MBEN ISRAEL IMBUT-MBUT NYEN 12:13 - ALLAH NIHYET MEM TUNGWATU NYA

¹³ Gima rino Musa hara bak tuhan “Allah e, dahara bipia ma ayai ningkek ngun eisi hanyen binoni!”

MBEN ISRAEL IMBUT-MBUT NYEN 12:13 ပူးပေါင်းရင်းမြစ်များ

NITRITI 20:17

Lene Abraham ngat nadi tindei yok apino Allah bindei ba, Abimelekh cem kei hanyen ba, bon nitnem kin nide awak sop nya cem yahagom inghop hanyen.

NIBOU NDIG NYA GI NIGOM 13:6

Lene Nibou Ndig Yerobeam hara nabi dima “Angat nadi tindei da bak ade tuhan Allah leu binhyepo Noni ngondut da bikinding dinda bikei hanyen!” Lene nabi dima ngat nadi tindei nibou ndig dima bak tuhan leu api ninda kei hanyen.

MAZMUR 30:2

tuhan e, dikon anyenga. Lewo ateu da ba, dingwes ngun leu ditde siceu inda nsi lene asindui sut ba, ditde siceu nya imbos-hi-mbos bingon kei kep da bi.

MAZMUR 41:4

tuhan mimpu noni mpe di nggwen biyai ningkek ngun eisi hanyen binoni cem.

NEHEI LEUSI 15:26

Bipai biyok “Gino jiba jingon di gom bibit dihyet lene jiyai munti nya hagom sren kei bou diyai him leu api jiyok ngon kep dicuk jeti nya hagom lene midikes hukum ninggwen di buhun nya po di kes ei mben Mesir dip pima ei je dip bi. Dani ne tuhan di bindei ba, jikei hanyen ri.”

NEHEI LEUSI 4:7

Lene tuhan cuk noni bu bipai “Asu anda hanyen ei ade sinsunti.” Lene noni yai mun bit leu nok tuhan nicuk noti bu. Tirigi noni brim ninda hanyen leu lene ngat lo, kei hanyen tu.

YESAYA 30:26

Bed mmun cem micom nimig bidem kep nok mpia njap di com nimig. Mpia njap mipiga kei mbimuhwindacan bram yam binjiriek leu nipiga kepti di piga ngan-ngan tu bidem kep nipigati ei njap muhwindacan bicom yam ei nok gom pimo. Mun dini yok hagom mipek kep mem je mpe dino tuhan ngot kep Nide limwa nya ibok di itug ndei nya ba, binjei mun di kei bak yoni.

YEREMIA 17:14

tuhan e, ma angget da leu binhyepo dikei hanyen. Ateu da bidingwes ngun. Dikon Nangkom he anyeng bijo nai!

MBEN ISRAEL IMBUT-MBUT NYEN 11:2

Lene yoni yahara Musa leu binhyepo mpu yok. Gima rino noni ngat nadi bak tuhan. Lene hum dima kes hon biyem yok bu bi.

MBEN ISRAEL IMBUT-MBUT NYEN 12:12

Ma asindui sut ba, Miryam ningkek dip mpiei noyam kin ningwoi-ngwoi di nipmem gwam tut kinei au.”

MBEN ISRAEL IMBUT-MBUT NYEN 14:2

Yahagom inso-nso nyen bak Musa kin Harun bipai biyok “Gi kei rino nimai hak tirigi po nibong ei minu Mesir pima e, he nimai hak ei iggum ndigsi dini e.

MBEN ISRAEL IMBUT-MBUT NYEN 16:41

Njapti kui bu lene mben Israel yahagom ingon sibui sut Musa kin Harun bipai biyok “Jibindei ba, tuhan de limwa nya wer imang imai su.”

LUKAS 23:34

Lene Yesus hara bipai “Arig e, akos ser ide sisar! Ikan tut mun di igyai dini bi.” Tentara nya iko bibinggok tut Yesus de sinsun bingwig leu lene ikwas Yesus de sinsun tut yam.

LUKAS 6:28

Ma jingondut yo di isigion je bijingat nadi tindei yo di ihwen bit je.

KISAH 7:60

Lene noni ba nibiau bicom mpia leu api ba nihyet nindig bahara “Tuhan e, ma akos ser ide sisar leu yok hak ug.” Hara nok lene ninnei kimbas.

ROMA 12:21

Ma jisindui sut mun di kinei bibor bindei cut jeni au. Noro ma jiba niyai munti di kei bibor bicut mun di kinei bibor.

YAKOBUS 5:15

Ide nadi di ingat tug hon niba ningon com Yesus Kristusti mibindei ba, no di nggwen miyai ningkek ngun eisi. Allah misindem tut noni bikei hanyen bikos ser sisar di bon nya.

SAMUEL GI NIGOM 12:23

Noro tut dani ne dikou sut gi dibon sisar tut Allah tug hon gi dikes hon ba, dingat nadi tindei je bu bi. Noro midingginau je tut jiyai munti di kei bibor kin mun di suar jiba jingon gom biyai cem.

SAMUEL GI NIGOM 15:11

“Dinso Danti tut gi didimig Saul nok nibou ndig lewo noni kiek noho ter leu Da ba, bit ditde nicuk noti bi.” Lene Samuel ningon buhun bibor ba, ngat nadi bibidip huk Allah kikau mem mmun dima.