MBEN ISRAEL IMBUT-MBUT NYEN 12:8 - ALLAH NIHYET MEM TUNGWATU NYA

⁸ Gima rino dimbrap ei noho bei bidindo dingon kanti brei binoni lene tug hon nihyet nibiti ninda bi. Noni ngat dingat bou niyai him tu. Nggon rino jingon sir bijisrep tut Ditde awak di Musa i?”

MBEN ISRAEL IMBUT-MBUT NYEN 12:8 ပူးပေါင်းရင်းမြစ်များ

NITRITI 32:30

Lene Yakub simbot dat “Mei! Dingat Allah niimaisi bou diyai him tu lo, diyaisi jo yo!” Gima rino noni jem gumihyep dima ninyeng “Pniel”.

MAZMUR 17:15

Noro midingat Na bou diyai him lewo diyai mun tunggwei hi bi. Mpe di dikiju leu dibong eisi lene dingon nggei-hi-nggei lewo Angat rin bit da.

MAZMUR 49:4

Miditri tut mun di kwei leu dingon kiti. Midiba dibou ngwakti di kwes bikan-kan nyen.

NEHEI LEUSI 19:19

Lene pun mbrei nimbi bong nindig bibor. Musa hap niji bimbrap leu api Allah buhup nihyet tug hon kru di nisu bong.

NEHEI LEUSI 20:4

Harin dima jibibon kwar di jikuk je bak bou jinda him di noyam kin mun nyeng hi ei mpia-bbed him kin dihyeisi kin gi jo ei minyeiti ei dihyei joua.

NEHEI LEUSI 33:11

tuhan mbrap pijum bit Musa dem kep nok tungwagom mbrap bit nisut. Gima ngwig leu lene Musa ngkwei hanyen ug ei ide prak meng yati dima. Lene pinai pilei Yosua po nicig ninyeng Nun pima ya kui Musa bimpu noni. Noro noni kuk no nyahan ei tuhan De Prak Meng nsi dima ba, hei sut Musa bi.

NEHEI LEUSI 33:19

Lene tuhan buhup “Midiba Ditde nikei-kau-keisi bimbut sin nati leu api midindat kep dinyeng di kwes-kwau leu binhyepo tibim ei atingou nsi. Dani ne tuhan rin ba, dingondut tungwatu nya di didimig yok ei su nya bidisingat tut yok.

NEHEI LEUSI 33:23

Lene midibrim dinda leu nani apino ma angat bei dinghim noro ma angat diimaisi bou ayai him bi.”

NEHEI LEUSI 34:30

Tirigi Harun kin mben Israel nindigsi nya yahagom itou kep Musa bingat lo, niimaisi piga kei lene igya ei minu ting lewo idigit tut.

NIPINGOK NINGONTI 1:6

Tug hon nisinati dima lene ingon midorti tut nihyet nibiti nindati nya kin nisimbot kep biyam tut nimimun kin nihyet buhun di tibim ei yo di ingon ki nya yuhui him.

YESAYA 40:18

Gima rino aba Allah binai kin tou i? Akan huk Noni noyam kin tou i?

YESAYA 46:5

Gino jikan huk Allah lene Noni noyam kin tou i? Jibinai Noni kin tou i?

YEHEZKIEL 17:2

“Na di tungwatu di ayaijo kikau bi e, ma apui sut nihyet nibiti nindati,

YEHEZKIEL 20:49

Noro da di Yehezkiel dindo dingon buhunti bidipai “tuhan Di Ninyeng Jei Bibor e, ma acuk da biditri tut nihyet dima au! Yahagom inso-nso nyen tut da drek dip gi diba nihyet nibiti nindati he bitri tut nihyet apino nggruk bibor mem gima ingon huk niti a.”

HOSEA 12:13

Yakub dino ide pung di intun him nang ug ei minu Mesopotamia leu api bon nonti nok awak mem tungwagom binyohou no dima nide domba nya ei minu dima leu binhyepo bitug ndei nitnem.

MBEN ISRAEL IMBUT-MBUT NYEN 14:14

lene yoni mitri tut bak timiei minu Kanaan nya bu. Yo dima ikan tut bipia Na di tuhan angat rin ei nyeni nikieti ba, ando Nanti binye tug hon Ade bumbuhui ttou di bie tut nye mem njap ba, tug hon Ade cou hum di bie tut nye mem mmun cem tu.

MBEN ISRAEL IMBUT-MBUT NYEN 7:89

Bikwop mpe di Musa coi ug ei tuhan De Prak Meng nsi bimbrap bit tuhan lene noni miap tuhan nihyet di tibim kwei leu Brua Gi Preu nibeng dip ei kerub cin ikieti.

MATIUS 13:35

Tug hon nisinati dima lene mun di tibim ei nabi nuhui him pek kep tu. Ba, nabi pai, “Diba nihyet nibiti nindati bingginau tungwatu nya. Dimbot kep tut mimun di jo nding habiei ei nimbie him kikau kwei bipek ammani kep.”

LUKAS 10:16

Lene Yesus pai bak yo di ibit Noni “Bikwop no di ngig nitingou mem jihyet lene gima dem kep nok ngig nitingou mem Dani dihyet. No di kou sut je lene gima dem kep nok noni kou sut Dani cem. No di kou sut Dani ne gima dem kep nok noni kou sut No di cuk Da kwei cem.”

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

YOHANES 15:15

Dijem je awak bu bi lewo awak nya ikan tut iceu niyai munti nya bi. Noro dijem je disut bat di dingon kieti nya lewo ditri tut mun di dimiap leu Dicig hagom bije tu.

YOHANES 15:24

Gino diyai midyai di bit bon yo di hiter igyai kan bi ei ikieti bi lene ingon mui ba, sisar ntun him bi. Noro tini bu ne ingat Ditde midyai nya hagom bou igyai him ba, ingon mpo tut Dani kin Dicig tu.

KORINTUS GI NIGOM 13:12

Mun di ingat ei igyai him mem nijam dini noyam kin ingwes di ingat ei kisinati di pimber. Noro ei nidipti bu lene ingat ningat brei bisieng-siau kei. Ei nijam dini lene dingon dorti tut mun nyeng hagom bi. Noro ei nidipti bu lene midingon dorti tut mun nyeng hagom bit leu nok Allah ningon dorti tut dingon bei triti.

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

NINDAT KEP TUHAN NICUKTI NYA 18:15

Noni mipinak nabi gom leu jide mben di noyam kin da ndam je. Lene ma jibit nipingok jeti nya.

NINDAT KEP TUHAN NICUKTI NYA 34:10

Nabi di noyam kin Musa hi srig mben Israel ikieti bi sren. Lewo tuhan ndo Nonti bak bimbrap hammi Musa niimaisi.

NINDAT KEP TUHAN NICUKTI NYA 4:15

“Ma jiyok ngon kep bipia tirigi po tuhan nihyet tibim kwei leu hum njengti ei Nungug Sinai ei jitingou nsi pima lene jingat Nonti ningat bou jiyai him bi.

NINDAT KEP TUHAN NICUKTI NYA 5:8

Harin dima jibon kwar bou jinda him mem gima jikuk je bak ba, jiba gima bingon mun nyeng hi di jo ei mpia-bbed him kin dihyeisi dini kin gi jo ei minyei jou ei dihyei jou cem a.

KOLOSE 1:15

Allah ningat jo nding leu tungwatu nya igyai him noro Noni ndo Nonti ningwes brei biyok tug hon Kristus. Kristus ne Nipmot mighumbou di ninyeng jei bidor njiriek Allah nipai testi nya hagom ri.

TESALONIKA GI NIGOM 4:8

Gima rino tungwa tou rino rok ningginausi dini lene rok tungwatu nya ighyet bi noro rok Allah di kes Ninnei nyahan ei jingonti nihyet tu.

TIMOTIUS GI NIGOM 6:16

Nongkom niyaijo kikau. Noni ningat rin ei nipigati di sieng-siau kei di bit bon tungwatu nya icem kep kan bi. Hi ngat Noni bou niyai him bi sren lene bit bon hi ngat Noni kikau bi sren. Tungwatu nya yahagom mikon ninyeng ba, Nide nisindemti ug hon nohonti bi sren! Igbit ri.

IBRANI 1:1

Nipou yo ne Allah ba nisinati di ter leu yam bitri tut ningon kanti bak idigup-idigai bat nya mbirimang bibor tug hon nabi nya.

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.

PETRUS GI NICAN 2:10

Ba, gini bitut yo di ibit ingut kanti di mpiei bibor di srou yok kin yo di ingwes pri gau Allah de nisindemti cem bibie ug e. Guru nitrowai nya ingon jei bibor ba, illei-lau cem. Ba, ikucang Allah De nipai testi di dia-diau nya ei ginyo kug bingwes mien tut bi!

YUDAS 1:8

Nok gima cem yo di isibut pima yok ipai bipia ingat ningat-hi-ngat di bindei dino ibon sisar tut yonti ingut apino ingwes pri gau Allah ninyeng di tak kep yokti ba, ikucang ninnei di dia-diau nya ei ginyo kug cem.