MBEN ISRAEL IMBUT-MBUT NYEN 13:33 - ALLAH NIHYET MEM TUNGWATU NYA

³³ Ba, ningat yo di anjan nya di intun Enak him ei sirima. Gino nibinai nyenti kin yoni lene nikan bipia nyeni nimien nok hai nya he. Lene yoni ikan bipia nyeni cem ninok hai nya ri.”

MBEN ISRAEL IMBUT-MBUT NYEN 13:33 ပူးပေါင်းရင်းမြစ်များ

NITRITI 6:4

Ei nijam dima kin nijam niabiati bu ne yo di yanjan ndig ngat ingat rin ei dihyeisi dini. Yo dini intun sop di iwak timiei gwamti pima yok him. Yo di yanjan ndig ngat dini inok pinjoi ndig nibon mun cig nya di inyeng jei bibor ei nijam gi nipou dima.

NIBOHON MBEN ISRAEL GI NIGOM 11:23

Mpe hi bu lene yai nimai bak mben Mesir di nintig bou anjan bibor gom cem. No dima nintig bou jeisi njiriek leu meter can bittei micim di nindig bibor. Noro Benaya ba tom nibibui he di jo nindati bihwen noni. Leu api su ninda bibrim micim di mben Mesir dima ttei leu noni leu api ba micim dima bidat nonti hanyen biyai nimai bak hak ug.

YESAYA 40:22

No di gwam ei Nide banggo mbrei di jo anai dihyeisi dini bijo mpia-bbed him nuhu kwei pai tes dihyeisi dini. Tungwatu dihyeisi dini inok ako di bigbibor bou niyai him. Noni prion mpia-bbed him dem kep nok no di dis sre kin no di hok prak meng mem gima bong eisi.

MBEN ISRAEL IMBUT-MBUT NYEN 13:22

Nimbie him lene yuug ei minu dima nibiho ba, yuug krau minu ndig Hebron. Hebron ne keret Ahiman Sesai Talmai di intun Enak him itimieisi ri. Yo dima iwin Hebron ei ari bingwam muhwindacan nipou tirigi mben Mesir iwin minu ndig Zoan bigyo.

MBEN ISRAEL IMBUT-MBUT NYEN 13:28

Noro timiei minu dima isindem bibor lene ide minu nya nindig ba, sindem bibor cem ngug tig nindig krop bikrop ttai hagom. Gima he bi lewo ningat yo di intun yo di intig bou anjan nya him cem ei sirima.

MBEN ISRAEL IMBUT-MBUT NYEN 14:1

Lene himmun dima mben Israel ipim kui jei kikau binjap kep drek dip nihyet di imiap tu.

NINDAT KEP TUHAN NICUKTI NYA 1:28

Gima rino ma nyeni yuug ei sirima mem mindei i? Yo di igyok itta kep minu dima ibindei ba, nyeni nittin tut drek dip gi ipai binye bipia mben dima intig bou jei ba, inghuisi sindem bibor dor njiriek nye. Nok gima cem ibong ei minu ndig ngat di bon ngug tig kui sur mpia-bbed him a. Lene ingat yo di intig bou njan ndig ngat ei sirima bou igyai him!’

NINDAT KEP TUHAN NICUKTI NYA 2:10

Nipou yo lene mben Emim ibong ei Ar. Yoni intig bou anjan ndig ngat noyam kin mben Enak di intig bou anjan ndig ngat ba,

NINDAT KEP TUHAN NICUKTI NYA 3:11

Mben Refaim ningwigsi rino Nibou Ndig Og nongkom. Iba tig di nijeisi meter bitai ba, ninyanti meter gom biniken bibon nide brua nimai bit leu nai di ice tut yam tut tu. Brua dima ningat rin ei mben Amon ide minu ndig Raba kikau kwei bipek ammani kep.)

NINDAT KEP TUHAN NICUKTI NYA 9:2

Timiei minu dima intig bou jei anjan ba, isindem bibor. Lene jimiap tut gi tungwatu nya ipui kep inghapti bipia bit bon mben hi hwen yok bingwig kan bi.

YOSUA 11:21

Ei nijam dima lene Yosua nya yuug ba, icok tut mben Enak di ibong ei nungug him. Mben Enak ne mben anjan bibor di ibong ei Hebron kin Debir kin Anab ba, ibong ei nungug him ei hanjop di keret Yehuda kin keret Israel nindigsi nya ide cem. Yosua nya igyai nimai bak yoni yahagom lene ibindei timek minu ndig di ide nya cem hagom.

YOSUA 14:12

Gima rino ma akwas minu ndig nya ei nungug him po tuhan preu ei mem da mpe di po dani kin ditde limwa nya ningkwei hanyen binitri tut mun di ningat bou nyenti niyai him pima tut da. Mpe dima lene nitri tut bina bipia mben Enak di anjan bibor ingat rin ei mpia dima. Yoni ibong ei minu ndig ngat di ibon ngug tig ser. Mpaba tuhan mimpu da ba, midijji yok dem igbit tuhan nitto ei bidati pima.”

YOSUA 15:14

Yo di intun Enak him ne Sesai kin Ahiman kin Talmai ide bat nya. Kaleb jji yo dima yahagom leu Hebron.

SAMUEL GI NIGOM 17:24

Tirigi tentara Israel ingat Goliat nitausi lene yahagom inang bingwig lewo ittin tut nindig bibor.

SAMUEL GI NIGOM 17:42

Tirigi noni kwei dideu bingat igbit Daud tu lene ningwes om kep bipa ndip noni lewo Daud ne pinai pilei he di ningkek sibui kei.