kin Harun. Hammi tirigi ipai nok rino ikiek yok ndam tuhan De Prak Meng bingat lo, bumbuhui cut binggai Prak Meng dima ba, nipigati di nggai kep tuhan ningat piga mpia dima kros. Yahagom ingat gima brei bou igyai him.

MBEN ISRAEL IMBUT-MBUT NYEN 17:7

Leu api Musa kes tom dima yok ei tuhan De Prak Meng ninsi ei Brua Gi Preu noho.

MBEN ISRAEL IMBUT-MBUT NYEN 20:6

Lene Musa kin Harun imbres yonti leu mben Israel nindigsi nya biyuug ya kui dimbou hui ei tuhan De Prak Meng. Lene ikuk yok ba, iba ingwak bikik mpia apino tuhan de nikei-kau-keisi piga kei bou igyai him.

MATIUS 23:37

“Ayo! Je di timiei minu ndig Yerusalem nya e, jikimukep nabi nya ba, jiba tig bihwen yo di Allah cuk yok kwei ndam je cem. Dipi bidinggriou jahagom bit leu nok kuke di kieng ninyehei gau nimien nya noro jikou sut Da.

KISAH 7:52

Jide pung di jintun him nya ihwen bit nabi yahagom ba, injiriek igom bi. Ihwen yo di igya hacan di Allah pinak yok kwei di itri tut Nide Awak di ningon sren-srau nikweisi nipou su. Njap gi pini jug jibakilak bijihwen Allah De Awak dima tu.

KISAH 7:59

Iba tig bihwen Stefanus ninno lene noni hara “Tuhan Yesus e, ayai dinnei leu hak ug.”

SAMUEL GI NIGOM 30:6

Daud de tentara nya yahagom ingon buhun bibor lewo imunggwom bat nya kin itnem bat nya ipror bingwig leu yok tu. Gima rino itin ei mem gima iba tig bihwen noni drek dip imunggwom bat nya kin itnem bat nya di ipror leu yok dima. Daud um mun di nggruk bibor dima noro nide tuhan Allah biwin kep ningonti hanyen bu.